Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pa Tani

Kénging Helmi Pakudjati
Dipidangkeun dina lapak 29 Januari 2013 14:03:49

Lemah cadas lamping haté, diwuluku nata téras. Bar ngampar lahan harepan. Sinebaran pawinihan. “Duh jungjunan, panutan ati. Sri Apsari bagéa sumping,” Pa Tani mapag kakasih.
“Nun! Ieu kaula datang,” Jeng Sri nété katumbiri.
“Sumangga cai katresna.”
“Nuhun, Kang. Banget katampi.”
“Rabukna galuget angen. Mangka bétah mangka génjah. ”
Nyéh Jeng Sri seuri sugema. Sidéngdang begér munggaran. Panangan pating arulang, ngarandakah héjo ngémploh.
Reup sareupna, poék datang. Durukwiksa tingketeyep. Tinggulayun ngarangsadan.
“Kakaaaang! Tuluuuung aya baya!” Déwi Sri ceurik ngajerit.
Pa Tani huthét buméla. Werejit birat lalumpat.
Panceg poé ka saratus, buah sih tresna lugina. Baleuneur beungbeurat sangga. Hiliwir angin ti dayeuh. Mawa pawarta guligah. Pa Tani hanas sugema. Pangaji jauh ti misti. Teu wasa majar kumaha. Taya tangan pangawasa.

Komentar (29)

A. Halim Kusumadjati
Nyanggakeun fikmin 8 engang. Hapunten seueur cileuhan, diropea saalit. Hapunten ka nu parantos ngajempol. Katampi pangrojongna.
Mahpudin
upami eta tuluuung aya baya.. maksadna teh buaya???
A. Halim Kusumadjati
Ang Apoedy Sarah Ihsan, maksadna aya bahaya. Pa Tani bumela minangka jagabaya.
Nasrul Jatnika
"HAdeuh, bati sedih ningali nasib patani mangsa kiwari. Asa teu puguh. Ongkoh Nagara Agraris tapi teu boga beas jang maraban rahayat. Karek jaman Mantri Pa Anton kamari swasembada beas deui. Saacana mah, walurat. Malih kudu eksport ka Vietnam sagala.HArruhh.."
Mahpudin
Waas, ningal di subang, ayeuna sawah jaranten pabrik... hiks...
Dewi Mentari
Urang Cianjur ge arang langka nuang beas kameumeutna...
A. Halim Kusumadjati
Ang Nasrul Jatnika, Pangaos pupuk sareng pestisida, teu katoel ku subsidi, Ang. Unggal usum ngijih, meujeuhna melak, pupuk leungit ti pasaran. Di gudang aya, tapi DO-na tos diborong, duka nu saha? Haruuuh!
A. Halim Kusumadjati
Ang Apoedy Sarah Ihsan, Alih fungsi lahan, aduregeng antara Rencana Umum Tata Ruang/ Ruang Terbuka Hijau sareng kapentingan Industrialisasi. Pakuat-kuat angpaow, Ang.
A. Halim Kusumadjati
Teh Dewi Mentari, aya nu kiat meser beras cianjur 'kepala' (tanpa biji patah) dikintun ka senayan. Rahayat mah cekap varitas IR wae teh.
Nasrul Jatnika
"Sigana kudu di sanggakeun ka Pangeran Cendana deui. Margi harita cengkeh nuju awis, ku Tata Niaga Cengkeh mah, cengkeh janten mirah. Huahahahahah... just joke. "
A. Halim Kusumadjati
Ang Nasrul Jatnika, Eta mah kalah ka ngajongklokkeun. Makelar : cengkeh, asuransi tanker, dugikeun ka makelar mata bor rig. Haruuuh!! Tobaaat!
Nasrul Jatnika
"Tah, bagean mata bor Rig uing kabagean bangkarwarahna jeung ngulinkeunana. Hadeuh, pikaresepeun peureup pisan....Ang Helmi Pakudjati."
A. Halim Kusumadjati
Ang Nasrul Jatnika, Komo si eta mah, can lila fasilitas panel Gardu Induk sa-Jawa Bali titah digenti ku produk China. Ateuh panel ti Norway nu qualified digudangkeun. Naaa..tacan sataun tingjelegur produk china kabalakar. Jadi we angger-angger keneh nu ti Norway nu dipake mah. ( Proyek bangkawarah teh kitu, tah Ang).
Rameli Agam
Karaharjaan patani Indonesia, mingkin dieu teh mingkin nyirorot alatan kawijakan pamarentah nu teu pro patani. Sumanget jeung ajen palasapah UUPA Nomer 5 Taun 1960 kudu terus digedurkeun di satengahing mahabuna korporasi jeung liberalisasi pangan katut pertanian nu ngabalukarkeun kamiskinan, krisis pangan (kalaparan), konflik agraria, sarta kriminalisasi ka patani. Salila ieu, patani teu weleh nyanghareupan pasualan penggusuran lahan ku cara ekspansi jeung eksploitasi lahan pikeun perkebunan, kehutanan, pertambangan, sarta nu lianna. Dunya pertanian (kaasup patani), bet laju diancurkeun ku rupa-rupa kawijakan nu pro perdagangan bebas. Pangabutuh pangan di Indonesia teh 65 persen gumantung kana impor. Beu! Patani mingkin teu walakaya, kacekek ku harga pupuk jeung binih nu terus ngapung. Eta kaayaan, mingkin parah ku kurangna pangawasaan teknologi (da dihaja tea). Balukarna, hasil produksi patani lokal dilindes ku produk impor nu murah. Patani mingkin kadeseh jeung kahirupanana ge jauh tina raharja. Stop dehumanisasi patani!
A. Halim Kusumadjati
Ang Agam, barudak ngora ge tos teu kersaeun tatanen, teu kahartos saurna teh. Jaba bobolokot leutak, Mening nyaba ka dayeuh jadi kuli pabrik tanapi usha sektor informal. Missing farm generation..!
Yuharno Uyuh
Tegep pisan Ang..! Karunya teuing Jeng Sri tos ngwitan ilang pangancikanana.
Budi Dharsono
Hatur nuhun Nun, sadayana nuju ngawangkong nasib Pa Tani. Abdi pakasaban teh pakuat pakait sareng Pa Tani he...
A. Halim Kusumadjati
Ang Guru Yuharno Uyuh, Ang Budi Dharsono, sanes wungkul Ilang pangancikan, ugi ilang pangaji. Tacan aya kajantenan aya marjin komoditas nu sarubak pare, Ang. Ti patani gabah kering giling 3.700 rupia. Sakintal 370.000,-, jadi beas 60 kg x 8rb= 480rb , tos selisih 110rb. Janten sangu 120.000gr / sami sareng 1.200 porsi sangu x 3.000/porsi = 3.600.000,- selisih = 3.230.000,- Tuh pan pami dietang selisihna dugi ka 3 jt langkung upami tos janten sangu. Luar biasa. Nu matak pa Tani mah sanaos sacara etang-etangan bisnis rugi , yasana ka sasama teh sesah diukurna. Masihan eman ka sadayana.
Rudianto Surya HS
Aya paribasa "Tani tinggal daki" teh kagambar pisan dina ieu fikmin. Mung ketang, eta mah matematika jalma, mungguhing Alloh mah ageung untungna, nyaeta maraban jalma, ngalap barokah. Asal ihlas kitu oge. Heded Ang... (y) (y) (y) (y) (y)
A. Halim Kusumadjati
Ang Rudi Al-Fajri, Sumuhun ang, da tatanen mah tali paranti, pikeun pa Tani da mung pulak-pelak katiasana, bade naon deui. Nya dikeureuyeuh, sakumaha mistina. Tinangtos ikhlas, sadrah. Kantun pemberdayaanana we panginten nu kedah ditinjooow deui teh. Fasilitas kridit tanpa agunan, ka patani penggarap, sareng tata-niaga pupuk, pestisida, sareng hasil bumina nu berpihak.
Ed Jénura
ieu fikmin sareng foto profil, meni matching, heuheu! janten hoyong ngahaleuang, "leumpang gagancangan... muru pagawean..."
A. Halim Kusumadjati
Teteh Éndah Dinda Jénura > Cuang teraskeun ah : Ngagedig leumpang patani. Paculna dipanggul, bari udud ngebul. Mapay jalan nu sasari...nyaweeeeer!!!
Ed Jénura
datang datang, gecruk macul, ngolah tanah ambeh subuuurrr... wurrr... wuuuurrrr...
A. Halim Kusumadjati
Hadeuuuh eta Teteh Éndah aya ku tegep ngahariring asa emut ka Pagelaran rupina, hadeuuuh! Nuhuuun teteh.
A. Halim Kusumadjati
Teteh Éndah Dinda Jénura> Halaaah manya eleh ku pasukan Theo Walcott? Haruuuh kulunya tuing..eunk!
Ki Hasan
Mun di lembur uing, nu sok ngolo-ngolo Dewi Sri teh bagean Ema-ema. Ti mimiti milih pibiniheun, tebar, babut, tandur, ngarambet, nepi ka panen, nu sok ngelun ngukus bari nyuguhan rujakeun teh kaom Ema. Si Apa-apa mah bagean ngolah taneuhna we.
Ed Jénura
kamari mah kawon ku Oldham, asa hina, aaaaarrgghh... enjing wengi ngalawan Walcott cs mah, doakan kami... heu...
A. Halim Kusumadjati
Ki Hasan, Oh kitu muhun, Ki. Di lembur sim kuring mah bapa-bapa, namina 'sedekah bumi', upami panen nembe 'mapag sri', sinambi nanggap wayang, Ki. Tapi awal 80-an, tos teu aya, dicaram ku para ajengan.
A. Halim Kusumadjati
Teteh Éndah Dinda Jénura. Wokeh dakuh doakan semoga liperpul malem inih sukses adu jajaten melawan Arsenal. Jangan lupa kacang asin sama kopay, siap sedia. Plus dunhilllllll!!!