Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pacul

Kénging Helmi Pakudjati
Dipidangkeun dina lapak 30 Januari 2013 16:47:36

Wanci manceran. Matapoé indung dayeuh hanaang ngalétakan aspal. Ruhay nyay-nyayan. Bréh fatamorgana di tungtung jalan protokol. Éndah sinawang ti kaanggangan. Ngabébénjo sugan ngéjo, harepan tarapti disuhun luhureun toroktok rawing. Hawa panas nyongkab awor jeung sora gecruk pacul nugar taktak jalan. Késang tiis ngagarajag, jibrug maseuhan kaosna. Leuseuh-baseuh. Badis nasib Mang Winta nu boborot kaséréd gulidag jaman. Tali paranti nu mingkin teu kaharti. Pacul nu sasari namping galengan, kiwari ngagali kamalir pakeun cai laju ka hilir. Blentrang! Pacul rompang neunggar pipa ledeng. Gecruk! Goréhél kabel telepon pajuranteng. Gecruk! Kurunyud kabel listrik. Trrrr.. awak Mang Winta ngeleper. Kekejet sakedapan. Wanci tunggang gunung. Mobil pikeup nganteur Mang Winta mulang ka Majalengka. Lembur matuh banjar karang kalanggengan.

Komentar (59)

Ahmad Fawzy Imron
Innalillah....
Rita Rosita
Haruuuh ketiir ti mjlengka mah seueur tukang galinya? mung eta kecap nu leres fatamorgana atanapi fatamormagana?
A. Halim Kusumadjati
Ambu Rita Rosita> Fatamorgana, maksadna ambu. Nuhun koreksina, mbu. Di Web parantos diropea. Sumuhun ti Majalengka mah seueur nyaba ka dayeuh janten tukang gali teh, mbu.
A. Halim Kusumadjati
Ang Ahmad Fawzy Imron, Wa inailaihi roji'un. Nuhun Ang.
Dennykurniadi Kurniadi
Nasib jalma leutik sakitu-kituna, tara aya tunjangan najan cilaka ku kasetrum oge.....hahahahaha tegep Ang
A. Halim Kusumadjati
Ki Denkur, Prihatin Ki, sektor informal nu teu katoel ku jamsostek. Bakat ku geus teu bisa ceurik, si leutik mah alung basa kalah ka nyeungseurikeun nasib sorangan, Ki. Nuhun Ki.
Eni Setiani
Watir, lengkep asa ras ka anak mbi nu ngadon kuli ka kota. Gustiiii! Salametkeun pun anak!
A. Halim Kusumadjati
Mbi Chymepm, mugia tuang putra ditangtayungan, Mbi. Amin Ya Rabb.
Eni Setiani
Helmi Pakudjati Amiiin Yaa Alloh! Teu kiat Ang maosna oge!
Nyimas Kanjeng Ratu Yuyu
Naha nya ari tukang ngagali seueur urang Majalengka?
A. Halim Kusumadjati
Nyimas Kanjeng Ratu Yuyu, Sumuhun Nyimas. Pangseueurna ti 3 kacamatan (47 desa) nu sok ngaborong galian teh.
Nining Mulyati
Ang Helmi abdi ge terah Majalengka, Alhamdulillah pun bapa mah sanes tukang gali...he...he...
A. Halim Kusumadjati
Subhanallah..kutan Teteh Nining Mulyati ti Mjalengka. Haturan wilujeng tepang. Nuhuuun.
Nining Sariningsih
Deudeuh teuing nasib jalma leutik! Eta Āţůђ dijajapkeuna teu kana Ambulan? Dupi ngagajarajag naon Kang?
EMAN BUDIMAN
potret kahirupan bulu taneuh nu ketir, nu teu weleh kasered jaman. hareuh.... boa baraya uing ari ti majalengka mah ? :)
A. Halim Kusumadjati
Teh Nining Sariningsih, ngagarajag maksadna, teh. Nyeta kalangkungan, nuhuuun teteh. Parantos diropea dina web.
A. Halim Kusumadjati
Ang 'Eboed' Eman Budiman, Manawi Ang. Tapi da Aang mah panginten barayana menak, hadeeuuuh!
Rudianto Surya HS
Fikmin Ang Helmi teu weleh matak nyeuit kana ati, Mantaaap. (y) (y) (y) (y)... Sakedik patarosan Ang : nyay-nyan atanapi nyay-nyayan? Nuhun Ang.
A. Halim Kusumadjati
Tah eta maksadna ang, Nyay-nyayan. Nuhuun, parantos diedit dina lapak mah ang. Nuhuuun.
Yuharno Uyuh
Tegepeep Ang! llalakon pacul saba kota. Mtak nalangsa.Hebringg!
Rudi Riadi
Lantip tungtungna. Teu "dioyagkeun' teuing janten hiji peristiwa nu dahsyat. Santey. Nanging matak ngagerung kana hate....
Neneng Yatikurniati
toroktok rawing teh naon? di Lampung oge tukang anu ngiringan di proyek-proyek teh seuseueurna gening ti Majalengka. Sumanget kerjana jarempolan
A. Halim Kusumadjati
Ang Guru Yuharno Uyuh, pacul nu leungiteun tali paranti, ang.
A. Halim Kusumadjati
Ang Rudi Riadi, fikmin mesin diesel ang, ngeteyep we ah. Nuhuun.
A. Halim Kusumadjati
Teteh Neneng Yatikurniati, maksadna dudukuy tina awi tea, teteh.
Neneng Yatikurniati
di Garut mah namina nya dudukuy wae
A. Halim Kusumadjati
Teh Neneng Yatikurniati, sumuhun upami dudukuy biasa mah bahanna sami sareng samak. Upami dudukuy toroktok mah nu tina awi.
Neneng Yatikurniati
ih Kang Helmi Pakudjati mah maksa, da di Garut mah teu aya toroktok. hihi
A. Halim Kusumadjati
Teh Neneng Yatikurniati, oh kitu sumun. Ayana dudukuy tiriktik panginten nya? xixixixi
Neneng Yatikurniati
hehe
Rameli Agam
Katelah black brigade atawa brigade hitam. Tangguh, solidaritas tinggi, semangat pejuang tulen. Tegep. Koreksi saalit, Kang: "pikeup bak terbuka" > rupina cekap "pikeup" wae, margi "pikeup" teh pan tos ngajelaskeun/ilaharna bak terbuka. Siip.
Budi Dharsono
Aya oge nu nyebat teh: totopong, cotom, dudukuy cetok he...
Godi Suwarna
:"Taaah, uingah resep pisan kana ieu fikmin, Ang..! Ungkarana genaheun pisan, nyerep kana hate uing. atuh lalakonna karasa matak ngangresna..."
A. Halim Kusumadjati
Uwa Godi Suwarna, Duh meni bungangang eum, teu pira fikmin 'pacul' kalandep ku Uwa, Nuhuuuuuun, Uwa.
Iwan Kurniawan
Kang hoyong terang sim uing mah, dupi nu kawentar tukang gali teh ti kacamatan mana wae Majalengka na teh?? Punten rada ngembang waluh...
A. Halim Kusumadjati
Ang Iwan Kurniawan> Ti Kacamatan Ligung, Kertajati sareng Jatitujuh, Ang. Katambihan ti Jatiwangi, Palasah sareng Sumberjaya, mung teu saseueur nu tilu tipayun.
A. Halim Kusumadjati
Ang Budi Dharsono, Tuh geuning seueur istilahna, nuhuuun Ang. katambihan pangaweruh yeuh. manteuup!!
Érwin Wahyudi
Pasihkeun ieu fikmin teh ka para "Calon 2013" Kang!
A. Halim Kusumadjati
Ang Rameli Agam,Weiiss aya ku keren istilahna : Black Brigade, manteuuup. Tah muhun ah, di web cuang ropea, cekap'pikeup' we ameh simpel.Nuhuun, Ang.
A. Halim Kusumadjati
Ang Érwin Wahyudi, numawi dudukuy toroktok keunka rawing teh, balas diganggawing ku rupa2 jangji nu luplep jiga kukumbul useup, di unggal pilkadal, Ang. heuheu!
Iwan Kurniawan
Kang Helmi: Hatur nuhun, nambihan elmu keur sim uing..... Jatiwangi mah nu kasohor kentengna nya Ang..?
A. Halim Kusumadjati
Ang Iwan Kurniawan,Sumuhun leres vsan. Saur nu resep guyon mah, urang Jatiwangi mah katelahna 'penjual tanah air', tuda hayooh we taneuh dicebor ku cai, teras dicitak janten gendeng, der diaricalan..hehe..!
Iwan Kurniawan
Abdi mah kantos amengan teh ka daerah Maja kang, kapungkur mah sering mung ayeuna tos lami tara kaditu...
A. Halim Kusumadjati
Ang Iwan Kurniawan, Tah upami Maja mah rada ka palih kidul, tos wewengkon pagunungan.
Iwan Kurniawan
Muhun, puguh resep ku laliuhna ari amengan kaditu teh.....
Nasrul Jatnika
Wah.acul jadi jejer anu matak nyeuit..kahirupan anu gumantung kana ngajual tanaga, bari euweuh sama sakali jaminan kasehatan atanapi asuransi jiwa. Antukna sering dirugiikeun ku alesan klasik..kacilakaan keur digawe.. Nyeuiiiiiiittt...pisan
A. Halim Kusumadjati
Ang Nasrul Jatnika, Nya maklum tuda tukang gali mah nampi order padamelan oge, duka tos tangan nu ka sabaraha boa. Sektor informal nu teu katoel jamsostek, Ang.
A. Halim Kusumadjati
Ang Dadan Sutisna, ugi kum ka sadaya nu parantos mairan sinareng masihan jempol pangrojong, haturnuhun katampi vsan. Mugia tiasa patepang deui dina fikmin salajengna.
Nyai Endit
Naon atuh? Nyai teu acan komen?!
A. Halim Kusumadjati
Nyai Endit, Nyai mah wios teu komen oge, jempolna tos karaos maknyuuus!! hehe..!
Sarjang
Duh.. Gambaran panasna matak hareudang Ang... Pungkasna oge ketir.. Emh, jalma leutik... Dunya mah hampuraeun, Mang Winta...
A. Halim Kusumadjati
Bagea Abah Sarjang, hadeuuhh nuhuuun vsan dilongok ku Abah. Kitu geuning nu nasib Mang Winta- Mang Winta di lembur sim uing teh, Bah.
Ed Jénura
ngabelentrang pisan ieu pacul agraris, mencug hate...
A. Halim Kusumadjati
Teteh Éndah Dinda Jénura, bersama pacul Mang Winta, telah memencugkan posisi 2-2, Liv vs Arse, haruuuh!!
Mahpudin
Abdi mah sabot kacai, saatos kenging 2-0 teh, da mules der weh ka jamban, na eta mah ti jamban naha jadi 2-2... sugan teh salah nulis eta sakadang tivi, dugi ka dikoclak-koclak.. mun aya pacul mah dipencug tah tivi teh... hiks...
A. Halim Kusumadjati
Apa Sarah Ihsan, haruuuuh kotka muyessss, hobaaaat! Namina si kulit bunder tea, Ang. Sok galuang-galeong, jol...blussss!!
Budi Mugia Raspati
Weis ungkara-ungkarana pinilih yeuh. Nikmat. Saurna mah eta pasukan teh di ditu na mah kagungan gedong sigrong.
A. Halim Kusumadjati
Ang Budi Mugia Raspati, Upami boss-na mah mah kantenan, sab motong ti upah harian 5-7.5 rb/urang x sakitu urang, Nuhuun Ang. Padahal ka boss luhurna deui mah borongan meteran.
Endang Rochimat
Kedahna mah nganngo ambulan ditaretes kembang malati kanggo pahlawan ieu mah nya ang? hededlah