Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

2013

Kénging Dedi Herdiana
Dipidangkeun dina lapak 19 Januari 2013 19:49:51

Ngagederna mesin pesawat luar angkasa geus teu karasa deui, kiwari dihareupeun téh nu katémbong ngan saukur keusik jeung batu anu upluk-aplak satungtung deuleu. Sajongjonan, kuring nempo ka ka awang-awang, jéntré pisan planét bumi warna biru semu bodas katutupan haseup. “Emh,,, lembur kuring panineungan.” Gerentes haté. Keclak cimata maseuhan pipi, rembes kana helm anu pinuh ku kekebul keusik sagara bulan. Pikiran rusras ka babaturan ulin, anu waktu harita keur maen Pé-És. “Hampura lur, lain kuring teu betah di planet bumi, éstu pisan kuring hayang ngaronjatkeun budaya sunda di lembur anyar ieu” gerentes haté. Rét kana lawang pesawat, burudul lanceuk jeung adi kuring, dususul ema, abah, bibi, uwa, aki bari nyarorén tabung. Ti belah mumunggang gunung, burudul mangkluk anu béda jeung kuring saréréa, ngagidig baris ngabageakeun. Maranéhna aya anu maké kabaya, maké iket, maké bendo. Rét kana kalender dina monitor “2013”.

Komentar (18)

Mahpudin
Ngalih ka bulan ieu teh... heuheuheu....
Dedi Herdiana
muhun, kailhaman teh nining maeda. hehe
Dedi Herdiana
hatur nuhun kana jempolna wargi sadaya. katampi pisan.
Irfan
Kang, abdi pesen kapling sabumieun....
Rita Rosita
Punten pami aya keneh perum nu kosong wartosan ..
Dedi Herdiana
kang Irfan, mangga, kantun ngeusian pormulirna ka cep alien. xixixixixi. ambu Rita Rosita, aya yeuh... bade anu tipeu sabaraha...??? perum CANDRA PASUNDAN. xixixixixiiii
Irfan
Eta manawi sabarah sa-bata-na Kan? heuheu
Dedi Herdiana
langkung mirah di dieu mah, upami anu di ampah mung kaetang liwa lawe rupia sapatok. upami anu di pasir mah haratis.. xixixixixi
Irfan
Tah... Nu di pasir we kang, bari sakantenan tatanen. Atuh melak, melak jagong...
Dedi Herdiana
hahaha,,, tiasa.. tiasa...,
Rita Rosita
Tipe juhpuluh we Kang Dedi Herdiana qiqiqi...
Dedi Herdiana
mangga, sayogi. gigigigi,,,,
Godi Suwarna
:"Tegeeep, Aaaang...! Idena hebring kacida. Ungkarana genah dibaca. Plotna ngentep seureuh. Amanat fikminna natrat, jentre..! Siiip dekh...!"
Dedi Herdiana
hatur nuhun kang prabu Godi Suwarna. katampi pisan jempolna..
Ibrahim Farid
Boa enya basa indung teh kedah hijrah ka tempat nu daek narima, nya? Ambeh mekar, ambeh lastari.
Dedi Herdiana
kang Ibrahim Farid, sumuhun sigana mah. geuning ditarima keneh ku mangkluk luar daripada mangkluk sasama. xixixxi
Sarjang
Asa kumaha nya, ngobrol Basa Sunda di Bulan?...
Dedi Herdiana
asa leuwih anteb, sabab ditarima ku mangkluk pribumina