Ku Nyai Endit
Karajaan Cinta. Smara guling-gasahan. Peureum kadeuleu beunta karasa lain bohong. Kinasih teu genah cicing. Nyangigir asa gigireun nangkarak asa luhureun téh lain bobodoan. Nalangsa. Aya imut si manéhna nu kagambar, ogé teuteupna nu teu weléh ngalangkang. Harita di Asmaralaya, dua raga jadi hiji disimbutan ku dahana. Sajorélat. Smara jeung Kinasih kahalang ku darigama. Nyéh, Smara seuri. Segruk, Kinasih ceurik. Cakakak, Smara nyakakak. Hing, Kinasih kanyenyerian. Smara huleng-jentul. Kinasih umat-imut. Aranteng ‘na asmaracipta séwang-séwangan. Gandrung.