Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Alamo-surosowan

Kénging Helmi Pakudjati
Dipidangkeun dina lapak 29 Januari 2013 19:09:01

Langit Banten poék mongkléng. Sakuringling Surosowan ditingker peteng. Pasukan Daendels samakta ku pakarang, ngepung wakul buaya mangap.
“Kanjeng Sutan, widian kaula ngiring bélapati,” Jim Bowie dumeuheus ka Kanjeng Sultan.
“Naon maksud jeung tujuan andika milu buméla?” Kanjeng Sultan ngawalon, malik tumaros.
“Hapunten, Nun. Jauh dijugjug teu aya sanés jisim kaula seja kumawula. Mertahankeun Bénténg Surosowan, pikeun picontoeun anak incu kaula, Nun.”
“Hadé mun andika miboga patékadan kitu. Katampa darma bakti andika. Tapi naon nu jadi pananggeuhan andika geusan buméla?”
“Cekap ku ieu wé, Nun,” Walon Jim Bowie bari ngasongkeun balati. Kanjeng Sultan imut. Nyumputkeun semu.
“Jim, naon nu jadi harepan andika satutas perang lekasan?” Kanjeng Sutan nalungtik.
“Énjing jaganing géto, bilih anak-putu kaula peryogi collateral. Manawi teu kaabotan, punten dipasihan nambut emas batangan, Nun.” Kanjeng Sultan unggeuk surti.
“Keun éta mah urusan anak-incu urang, Jim.”
Duka puluh duka ratus taun kalarung, nu nginjem can kénéh mayar-mayar.

Komentar (24)

Rohaendi
hahaha... biasa nu ngarinjeum teu malayar mah. horeng aya ti dituna haha. mantap tah sempalan Surosowan beuh basa sultan kasabaraha nyah ?hehe. mantep mantep ka Helmi ai lope yu pulllll... bagoooor jasaaaa
A. Halim Kusumadjati
Ang Jaro Rohendi Pandeglang, Kanjeng Sultan Alaudin II, Ang. Ku bageurna anak-putuna, emas batangan sakitu seueurna ditambutkeun ka turunan Mang Sam, teu puguh urusanana. haruuuh!
Neneng Yatikurniati
Akang, naon Alamo Surosawan téh
A. Halim Kusumadjati
Teteh Neneng Yatikurniati, Nami Benteng nu hiji di Texas, Nu hiji di Banten, hehe..! Legenda Jim Bowie tea, teh Neng.
Neneng Yatikurniati
nuhun atuh nambihan élmu kanggo Nénéng.
Asep Komara
"Janten bruh-breh, lalakon peso Bowie makalangan di Surosowan. Sip, Bah." (Y)
Nining Sariningsih
Pantesan atuh, ayeuna ge seueur nu nganjuk teu malayar. Da eta aya ti kapungkurna..hehe
A. Halim Kusumadjati
Ang Asep Komara, kaleresan sim uing maos novelna, memang luar biasa tah mantan padagang budak nu babalik pikir teh. Payus diacungan jempol, Ang.
A. Halim Kusumadjati
Teh Nining Sariningsih, Saurna mah urang amrik teh 'niat' mayar, ngan binun ka saha nya kedah mayar, sab harita waktos nambutna tacan aya RI.
A. Halim Kusumadjati
Ang Rohendi Pandeglang, Ang Asep Komara, Teh Nining Sariningsih, Karajaan Islam Banten teh, saurna hiji-hijina karajaan di Nusantara nu teu nyerah ka VOC (Walanda), milih ancur-lebur, tibatan serah bongkokan. numawi rajakaya-na (aset karajaan, mangrupa emas utamana) teu katoel ku Walanda.
Godi Suwarna
:"Asoooy, Aaaang...! Jim Bowie mah karesep sim uing pisan. baheula mah make jeung boge pesona sagala..! Hehe..."
A. Halim Kusumadjati
Uwa Godi Suwarna, Eta tuda model peso-na beurat ka congo, mun dialungkeun ku cara kumaha wae oge, tanwande seuseukeutna nu bakal nyeceb kana sasaran. Mantaaap, Uwa.
Godi Suwarna
:"Sareng wandana deuih..! Macho banged dekh, kumaha we nu kagunganana. Ngan, uingah teu resep tungtung lalakonna. Diserbu pas keur gering..! Halaaah..."
Kokom Komariah
Ahèng pisan kanggo abdimah ieu fikmin tèh.
A. Halim Kusumadjati
Uwa Godi Suwarna, pesona diangge ngagaris lemah. Wates antara nu biluk nagen, utawa leutik burih mulang ninggalkeun Alamo. Rupina ngahaja supados dramatis panginten, Uwa.
A. Halim Kusumadjati
Teh Kokom Komariah, ngahaja legenda 2 benteng dihijikeun, benten wewengkon sareng benten jaman. Namina oge fikmin, hehe.
Mahpudin
Deuh, ujug2 emut ka tempat penambangan emas di banten teh, sanes cikotok.. haruuuhh.. kantos proyek didinya teh... ujug2 hilap yeuh.. heuheuheu....
A. Halim Kusumadjati
Ang Apoedy Sarah Ihsan, aya di daerah Cibaliung, mung eta mah tos jaman ka-behdieu-keun. Mung duka saha nu ngokolakeun, manawi PT ANTAM.
Sarjang
Uing salahsahiji nu resep kana Pesona... Matak di uingah balatak peso Jim Bowie.. (gambarna tapi, kenging ngadonlod)
A. Halim Kusumadjati
Abah Sarjang, peso nu inspiratip utamana pikeun rancangan peso militer. Pami saur Wa Godi Suwarna mah wandana macho,hehe.
A. Halim Kusumadjati
Ralat sakuringling > sakuriling.
Rameli Agam
Sugan, bisa dijadikeun cadangan devisa tah emas teh. Salian ti obligasi atawa sukuk. Mantap, Kang.
Nasrul Jatnika
"Weiss, peso Jim Bowie uing asalna boga 4. Teuing kamana, aya nu butuheun,Terakhir, tinggal dua. Model peso Scorpion kanggo Navy Seal sareng Pasukan Heuseus Jerman. Ayeuna nu aya mung anu Jerman punya. Nu Navy Seal teuing kamana..Halah, loba nu resepeun."
A. Halim Kusumadjati
Ang Rameli Agam, Sesah nagihna ang. Ang Nasrul Jatnika, mantap vsan kangge meuncit kurban mah, ang.