Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pasrah

Kénging Tatikurniati N
Dipidangkeun dina lapak 31 Désémber 2012 11:46:21

Geus tilu taun kuring laki rabi jeung kang sadun téh. Kiwari rasa kanyaah, kadeudeuh jeung katresna nu kungsi dipiara salila tilu taun sirna sakiceup panon. Aya nu leuwih geulis cenah. Nu leuwih sagala-galana. “Kang sadun nyerahkeun abdi Teh!”, curhat kuring ka Teh Surti. Babaturan sapagawéan.Ngaheruk. Sora dareuda. Ras inget ka nasib diri. Asa diteungteuinganeun. Nya kurang naon. Ceuk batur mah da teu éléh jeung Luna Maya gé. Pangawakan jangkung lenjang. Tigigir lenggik titukang sieup. Beungeut campernik. “Keun sabar wé Yi, tos nasib urang panginten!”, tembal Teh Surti. Ngusapan. Barung nyaah. Selang saminggu. Kring!. Aya sms ti Teh Surti. Bulan hareup rék kawin. Omat-omatan kudu datang. Gok kahajatan. Tohaga. Ramé pisan. Ma’lum meunangkeun jelema aya cenah. Tikajauhan mani katingali geulis pisan. Sura seuri marahmay . “Bagja pisan Teh Surti mah!”, gerentes haté. Cocok pisan. Nu geulis jeung nu kasép. Berebey cipanon teu karasa nyakclakan. Ari gok. Leketey tuur asa laleuleus. Taya tangan pangawasa. “Wilujeng nya, mugia barokah!”, awak ngadarégdég .nahan kapeurih. Ret ka panganten lalakina. “Gustii!”. Pasrah.

Komentar (29)

Iyan Kurniadi
saha tah kinteun-kinteun panganten pamegeutna...atanapi bersambung..he..he..
Kurniati Ntk
Ang Iyan Kurniadi nyeta gening, mungguhing jalmi hirup mah teu terang naon nu bakal kajadian!
Iyan Kurniadi
ngiringan manco yeuh sih kuring dina ieu grup...hoyong nambihan wawasan utamina nyarios tur nyeurat anu leureus dina basa sunda salam baktos ka Ang Rudi Al-Fajri...
Kurniati Ntk
Ang Iyan Kurniadi mangga dihaturan linggih teras wae kalebet. InsyaAlloh salamna didugikeun. da kaleresan anjenna ge nuju manco...hehe!
Ismawatie Sambas
Panganten pamegetna teh si Sadun?
Rudianto Surya HS
Pa Iyan Kurniadi : Wa'alaikum salam, wilujeng siang pa, hatur nuhun kersa rurumpaheun mancoan ieu lapak. Mangga diantos Fikmina, urang sami-sami diajar, hehehe...
Kurniati Ntk
Ang Mas Kisno Ang Iyan Kurniadi Pap yang Rudi Al-Fajri Ang Agus Bagja Teh Dewi Rengganis Ang Dadan Hidayat hatur nuhun kasumpinganana!
Kurniati Ntk
Teh Ismawatie Sambas sumuhun teh, harianeun pisan!
Kurniati Ntk
Ang Hadian M Sulaeman hatur nuhun kersa sindang!
Hadiwijaya
Sumuhun sami sami Teteh Tatikurniati N salam wanoh bae ti simkuring kangge Teteh :D
Kurniati Ntk
Ang Hadian M Sulaeman Wa"alaikumussalam. Wilujeng siang wae!
Hadiwijaya
hehe sami sami wilujeng siang oge kangge Teteh Tatikurniati N :)
Rita Rosita
Ih pikaseubeuleun atuuh surti sareng sadun teh. untung we Neng Tatikurniati N mah pendak sareng urang Buahdua tah janten moal jiga sadun hehe...
Mahpudin
Halaaaahhh... gening berbagi sareng sobat... heuheuheu... heded.. heuheuheu...
Kurniati Ntk
Teh Rita Rosita muhun Alhamdulillah kersaning Gusti nu Maha Asih ditepangkeun sareng terkasih Pap Yang Rudi Al-Fajri...hehe. Nuhun kamandangna Teh, wilujeng siang wae!
Kurniati Ntk
Ang Apoedy Sarah Ihsan nyeta Ang teu nyangki bakal pikieueun. Hirup mah gening rahasia Gusti!
A. Halim Kusumadjati
Manawi teh sareng Tedjo, hehe.. , punten teh nyeratna dirapihan deui : sadun-na ku aksara badag > Sadun. Upami tos tanda panyeluk (!) teu kedah dipasihan koma (,) atanapi titik (.), langsung huruf badag > “Kang Sadun nyerahkeun abdi, Teh!” Curhat kuring ka Teh Surti. Kitu deui saparantosna tanda pananya (?) "Bade kamana, Teh?" Tanya Teh Surti ka kuring. Cocok pisan > Cocog pisan; Awak ngadarégdég. Nahan kapeurih.
Kurniati Ntk
Ang Helmi Pakudjati Aeh muhun gening ditilik-tilik teh tebih tina leres, teu tarapti pisan. Hatur nuhun pisan pangwurukna, InsyaAlloh diestokeun pisan ieu elmu teh. Sakali deui hatur nuhun Ang. Diantos kanggo koreksi-koreksi nu sanesna!
A. Halim Kusumadjati
Sami-sami. Ulah hilap nyerat jujuluk atanapi nami di tungtung paguneman, dipisah ku tanda koma(,) > "Cios ka Bandung, Kang?" "Ka Bandungna mending sareng abdi wae, Din."
Kurniati Ntk
Hehe.....muhun InsyaAlloh di estokeun. Sakali deui Hatur nuhun Ang Helmi Pakudjati.
A. Halim Kusumadjati
(y)
Kurniati Ntk
Ang Rameli Agam haturan wilujeng sonten. Hatur nuhun parantos sindang!
Kurniati Ntk
Ang Guru Godi Suwarna hatur nuhun panglayadna, diantos koreksina. Wilujeng sonten !
Kurniati Ntk
Teh Mbi Chymepm hatur nuhun, wilujeng sonten Teh!
Kurniati Ntk
Ang Edi Supriyadi hatur nuhun parantos kersa sindang.haturan wilujeng sonten!
Kurniati Ntk
Ang Edi Supriyadi hatur nuhun parantos kersa sindang.haturan wilujeng sonten!
Kurniati Ntk
Ang Dadang Benhur, Ang Iwan Hanjuang, Ang Abah Sarjang ngahaturkeun rewu-rewu nuhun kana panglayadna. Diantos kamandangna. Wilujeng sonten wae kasadayana!
Mulyana SA
Ceuuuuuu... asa kaalaman pisan. Keun urang wartoskeun kanu Gaduh-Na.... heu heu
Kurniati Ntk
Ki Sunda Sawawa muhun manga Ang hehe!