Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Gudang

Kénging Dewi Ratna Damayanti
Dipidangkeun dina lapak 26 Désémber 2012 21:10:56

Habek! Habek! Mesin cuci beulah jadi tujuh. Jas hujan disosoék. Komputer dicacag jadi sawelas bagian. Krekk, pedang dipiteskeun pinuh ku kaceuceub. Belewer dibalangkeun kana rak piring, pré, kabéh pareupeus. Beling pabalatak. Ku manéhna dibungkus ku sepré dihijikeun jeung sapatu butut. Digémbol. Gedig ka tukangeun imah. Brak! Panto gudang ditajong sahabekna. Sendal anyar meuli milu ngacleng. “Anjir teh!” pokna kukulutus bari mulung sendal. Lung gémbolan dialungkeun ka jero gudang. Ngék ucing hideung katinggang. “Puas siah!” Cekés. Gur. Gudang hurung ngabebela. “Gara-gara sia aing kalaut, sétaaaan…!” Belewer batu ngalayang tina leungeunna basa bulan nyeungseurikeun. Térékél manéhna kana tarajé, nunjuk-nunjuk bulan nu beuki ngeunah ngagakgak. Hing ceurik kanyenyerian. Gubrag awakna ragrag, ngajapapang dina taneuh. Ti lebah péngkolan aya nu datang nyampeurkeun…”Uing milu sungkawa!” pokna bari rambisak ngasongkeun kembang.

Komentar (93)

Yusuf S Martawidenda
Nyaan kanyenyerian téh lain bohong ieu mah.. Sing sabar nya Neng Dewi Ratna Damayanti.
Dewi Ratna Damayanti
kang Yusuf S. Martawidenda.... sumpah nyeri hateeeeeeee
Dewi Ratna Damayanti
kang Ibnu Hijar Apandi ... whoaaaaaaaaaaaa...
Rita Rosita
Heu heu tibang diancurkeun mah alungkeun we ka abdi Teh Dewi Ratna Damayanti...
Ibnu Hijar Apandi
karaos brongbrangna..
Dewi Ratna Damayanti
Agus Bagja. Anggi Tesya Prestasina, Sucii Lestary, Harmenn Nur ... heuheuuuu.. nuhuuunnnnHarsayana
Dewi Ratna Damayanti
teh Rita Rosita... teu acan wareg meupeuskeuyang teh
Suci Lestary
Hehehe nyelekiiiiiiit Uwa, aduh nyelek pisaaaaan...
Dewi Ratna Damayanti
kang Ibnu Hijar Apandi... tuluuuuung... anteur ka kebon enteh ayeuna ung heuheu..
Remi Purwaka Sadkar
Bangun nu riweuh kieu ieu teh, Aceukkkk...? Heuheuheuheu.
Dewi Ratna Damayanti
neng Sucii Lestary anu geulis anu bageur... matak ulah siga uwa nu jorok kacidanya...
Iwan Hanjuang
Halah ngamuk gening, euleuh ngalenggerek deuih? duh kapaksa, sanajan tanaga geus ripuh oge dipayang bari rarampeolan, bari ngalimba ku akang diebogeun bakating kunyaah...................di alun-alun..
Dewi Ratna Damayanti
kang Remi Purnama Alam Sadkar... nya teu riweuh kacida kumaha, gara-gara gudang kalangkung uing kalaut...
Dewi Ratna Damayanti
teuing ah Kang Iwan Hanjuang... meni tega teu ngawartosan ka abi. Eta gudang tinggaleun da na catetan abimah teu aya kecap gudang
Remi Purwaka Sadkar
Huahahaha... Kaleeem Ceuk! Panan bakal ditema deui ku pirang-pirang saembara kapayunna. Heuheuheu....
Dewi Ratna Damayanti
hayooooohhhh... Kang Asep Komara... bade ngiring mupuas oge?
Suci Lestary
Hehehe, sanes waktos panginten wa.... Cumunguuuut uwakuuuu
Ibnu Hijar Apandi
waduh! ngasah fikmin? teu aya kecap kebon entehan.. hahaha..
Asep Komara
Engke mah nyobian ka laut kaler geura. Tiasa ka Pondok Bali, Cilamaya atanapi Blanakan. Dijamin asoy...hehe...pisssss...edun kieu fikminna.
Dewi Ratna Damayanti
woooiii kang Remi Purnama Alam Sadkar sanes masalah elehna, tapi masalah kalangkungna eta meni nyeri nyeri teuing cek kang Sule mah
Dewi Ratna Damayanti
amiiinnn neng Sucii Lestary anu geulis anu bageur ciga uwa hahahahhaah... kahoyong uwa
Remi Purwaka Sadkar
Sumuhun perkawis nu kalangkungna maksad teh, Ceuk! Heuheuheu. Da ayeuna mah masing bade gogorentelan jebleh ge moal matak kecap gudang nerap dina fikminna. Wkwkkwkwkwk...
Dewi Ratna Damayanti
Di kebon entehmah sim uing bade ngajorowok juragaaannnn... bari ngadangdut... kang Ibnu Hijar Apandi...
Iwan Hanjuang
Neng teh asana mah ka 300 san ti anu komen ka 150 han tina karya, kahiji akang terus terang we giung, jeung karya pangarang anu ceuk itungan akang mah kahot, asa piraku aya anu kaliwat, jadi akang konsentrasina ka NEW COMER wae da sieun tea atuh bisi kumaha-kumaha, dina fikmin anu ieu oge kecap "Kapolsek" euweuh gening?
Dewi Ratna Damayanti
Tah matak ku sim uing di warah da sakadang Gudang teh Kang Remi Purnama Alam Sadkar... Meh ke deui nurut ka sim uing hahahahahaha
Suci Lestary
Hehehehe Uwaku nu langkung geulis sareung bageur ti Uci.... Hihi :*
Dewi Ratna Damayanti
whuahahahahahah... teu sawios Kang Iwan Hanjuang... Tenang saja da sanes lepat Akang, ieumah abi we ngawarah diri mrh teu jorok deui asal cemplungkeun hahahahahha.... tenang sajaaahhh.
Yuharno Uyuh
Euleuih aya ku tegep nu meupeus keuyang, dugi ka ngadurul gudang. Mung eta pedang dipiteskeun tibang krek, pertos kurupuk. Nyi nyangagkeun ieu kembang sungkawa, sa treuk, kalih jempolna sa beus. Hehehh
Dewi Ratna Damayanti
mmmuuuaachhhh... nuhun neng Sucii Lestary... lop yu pulll... asa di beberah yeuh ku si geulis mah
Godi Suwarna
:"Weiiis, fikminna asoy pisan. Nya, cekeng ge, upami karya palay hareded, kedah sering nyeri hate, kedah sering barusuh manah, boh harendeg ku lomba, boh putus sareng kabogoh nu badag patuanganana tea. Dijamin karya bakal unggul teras...!" :D
Ahmad Siti Jamilah Hamudi
Ambuing.. Etah ci Teteh, dugika ngaruksak mesin cuci sagala.. Asahan syndromena langkung parna ti abdi ningan.. Cup.. Cup.. Cup..
Dewi Ratna Damayanti
whuahahahahahha... Kang Yuharno Uyuh... Kuciwa ku pikmin landongan ku pikmin sanes?
Suci Lestary
Hehehehehe janten ka inspirasian... Mikmin deh yaaaa :-D muaaach Uwakuuu
Dewi Ratna Damayanti
Kang Godi Suwarna... whuahahahah nuhuuuuunnnn kang godiiiiiiiiiiiiiiiii..... sigana kitu tah kedah tijongjolong heula nembe beunta... nuhunnnn pisan... sssstttt muka rusiah waenya hehehehhe... isin atuh pun uing
Dewi Ratna Damayanti
neng Ahmad Siti Jamilah Hamudi... langkung ti parna teh, ieumah tos sahoseun hahahahhaha
Dewi Ratna Damayanti
Asiiikkkk Ci Geulis Sucii Lestary mikmin deui uy.... yes! kitu atuh cintaaaaa
Suci Lestary
Hehehe Siaaaap Mamah :-D hahahaha muaaaaaaah
Dewi Ratna Damayanti
Kang Asep Komara.. wah... twaran menarik tah... hayuuu kemoooonnnn saha nu bade ngiriiiing..
Dewi Ratna Damayanti
siiiiippppppppppp.... mmmmuuuachhhh... lop yu pul neng Sucii Lestary
Ibnu Hijar Apandi
hayuuuuuu.. hehehehe..
Suci Lestary
Lop yu pul tu Mamah DeRaDa :*
Dewi Ratna Damayanti
Asiiiiikkk... nyaannya kang Ibnu Hijar Apandi... yes! Yes! Yes!!!
Ilar Subilar
Euh, karunya teuing nu teu tuah teu dosa....
Tiktik Rusyani
Fikmin nu ngabebela ku amarah..panaaass..hayu urang tiiskeun deui di kebon enteh. Tetep ngagenclang, Say!
Dewi Ratna Damayanti
Kang Yuharno Uyuh.. ku amarah mah tanagi oge jadi ngalipet ganda juragan..heuheuheu
Asep Komara
Keheula, Eteh...abdi bade nyerengeh deui yeuh...heuheu...kabayang eta jalmi nu ngasongkeun kembang. Barang ditelek-telek teh bet jiga...Kang Eboed....heuheu...pissss pisan.
Dewi Ratna Damayanti
Kang Ilar Subilar... hahahaha... ma'lum Kang nuju kumat bageurna..
Dewi Ratna Damayanti
Teh Tiktik Rusyani... hehehe... kang Ibnu Hijar Apandi tos siap ngadangdut teh ngabeberah sim uing
Nyimas Kanjeng Ratu Yuyu
Tapi ieu téh sanés muju murang-maring alatan teu lebet nominasi pan..? hehehe..piss ah!
Dewi Ratna Damayanti
whuahahahahhaha.... Kang 'Eboed' Eman Budiman mah moal nyandak kembang atuh kang Asep Komara... anjeunamah kalah nyandak pangepelan kanggo ngepel ompolna sabada nyeungseurikeun abi hahahhaha
Dewi Ratna Damayanti
Sanes teteh geuliiiiiissss teh Nyimas Kanjeng Ratu Yuyu... mung ambek alatan ku JOROK na abi... paraaahhh teu taliti dugi ka kalangkung
Nyimas Kanjeng Ratu Yuyu
sakitu kembang tos digayem nya?..hueheu
Dadan Sutisna
Padahal simuing mah kirang kumaha ngawartosan ka Ceu Dewi téh...Mugi sing sabar tawekal, nya, tiasa sadrah kana rupaning cocobi ti sakadang gudang.
Godi Suwarna
Dadan Sutisna:"Nya kitu tea, sabagenyah kolot, urang mah teu weleh-weleh ngelingan ka nu ngarora. Tapi, nu ngarora mah sok kejot, borosoooot weh tinggaleun 'gudang'. Haha..."
Dadan Sutisna
Mang Godi, fifikminan uing nu Mang Uja téa, saleresna mah nyindiran Si Tétéh ieu... Tapi eusina mah top-lah, tina karya sacara umum mah henteu mubah, geus némbongkeun ngaronjatna éksplorasi Nyi Haji.
Dewi Ratna Damayanti
teh Nyimas Kanjeng Ratu Yuyu... kedahna ngagyem batu sigana hahahaha
Dewi Ratna Damayanti
kang Dadan Sutisna.... gustiiiiiii... uhun wae nya kang dadan... pan kalimah kang dadan nu panungtung teh "ujaang... gudang na can kabawa....' teu engeh kang da dina catetan abi memang teu aya kecap gudang... hadoooohhhh
Nyimas Kanjeng Ratu Yuyu
bari sila andekak di empér gudang..ngan gudangna teu kapendak nya..
Dewi Ratna Damayanti
Hadooooohhhh ... kang Dadan Sutisna... nyaanannya, abong mualaf meni teu ka emut kadinya! kalah abi ngemutan bulan can ka cpanggul... etamah lepat catetan abi kang, pan key word na ku abi di serat, tah sing horeng gudang mah teu kacatet... Nuhuuunnn pisan katampi pisan. Sumpah meni asa tiis kana manah ieu di puji ku Kang Dadan.
Dewi Ratna Damayanti
Iiiihhh.. Kang Godi Suwarna mah nya... asli kang... teu engeh pisan sim uiong teh da dina catetan sim uing teu aya, tambih leptop error hape abi nuju di bumi pun biang tos saminggu jaringanna awon janten sakali komen pleng... teu tiasa deui, tos ngajempolan langsung teu tiasa nanaon deui... paraaahhh... teu aya nu ngemutan langsung deui hadooohh.. wios ah da tos ngiringan nu penting mah... asal tetep lebet buku we hahahahah
Dewi Ratna Damayanti
Teh Nyimas Kanjeng Ratu Yuyu gudang na kjahuruan teteh jadi teu kapendak hahahahahha
Teti Taryani
Ahaha.. meupeus keuyang Si Geulis Neng Dedew teh? Tapiii.. fikminna edun pisan! Nyaan, edun luar biasa! Janten cape yeuh aceuk ngiring beberes di dapur. Sok teu payaan tuda ningal balatak teh. Heuheu...
Dewi Ratna Damayanti
uhun teh Teti Taryani... bakat ku teu walakaya janten we kieu heuheu...
Nyimas Kanjeng Ratu Yuyu
padahal mah caket pengkolan nu aya tukang dagang jas hujan
Dewi Ratna Damayanti
hahahhaha....Teh Nyimas Kanjeng Ratu Yuyu, di pengkolan eta mah ukur nu dagang kembang aceuuukkkk
Nyimas Kanjeng Ratu Yuyu
ah nyaan ieu mah, ukur kembang nu aya dina émutanna. Gudang gé disangka kandang ucing hideung
Dewi Ratna Damayanti
tos kabur teteh geuliiisss... ucing hideung na ku neneg di baledog ku sendal bakat ku ambek
Nyimas Kanjeng Ratu Yuyu
sanés dipaléngpéng ku batu?
Dewi Ratna Damayanti
asin ah ku bulan ambek-ambekan wae..
Rameli Agam
eta kembang teh ngahaja meunang ngala di curug cimahi, haduuuuh matak eungap ngalana ge hehe.. seruuuuuu pisan yeuh..! mantap!
Mahpudin
kwkwkwkwkwkwkwk.... bade ngiring seuri weh.... hahahaha... bari ngalungkeun ucing hideung... kwkwkwkwk...
Rohaendi
Teh Dew, karya Teteh heded jasa nu ilu saembara geh, mung tacan waktosna panginten. Kieu weh atuh, dedetkeun weh lebetkeun kana nominator, wios satengah ewang sareng tempat abdi. Rido kanggo Teh Dewi RD mah, sumpah.
Dewi Ratna Damayanti
@kang rameli agam.... henteu kang, di curug mah taya kembang aya oge dadaunan sareng monyet hehehe...
Dewi Ratna Damayanti
@kang apoedy sarah ihsan.... hahaahahaha wios ah da ucing hideungna oge tos pejet di gencet hehe
Dewi Ratna Damayanti
@kang rohendi pandeglang.... hahahahaha... bisaan ari ngabeberah batur tehnya... tapi lumayan asa dipencetan ieu manah... hehe nuhun akaaaaaaaaa....
EMAN BUDIMAN
Paingan atuh kamari uing ngalangkung ka cimahi sora blanwir patinghareong, singhoreng c euceu ngaduruk gudang ning.... Wadoooh, krunya deh. Ngiring nginghak ah tapi bari seuri hihihi...
Érwin Wahyudi
Sing sabar Bu Haji, tos takdirna sapertos kitu. Hehhee...
Budi Mugia Raspati
Tos nasib manawi Teh. Heuheu pis ah! Ke diupahan ku eta tea.
Dewi Ratna Damayanti
@kang eboed budiman.... wadoooowwww.... nyaanannya, kalah ngengklak atoh! awas pek moal diajak ka curug cimahi geura hahahhaha....
EMAN BUDIMAN
Wios abdi mah bade ka curug Jelekong we heuheu...
Dewi Ratna Damayanti
@kang Erwin Wahyudi.... leres pisan kang, abimah da sabar... ieu mah nuju hoyong siduru we hehehhe...
Dewi Ratna Damayanti
@kang Budi Mugia Raspati..... asiiiiiikkkk.... cihuyyyy.... yiiiihaaaa.... Langsung cenghaaaaarrrrr.... yes! Yes! Yes! Diantooooosssssss.....
Dadah Hidayat
upami minggu kamari, heug bdi jurina, pasti pinunjul utama hehehehehe
Dewi Ratna Damayanti
@kang ebud... etamah situ jelekong meureun.... situ tengah jalan? hehehhe
Dewi Ratna Damayanti
@kang Dadah Hidayat... hahahahha uhun da pesertana mung nyaliranya hahhahaha
Lies Tjandra Kantjana
Khas Neng Maya...Sae Geulis,
Dadah Hidayat
apan abdi jurina hehehehehe
Dewi Ratna Damayanti
@teh lies tjandra..... hatur nuhun teteh.... hehehe... uhun ah ke mah de diajar ngayas heu...
Dewi Ratna Damayanti
@kang dadah hidayat... hahahhaha kang dadah mah aya2 aya wae... tapi nuhun pisan kang, katampi... hehhehe
Gatotkaca Ngapung
Deudeuh teuing nu kanyenyerian...
Dewi Ratna Damayanti
@ Kang Gatot Gaca Ngapung.... hahahhaha... ayeuna mah tos teu kanyenyerian deui Kang, tos cenghar. Kagentosan ku fikmin ieu
Gatotkaca Ngapung
Sae upami kitu mah, teteh moal jojorowokan deui :)
Dewi Ratna Damayanti
@ Kang Gatot... tangtos jojorowokan mah langkung bedas , tapi di gasibu. Ke ping 31 omat sumpingnya. Urang bajoang keur Basa Sunda