Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Layung

Kénging Ari Andriansyah
Dipidangkeun dina lapak 30 Januari 2013 09:25:12

Layung ngempur. Angin basisir terus ngahiur. Ngarénghapan waruga handapeun pucuk janur. Ngariabkeun lamban sinjang garutan. Tembus kana liliglag kabaya sutra bodas. Laju ngudar rumbay buukna. Tina sanggul nu lésot tina roncé manglé. “Ayeuna urang tinekanan panganténan, Kang...” Sorana haroshos dibarung imut. Aya umang ngarayap leungiteun cangkang. “Rida bakal satia ngantosan mun Akang pareng jengkar balayar...” Sorana beuki geugeut. Aya hiji ngaran dina kikisik tapak gurat rémana nu lancip. “Ulah lami teuing ngalautna...” Sakilat lambak ngalantiskeun sirna gurat. Jung nangtung. Ngalacat kana ruruntuk caruk parahu. “Rida hoyong lalayaran duaan sareng Akang...” Aweuhanna kapalidkeun galura ombak. Imut deui. Jrut turun. Lalaunan leungeun dibébérkeun. Nangtang angin. Nyeta-nyeta camar ngalayang. Léngkah ngerepan. Kukucuprakan jeung reregéh hégak. “Kang, hayu ngawang-ngawang...” Imutna beuki leleb. Sedeng satukangeun. Lebah liliuh tangkal katapang. Indungna lana nyérangkeun. Manéhna nu lawas nyorangan. Angin basisir terus ngahiur. Aya kalangkang lindu jeung caah ngaremkeun lembur opat taun kalarung. Aya genclang cimata kapulas layung panungtung.

Komentar (25)

Yayan Bedog Supriatna
sapertos biasa, edun..lana nyangkaruk na lelembutan. ketir jasa Aka
Ahmad Fawzy Imron
Sapertos biasa. Ayana flashback janten salahsawios kakiatan dina Fikmin Kang Ari. Ti awal dugika ahir, karaos pisan hirupna. Saur Kang Godi mah, filmis.
Sarjang
Rek di gunung rek di laut atawa di kamar. Setting teu weleh digambarkeun haleungheum hieum, warna katia nu matak nyeceb kana angen... Disambung ku jejer carita nu ketir, antukna urang diajak nyegruk satutasna neuleuman saban rundayan padalisan. Kitu nu karasa ku uing uinggal maca Fikmin Kang Ari Andriansyah... Siiip Kang!
Eni Setiani
Ukur semet cruk-crek maca fikmin Ang Ari Andriansyah kahoyong mah mbi ge ngadamel teh dugi kamencrang sapertos nu Aang! Nyanggakeun jempol ti mbi Ang!
Budi Mugia Raspati
Carios nu ketir. Diwangun ku kecap-kecap pinilih. Sugestif. Ginding naker, Ang.
Ed Jénura
eeeeyyy... genclang cimata kapulas layung panungtung! mencrang pisan, Mang!
Ari Andriansyah
Yayan 'Bedog' Supriatna: Hatur nuhun, Kang. Nu ketir mah manah Yuni Sarah saparantos ditilar Rafi Ahmad ka pangberokan, Hehehe...
Ari Andriansyah
Ahmad Fawzy Imron: nuhun, Kang. ke nyobian bade nu sinetronis, heheh... nembe ngalapak deui, abi ge teu acan maos fikmin Akang yeuh.
Ari Andriansyah
Abah Sarjang: nuhun, Bah. duka ku naon haleungheum wae ieu hate teh, hoyong sakali-kali ma mikmin nu satir sapertos Kang Rudi Riadi, tapi weleh pered kacida, heheh... Siplah Abah produktif deui mikminna. Iraha ka Karawang deui? Cuang ngawangkong ah.
Ari Andriansyah
Mbi Chymepm: heheh... sami-sami diajar, Mbi. Abdi ge masih lelengkah halu ieu teh.
Ari Andriansyah
Budi Mugia Raspati: Nuhun, Kang. Mana fikminna? asa teu acan katingal ngalapak? atanapi abi we kitu nu langki ngalapak jadi teu kaderes yeuh, heheh..
Ari Andriansyah
Éndah Dinda Jénura: nuhun, Teh. Hem Liverpool teu lolos FA, hahah... kaburr...
Rini Mayasari
tos teu kedah di komen ieu mah...nyanggakeun (Y) (Y) (Y).....hededd
Ari Andriansyah
Maya Pancanaka: nuhun, Teh.
Rita Rosita
Duuh iraha abdi tiasa ngadamel fikmin sapertos fikmin Kang Ari Andriansyah, mung bati kabitaaaa
Ed Jénura
Wewww... Ulah ngobrolkeun FA lah, nyeri hate abi, hiks! Mending ngobrolkeun Champion we. Iraha bade nyusul 5 kali kenging? Xixiixi!
Rudianto Surya HS
No comment (ceuk kabogoh uingah) (y) (y) (y) (y) (y)
Ari Andriansyah
Rita Rosita: Komen atuh, Teh. heheh... nuhun.
Ari Andriansyah
Éndah Dinda Jénura: Tenang, Liga Inggris ge kasusul, komo Champion, hehe...
Ari Andriansyah
Rudi Al-Fajri: nuhun, komen atuh, Kang (saur kabogoh abdi), heheh...
Irman N Dimyatié
:"Jadi ngawawaas lagu Ebiet G Ade... Camelia IV."
Rita Rosita
Kang Ari Andriansyah hehe sae pisan fikmin ngayaaas abiiiiiz abdi bati kabita heu heu
A. Halim Kusumadjati
Ngageuleuyeung vsan fikmina, Ang. Khas Ang Ari. Nu ieu mah nalangsa, katunggara teh dipolkeun vsan. Haruuuh!
Ari Andriansyah
Irman N Dimyatie: heheh... Oh...., Camelia, Kang.... Asa emut ka mantan ngadangu Camelia teh, heheh..
Ari Andriansyah
Helmi Pakudjati: Nyobian ngayas deui, Kang. heheh... nuhun.