Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Maling

Kénging Iwan Ruspendi Sr.
Dipidangkeun dina lapak 03 Januari 2013 10:44:32

"Bawa kadieu budakna. Geuning jiga budak si Parman? Beunang ayeuna mah nu sok malingan buah alpuket kami teh!". Kaprot! Kaprot! Budak teh dicabok. Mun teu dipisah Pa Mardi, Babinsa Batu Payung, geus kumaha meureun nasib biwir si Ahdi teh.
"Ampun, abdi rumaos, tapi..,"
"Montong loba alesan, teang bapana!" tempas Haji Jumli kereng. Teu sawatara lila, jol Mang Aman.
"Gusti, budak kuring kunaon?"
"Matak sing asak ari wawarah budak teh, deuleu tah buah alpuket kami. Paingan asa tereh beak, horeng ku anak silaing tangkal alpuket kami direnjahna teh.
"Kami embung papanjangan, alpuket nu dipaling hayang diganti, ku duit heg, ku tanaga silaing heg, kabeneran silaing boga hanca macul di sawah kami. Mun teu sanggup, kajeun kami pasrahkeun ieu kasus ka pihak berwajib. Kumaha?"
"Engke heula Mang Haji, bener kitu anak kuring nu malingna?"
"Kacerek ku kuring tina tangkalna langsung, Mang Parman." walon Pa Mardi.
"Teungteuingeun sia Ahdi, ngerakeun ka kolot, pilakadar alpuket 3 siki make kudu maling, bapa ge sanggup keneh mangmeulikeun."
"Assalamualaikum, punten Mang Haji, Pa Mardi. Ieu kuring seja masrahkeun papanggihan." Ceuk Mang Kowi, hansip kampung. Durugdug, terus ngabalaris bari tungkul.
"Eta suan kami dikumahakeun, Kowi!"
"Toslah, ambeh jelas, nu malingan alpuket Mang Haji teh aslina pun Beni katut dua baturna ieu. Si Ahdi mah ukur dititah bari diancam lamun teu daek, Mang Parman moal digawekeun deui di sawah Mang Haji."
"Nya atuh ulah maen hakim sendiri, pan nagara urang nagara hukum. Meni barengep kitu."
"Ari, anak kuring aya di nagara mana atuh Mang Haji?" Mang Parman nyeuneu, ampir we beungeut si Beni kacabok lamun teu dihalangan Pa Mardi.
"Kumahakeun ieu Mang Haji, uruskeun kitu ka Pulisi?" Pa Mardi nanya.
"Urusan kami kami eta mah." walon Haji Jumli bari ngelemes. Urusan teu dipapanjang.

Komentar (8)

Sarjang
Keadilan bagi saluruh rahayat enonesaaaaa....
Iwan Ruspéndi Sr.
Kedahna : Keadilan bagi seluruh pejabat dan keluarganya di seluruh enonesaaa... :) , hatur nuhun pangdeudeulna Abah.
Mahpudin
Heuheuheu.. sae pisan ieu mah.. mung panjang keneh... heuheuheu...
Iwan Ruspéndi Sr.
hehe..panjang teuing Kang, saleresna mah bingung pi-ending-eun. Numawi asa ngayayay..hatur nuhun pangdeudeulna Kang Apoedy.
Tatin Sardjiman
kitu da di urangmah, hukum teh beurat ari jang nu leutikmah, hampang ari keur nu jegud jeung pangkatanmah malah sigana euweuh hukum teh jang maranehna mah...
Iwan Ruspéndi Sr.
sumuhun, jalmi alit dilematis, jalmi ageung jadi teuneung. Hatur nuhun pangdeudeulna Bu.
Mulyana SA
284 kecap Sun... offside manawi kgg fikmin mah
Iwan Ruspéndi Sr.
tah sumuhun, hapunten pisan Aki, panjang nyugak rupina mah, bade disunting teu kawaktosan wae, ma'lum sanes damel dina korsi, kumaha atuh, kartu koneng bae kitu? Hatur nuhun pisan koreksina. Ditampi kalayan kabingahan.