Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

NÉangan Salira

Kénging Dewi Ratna Damayanti
Dipidangkeun dina lapak 22 Januari 2013 21:45:54

Manèhna anteng neuteup langit pasosorè. Ti kajauhan. Girimis ngepris. Laun-laun ngerepan. Manèhna angger di dinya, basa hujan mimiti ngagebrét. Teu hayang néangan pangiuhan. Buukna rancucut. Awakna jibreg. Cimatana nyakclakan marengan cihujan. "Jungjunan, kudu ka mana néangan salira?" gerentesna. Angin nyéor siga nu surti. Ngendagkeun tatangkalan ngalér-ngidul. Kilat tingbaranyay. Guludug tingjeleger. Manéhna ngoréjat, tuluy leumpang sakaparan-paran. Meulah hujan nu diburakeun ti langit. Cai léb-léban ngalémbak sukuna. Ngeueum tuurna. Teu bisa balik deui. Teu hayang balik deui. Cai ngaguruh umpalan. Ngeueum dadana. “Sugan tepang jeung salira, Jungjunan!” pokna bari ngambangkeun awak. Nangkarak ampul-ampulan. Nyekelan beuteung nu bureuyeung....

Komentar (60)

Ahmad Fawzy Imron
Karaos pisan renjagannana. Ketir, Teteh.
Yuharno Uyuh
Ampunn Asyikk, nyeuit..! Mun amih nu kitu teh heh, pasti dirawu da, heh. Hedeeeed.
Dadan Sutisna
Mantap, Euceu. Carita nu tragis tapi digambarkeun dina suasana ngagalindeng.
Iwan Hanjuang
tah akang ngajempolan, awas lamun ka akang henteu.
Dewi Ratna Damayanti
Kang Ahmad Fawzy Imron, hatur nuhun kang. Tos lami teu mikmin matak janten kieu saayana...hehe fikmin usum hujan, Kang!
Entjep Sunardhi
Caritana salancar, basana gahar rénjaganana matak jangar. Jempol.
Soekadi Marhmud
Karunya teuing eta nu nju gede beuteung jigana ngantosanna di sisi kali ciliwung,, ehmmm,,
Dewi Ratna Damayanti
Kang Yuharno Uyuh, @kang Uyuuhh...hiiiiyyy...naudzubillah. Ulah atuh, Piiiiih! Meni tega nya.
Yuharno Uyuh
Heueu, ceuk paribasana ta ma,!heheh. Kemis ka rumantang si Aka maen drama.
Dewi Ratna Damayanti
Kang Dadan Sutisna, Wuezzz.....abi dipuji ku kang dadan uy...cihuuyyy, langsung ngorejat. Berengbeng lumpat bari mentangkeun spanduk....hahahaha. Htr nuhun Kang Dadan!
Érwin Wahyudi
Kacipta nu nuju bureuyeung kacandak caah. Fikminna nyetrum waé, Aceuk, mah!
Dewi Ratna Damayanti
Kang Iwan Hanjuang, nya lah ke diangsulan jempolna, meni itungan pisan ieu mah yeuhh...hehe.
Dewi Ratna Damayanti
Kang Entjep Sunardhi, Kang Entjeeeeppp...hatur nuhuuuuun. Maksakeun nyerat da tos lami teu mikmin...hehe.
Dewi Ratna Damayanti
Kang Yuharno Uyuh, Uhun abi bade ka Rumentang. Kang Uyuh saur si aka nu bade ngarebabanana...asiiiikkk..
Yuharno Uyuh
Okey, pami nuju nongton nging ogo nya! heheh
Ahmad Siti Jamilah Hamudi
Mulang nangkeup eunyeuh, janten kun-kun, gara-gara alamat palsu jigana mah..
Nyimas Kanjeng Ratu Yuyu
deudeuh teuing dugika malidkeun manéh bakat tos bingung kedah milari kamana bapana si utun
Dewi Ratna Damayanti
@Sukadi Nanta Praja... hehe... uhun a, atuh da dimamana tos siga kali ciliwung jadi we...
Dewi Ratna Damayanti
@Kang Erwin Wahyudi... naha nyetrumnya? aya nu korselet yeuh... hahahha... hatur nuhun kulaaann...
Dewi Ratna Damayanti
@Kang Yuharno Uyuh... asal bari di akod we hahahaha
Remi Purwaka Sadkar
Weiiis..! Cara ngalahirkeun nu kasebat moderen, ayeuna mah. Jero cai. Ari brol teh, orokna, jug jago teuteuleuman. Sisikan. Tapi, sirahna hulu manuk, biritna buntut lauk. Sorana. Uwok-uwokan... Agkgkgkgkgk...! Asooooy...!
Tiktik Rusyani
Tah gening, fikmin teh makalangan deui, Neng May. Asik pisan. Nuju seuseut namung ngagenclang kieu. Sapertos bade ngayas, ngagalindeng namung pungkasanana matak peurih..
Godi Suwarna
:"Tooov Markotov dekh...! Yaktos, nu ageung patuangan teh sexy abis..."
Rita Rosita
Haruuuuh naha luluasan geuning bakat ku poekeun ...
Mahpudin
Gaya punggung ngojayna... heuheuheu....
Dewi Ratna Damayanti
@ Kang Ahmad Siti Jamilah Hamudi.... heuheu.... uhunkitu tea tah...
Nasrul Jatnika
"Aeh..geuning MBA ataoyiiib ieu teh..? HAhahahahahah"
Rohaendi
tragis ceu... jaba bureuyeung, jaba ditanggalkeun, jaba "kaliwat sa kecap" heuheu
EMAN BUDIMAN
Nu indit ninggalkeun bureuyeung, hahaha... na kamana atuh nya mani tegah sekalih ??? Asa rada nyalse nu ieu mah Ceu, teu patos bebeledagan teuing tapi tetep heded lah.... Palebah ngambangkeun awak, manehna teh ngojay kitu ? Tapi maenya ngojay bari nyepengan beuteung, jigana ngagaduhan elmu si Kentung ieu mah nya hahahaha.... Bae ketang da fikmin, kabuuuur.... sieun dicabok hihihi
Dewi Ratna Damayanti
@Teh kanjeng Ratu Yuyu... uhun pisan teh rupina mah kitu. Bakat ku bakat heuheu...
Dewi Ratna Damayanti
@Kang Remi Sedkar... Uhunnya... jabaning urah meriah dina umpalan cai banjir mah nya hahahaha...
Dewi Ratna Damayanti
@Teh Tiktik... ieu teh hasil meureut sapeureut-peuretna Tetehhh... tos teu kiat hoyong mikmin tapi mintul pisan, brol oge geuning ari terang di heujeunkeun mah hehehhe...
Dewi Ratna Damayanti
kang Godi Suwarna.... huahahahhaha.... ci Kakang mah kadinya waenya... sssttt ah, ke sa lapak terangeun bureuteu ituh seksi!!!
Dewi Ratna Damayanti
@teh Rita Rosita.... kapaksa teh, bakat ku teu kiat nandangan ka isin teu tiasa ngojay... hehe...
Dewi Ratna Damayanti
@kang Apoedy Sarah Ihsan... gaya langlayangan sigana mah kang hehehhe
Dewi Ratna Damayanti
@Kang Nasrul Jatnika.... hehehe... uhun Kang sigana mah milari bang Toyib hahaha...
Dewi Ratna Damayanti
@Kang Rohendi Pandeglang.... wadooooohhhh... akaaaa... Asli eta mah katurug katutuhna teh! nu paling peurih mah eta ku tinggaleun sakecap hahahhaha... wios ah da tos di bayar ku carpon wew...
Dewi Ratna Damayanti
@Kang Eboed Boediman.... Nu Indit Ninggalkeun Peuting mah teu bari bubureuyeungan da, teu siga si kentung deuih ieu mah seksih rafi Ahmad ge lewaaattt!
Asep Komara
"Taah, geuniing! Edun pisan ieu mah nyaan. Moal tiasa nangkarak ampul-ampulan pami Si Teteh eta henteu tapis ngojay sirantang di walungan. Waas. Kasawang teh bari kiceeueuep, kiceueueup we eta Si Teteh sajeroning nyorang marga pangangkleungan. Jempoool, ah!"
Rameli Agam
Haduuuh. Nyaan, asa ngojay di Katak Riang, yeuh. Mantap, pisan.
Neneng Yatikurniati
Duh Teteh, meni asa abdi nyalira nu ngalaman. beuteung abdi asa ngiring ngusial yeuh
Dewi Ratna Damayanti
@Kang Asep Komara... hahahah bari kiceup...kiceuuuppp.... siga nu cacingeunatuh eta mah kang? hahahahahha...
Dewi Ratna Damayanti
@Kang Asep Komara... hahahah bari kiceup...kiceuuuppp.... siga nu cacingeun atuh eta mah kang? hahahahahha...
Dewi Ratna Damayanti
@Kang Rameli Agam.... Ih ari taeun tèh, tos gentos nami janten Tirta Yudha ayeuna mah. Janten tos teu seueur bangkong deui. Mung masih kotor we pami enjing-enjing pisan mah da tilas latihan tangtara hehe
Jordan Kurniawan
Gaya singlanglang eta teh janten we ngambang, ampul-ampulan. Pami gaya batu mah tangtos teuleum he he he
Dewi Ratna Damayanti
kang Jordan Kurniawan.... upami gaya botol mah sigana kekerebekan nya kang? hahahhaha
Dewi Ratna Damayanti
Kang nazardin Nazarudin Azhar,kang Dadah Hidayat,kang Gaus Firdaus,kang Yusuf S. Martawidenda,teh Neni Geo Albanjari, Sukadi Nanta Praja, teh Valda Ali vam, Abah Sarjang, Kang Cep deriI... hatur nuhun pisan jempolna kayampi
Dewi Ratna Damayanti
kang Gatotgaca Ngapung,kang Remi Purnama Alam Sadkar, Harmenn Nur Harsayana, kang Yayan 'Bedog' Supriatna, Yayan Triyana, pokona ka sadayana nui tos ngajempolan hatur nuhun pisan katampi urang jejerkeun ameh sae ah..
Rini Mayasari
deuhhh karunya teuing....(Y)
Dewi Ratna Damayanti
@teh Maya Pancanaka... hehehhe nuhun neng geuliiisss...
Rini Mayasari
sami-sami teteh geuyizzz...
Nana Sukmana
, "Éta é curekna aya dua rupi. Sarupi wé atuh! Teu kénging nogéncang, ah! Teu kénging midua manah! Badé ka nu déngdék ngénca atanapi ka nu déngdék ngatuhu."
Sarjang
Edas.. Ngagalindeng tapi serem... Sip Teteh!
Dewi Ratna Damayanti
@Kang Nana Sukmana.... Gustiiii meni sidiknya, ma'lum Kang, tos lami mendet, matak barang mejrel langsung haripeut tea bari surak pung...weh. hatur nuhun kulan.
Dewi Ratna Damayanti
@Hatur nuhun Abah Sarjang.... édasna katampi pisan. nuju di ajar nu ngagalindeng ieu teh heuheu...
Dewi Ratna Damayanti
@teh Endah Dinda Jenura... nuhun geulis, mana hayo keletikna hehehe...
EMAN BUDIMAN
carpon edisi panungtung uing can maca ceu... poho kamari teu meser, asripna aya di euceu pan ? ke uing hoyong maca soalna gantung bacaeun :)
Dewi Ratna Damayanti
@kang Eboed hahahhaha.... uhun seueur nu sms sareng inbok, nu katilu cenah teu aca maca da disangkana Tribun teu terbit da perè. Kè urang posting pami teu acan risek hehe...
Endang Rochimat
Padahal nu hoyong ditepangan ku nu bureuyeung teh nuju ngabureuyeungan nu sanes gk gk gk .Heded Carponna lah Tetehku yang satu ini... diantos Carponna sanesna( ku si aceukna oge heu heu)
Dewi Ratna Damayanti
@Kang Endang Rochimat... hahahha... hatur nuhun pisan katampimah kang.. hehe salam baktos ka aceukna ah antos carpon nu sanesna yuhuuuiii... gkkgkgk