Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Camah Ma Olot

Kénging Yayan 'Bedog' Supriatna
Dipidangkeun dina lapak 30 Januari 2013 20:07:40

“Ujang, geura jung indit bising kapeutingan di jalan, ari hamo meuting heula mah ”, ceuk Ma Olot basa kula bangun anu leleda. Ngingetan.
“Jung ,sing salamet di jalan”, ceuk Ma Olot bari nyamahan kula.
Wanci geus nyedek ka sareupna basa nikreuh mapay-mapay jalan satapak, ngaliwatan sawah, kebon, meuntas susukan.
Kira harieum beungeut anjog di toangan. Ruy-rey muringkak bulu punduk. Aéh.. itu ning aya aki-aki di hareupeun, leumpang saarah jeung nu dituju. Ku kabeneran, deuk disusul ambéh aya batur. Teu kasusul baé, éta aki-aki jojong leumpang . Palebah pengkolan abus ka palemburan,aki-aki ngiles. Aya sora ngagorobas. Palemburan simpé taya nu ngulampreng saurang-urang acan.
“Wa, naha palemburan asa tiiseun jasa?”, ngaregot cikopi, nuuskeun kacapé.
“Apan can saminggu aya nu dibégal di toangan nepikeun ka hanteuna. Na Ma Olot teu cacarita?”.

Komentar (42)

Dewi Ratna Damayanti
hiyyy... bapa aki eta pangintennya? hiiyyyy....
Mulyana SA
mistery pol
Yayan Bedog Supriatna
Ceu Dewi Ratna Damayanti, ceunah mah aki-aki éta titahan Ma Olot keur ngajaga pun kula, hihii...
Endang Kasupardi
duh sieun meni asa nuturkeun
Iwan Hanjuang
Sae Lo.
Yayan Bedog Supriatna
Ki Sunda Sawawa, Wa Iwan Hanjuang, nuhun jasa
Yayan Bedog Supriatna
Ka Endang Kasupardi, komo pun kula, isok ruy-rey kénéh baé pama inget
Rudi Riadi
Sumpahna ge, daek bangkrut dina monopoli abdi teh tos ngomen kana fikmin ieu teh. Naanging ngiles. Eta unjuk tumaros perkawis kecap "toangan' atanapi 'totoang' naon hartona Kang Yan.
Yayan Bedog Supriatna
Aka Rudi Riadi, toangan éta jalan anu rada ngemplad ditengah leuweung tanapi tengah tegalan jauh ka palemburan.
Yayan Bedog Supriatna
Aka Rudi Riadi, uninga ari 'camah' ?
Rudi Riadi
Euh, tah ngartos atuh ayeuna mah. Nuhun, Kang. "Camah"? eta ah ppejabat luhureun lurah atanapi kades sanes? heuheu.
Yayan Bedog Supriatna
Camat ta mah,-panangan lebetkeun dengkék ku kélék , laju diusapkeun kana raray-, éta camah namina Aka Guru, hihii...
Nana Slamet Tresna Aji
Mani reueus kabina-bina uing mah aya Kang Yayan 'Bedog' Supriatna anu mucunghulkeun basa wewengkon Majalengka. Mugia langkung nanjung sareng tiasa neraskeun tapak-lacakna Bah Ajip Rosidi.
Yayan Bedog Supriatna
Aamiin..., hayu atuh cuang babarengan silih bantuan Aka Nana Slamet Tresna Aji
Nana Slamet Tresna Aji
Hayu Kang Yan, keun uing mah bagian macaan karya-karya Akang. Ngan di dieu mah mani hararésé pisan néangan buku karya Akng téh. Cik pangirimkeun ka uing Kang, keun masalah ongkosna mah ké lamun panggih dijamin lunas baé
Yayan Bedog Supriatna
Ingbokkeun addresna, ke cuang ungkeun ka Panerbit WL (Ka Ibnu Hijar Apandi) di rorompok mah tos érép.
Yuharno Uyuh
Haruuh tegep eung! Ki Sadi modonghol. Siiiip!
Kokom Komariah
Nambih kosa kata basa sunda nu teu acan pernah ka aos. "toangan". Naon nya hartos saleresna?
Rameli Agam
Has, gaya mandiri, Aka Yayan 'Bedog' Supriatna. Aheng jasa, Ka. Matak muringkak, yeuh. Mantap.
Dewi Ratna Damayanti
ugan abi teh toang/totoang teh jalan leutik mun ayeuna mah trotoar tea...
Nyimas Kanjeng Ratu Yuyu
boa-boa éta téh lelembutan nu dibégal...iyyy matak muringkak Aka.
A. Halim Kusumadjati
Halaaaah..! Dicamahan ku Ma Olot, kacipta hangesuuuurna, yuah..ha..ha! Mantaaaav!!! Nyanggakeun semur jengkol sawaskom, Ang Yan.
Sarjang
Di Kang Yayan 'Bedog' mah "toangan", tah di Karawang mah totoang... Jigana hartina mah ampir sami.. Sip Kang!
Ed Jénura
--luak-lieuk, heuheu!
Yayan Bedog Supriatna
Ceu Kokom Komariah, 'toangan' basa wewengkon Talaga-Mjl pama di Karawang = 'totoang' jalan nu rada ngemplad matak pihariwangweun nyorang
Yayan Bedog Supriatna
Ceu Nyimas Kanjeng Ratu Yuyu, sanés rupina, ja anu dibegal mah sanés aki-aki tapi wanoja geulis tur seksi, hihii...
Yayan Bedog Supriatna
Aka Helmi Pakudjati, ha..ha..ha..,ambéh teu teunggar kalongeun Aka. Nuhun semur jengkolna
Yayan Bedog Supriatna
Aka Yuharno Uyuh, Ceu Éndah Dinda Jénura, nuhun jasa, kahadé kudu ungkeun dicamahan heulan pama badé iinditan sareupna, hihii..
Yayan Bedog Supriatna
Abah Sarjang, uhun sami, asana di daérah kulon géh (Aka Rohendi Pandeglang) 'totoang'.
Ahmad Syarif
Pangna teu kasusul ku Budak ngora.. cigahna si Aki ngagunakeun `elmu lengkah gunung... He..
Yayan Bedog Supriatna
Ka Ahmad Syarif, ahéng puguhan geh, ja jarak asa angger baé teu ngajauhan teu ngadeukeutan ka éta aki-aki
Yayan Bedog Supriatna
Aka Nasrul Jatnika, karah di kulon aya 'camah'?
Yayan Bedog Supriatna
Aka Rameli Agam, iraha badé ka YPK deui?, saronoeun ka Aka
Rohaendi
Lain Ka Yayan. Tetewang teh aya istilah nu aheng di dieu ngan hanjakal poho, kin urang siar heulan. Halah ieu carita ni capetang jasa. Sip ka.
Nasrul Jatnika
"Uingah toangan Ka Yayan 'Bedog' Supriatna. Najan konteksna kaharti, keukeuh hayang nyaho naon ma'na leksikalna."
Yayan Bedog Supriatna
Ditanggoan jasa, Ka Rohendi Pandeglang. Sasat kecap 'toangan' baé aya nu teu uninga komo istilah ahéng anu di kulon éta, Ka
Yayan Bedog Supriatna
makna leksikal naeun téa? Aka Nasrul Jatnika
Mugiassa Bagja Fiddunyawalakhiroh
Jempol Ka Yayan 'Bedog' Supriatna, endah jasa "perpaduan Kosa kata" Sunda Banten-Priangan.
Yayan Bedog Supriatna
Gado-gado Aka Mugiassa Bagja Fiddunyawalakhiroh. Pun kula ti budak nepi ka rumaja di Talaga, ningkat dewasa tepi ka ayeuna di Bandung. Manggih basa kulon bet resep jasa, asa nostalgia ja loba kosa kata nu sawra jeung di palemburan Talaga.
Nasrul Jatnika
Muhun eta kosa kecap manawi Ka Yayan 'Bedog' Supriatna. Ngarah kacanggreud ku pun uing. Kamus basa pandeglang ngorehanana jero pisan.."
Nasrul Jatnika
"Muhun eta 'tetewang' sareng 'toangan' hartosna naon Ka Yan? Hehehe.. :) "
Yayan Bedog Supriatna
toangan/tetewang/totoang dikoréhan dina kamus R.A Danabrata teu aya, Ka Nasrul Jatnika. - Jalan anu rada ngemplad tur sangar/sanget jauh ti palemburan. Biasana diapit ku leuweung atawa jungkrang- , kitu Ka numutkeun kamus pun kula