Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Meunang Bagja

Kénging Ki Denkur
Dipidangkeun dina lapak 30 Januari 2013 19:32:25

Embé hideung embé bodas. Hideung jaluna bodas bikangna. Ngangkleung kaéréd caah walungan. Ngagulidag. Gupuy gapay néangan pamuntangan. Nu karanggeum ukur jukut gawir akar hanjuang. Koléab deui koléab deui. Pamustunganana, pasrah sumerah. Nuturkeun kamana léokna cai. Pareng sakitu méter kana curug. Jajantungna ratug. Kasawang pipaéheun. Curug nangtawing. Patulayah, batu gedé.Mojéjéjrél mun sirah ninggang kadinya. "Nyai geulis, sakeudeung deui urang bakal balik," ceuk embé jalu. Duanana tipepereket. Silih puntang. Patangkeup-tangkeup. Embé bikang juuh cipanon maseuhan dada sang kakasih. Hawar-hawar kareungeu sora manusa. Tingjorowok tingjarerit. Lalumpatan nunutur palidna embé. "Alungkeun tambangna euyy.....!! montong ngojay siah kabawa palid. Haduhhhh..aingah, embé kami ngan sakitu-kituna téh," nu bogana jeung nu aleut-aleutan patémbalan tingjorowok. Gujubarrr...Aki Sahli ngagujubar. Kekerebekan. Ngarawél embé. Gajleng embé hideung hanjat. Salamet. Tinggal embé bodas jeung Aki Sahli. Teu témbong deui. Gujrud, gedé panyangka kabawa palid. Bréh, dina gawir Aki Sahli dibubuligir. Nanangkeup embé bodas. “Montong diteangan Sujang, baralik wéh,” pokna meunang bagja.

Komentar (18)

Yuharno Uyuh
Ahhaay, tegep, teu burung modonghol deui! Uing sono kana fimin Aang teh!. Siiiiip!!!
Mulyana SA
Keweg pisan ....(Y) (Y)
Dewi Rengganis
Duh, karunya teuing, mbe bodas. Hiks
Yuharno Uyuh
Tah Ang, tencang guntreng modonghol! Hheheheh
Dennykurniadi Kurniadi
Kang Yuharno Uyuh, bagea nyanggakeun, sehat juragan?
Dennykurniadi Kurniadi
Ki Sunda Sawawa......nuhun pisan
Dennykurniadi Kurniadi
Dewi Rengganis....kahartos nya
Dewi Rengganis
Nteu...wkwkwk
Yuharno Uyuh
Alhmadulillah aya hibar Ang! Prung deui ah!
Dennykurniadi Kurniadi
Dewi Rengganis...hehe
Dennykurniadi Kurniadi
Kang Yuharno Uyuh........sono ka YPK eunk
Yuharno Uyuh
Hayu ateuh meni ngampalneg duanana, heheh
Dennykurniadi Kurniadi
Jiahhh....make duanana atuh
Eni Setiani
Nya da si Aki mah Maksudna ge nulungan embe bodas, margina aya hate kadua butuh! aheuheu
Dennykurniadi Kurniadi
Mbi Chymepm....hahaha, nuhun ah
Yusuf S Martawidenda
Si aki bakal keuna fasal tah. Pelecehan terhadep embé bikang. Dikurung dina kandang embé tilu taun. Ha .. hah beuki maceuh atuh si aki téh..
Rudi Riadi
Bagea Ki Dengkur...kamana wae. yap geura preoduktif deui. Ulah ngangon domba wae....!
Ratna Ningrum
Hahahaha....