Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Teu Uyahan

Kénging Tatikurniati N
Dipidangkeun dina lapak 26 Désémber 2012 18:33:35

Nepika kiwari masih keneh can ngarti, kumaha carana nyieun fikmin nu saluyu jeung syarat-syarat nu tos dipapagonkeun. Mulai ngetik kalahka bingung. Mikir. Rek nulis naon. Ret kaluar aya sapasang ucing hideung nu anteng keur nyacapkeun galura birahina. Teu ieuh rurat reret. Asik we bari tipepereket kokosedan sieun lesot. “ Hihihi! Hihihi!”. Teu karasa kuring nyeuleukeuteuk. “Mama! Dimana sendal, dede bade maen sapedah”. Si bungsu ngagorowok. “Astagfirullohal’adzim”. kuring ngarenjag reuwas. Teu sirikna mah bari ngagajleng. Musam mesem era sorangan. Dasar ucing teu uyahan. Dimana we hayangna. “Tuh didapur handapeun taraje”, ceuk kuring bari reuwas keneh. Diluar geus poek mongkleng . jeleger guludug pating tembalan. Gebret hujan . kurunyung sicikal balik sakola. Baju, kantong , sapatuna kabeh jibreg kahujanan. Da puguh teu make jas hujan. Kilat pating burisat jiga ngaburisatna cahaya pedang mun keuna panon poe atawa lampu. Matak sieun. “Mamah kunaon sura seuri sorangan?”. Ceuk sicikal. “itu, inget ka sayur nu teu di uyahan”. Tembal teh bari ngaleos. Era.

Komentar (26)

Rudianto Surya HS
Mayank mikmin euy, wilujeng. Hehehe... Aya éditeun sakedik. “Mama! Dimana sendal, dede bade maen sapedah”. Si bungsu ngagorowok. >> “Mamah! Dimana sendal, Dédé badé maén sapédah.” Si bungsu ngagorowok. titik/koma dina kalimah kedah dilebet tanda kekenteng ("...."). Nami jalmi, nami tempat, ogé hurup awal kalimah kedah ku kapital. Pungkasanana, éta tarajé naha bet didapur? Asana Bapa nyiimpena dipipir bumi Mang Engkos. Mingkin hébat waé fikmin Mayanku téh, hehehe (y)
Yuharno Uyuh
'Nepika'? panon poe kedahna; panonpoe. Teteh, bilih krang jelas taroskeun ka Ki Hasan, sareng Pih Iwan Hanjuang.
A. Halim Kusumadjati
Manteuuup fikmina, teh.Tah sakumaha kasauran Ang Rudi Al-Fajri,kantun nyeratna diapikan. Ulah hilap kecap: ti, di, ka dikantetkeun upami 'kata kerja', contona: tigebus, disendal, kapahung. Dipisahkeun, upami panuduh, contona : ti pasar, di luhur, ka sawah. Kecap jujuluk nu ngangge 'si' huruf leutik, kecap jujuluk huruf badag> si Cikal, si Rawing, si Borokokok, si Ganteng, jsb. Haturan wilujeng mikmin.
Neneng Yatikurniati
ih eta ucing hideung pikasebeleun, hihi
Mahpudin
kang Helmi Pakudjati, nu ieu mah nyebatkan sanes Ang Rudi Al-Fajri tapi sapertos kasauran, yayangnyah... hahahahaha.... abdi nambihan.. panginten mulai mah basa endonesa, mimiti panginten basa sunda-na mah... heuheuheu....
Rita Rosita
Haruuuh Teh Tati Kurniati N raos ari gaduh ingkang raka tukang mikmin mah, aya rencang pakumaha hehe da c engkang abdi mah mung penikmat sajah hahaha
Kurniati Ntk
Pa Yang Rudi Al-Fajri nuhun koreksina. Kawitna mah bade nyaingan, heuheuy. Tapi seueur lepatna gening. Atah keneh!
Kurniati Ntk
Ang Yuharno Uyuh hatur nuhun kasumpinganna. Hehe...Janten isin.Wilujeng wengi!
Kurniati Ntk
Ang Helmi Pakudjati hatur nuhun pangawerukna katampi pisan!
Kurniati Ntk
Teh Neneng Yatikurniati heuheuh...muhun pikasebelen tapi da ngabibita gkgkgkgk!
Yuharno Uyuh
Manwi teh istri mah tara kabitaan, Heuheueu
Kurniati Ntk
Ang Apoedy Sarah Ihsan leres pisan kedahna mah ''mimiti'' sanes ''mulai'', hatur nuhun katampi pisan koreksina. Wilujeng wengi wae!
Rudianto Surya HS
Ang Yuharno Uyuh : Pun bojo mah kabitaan Ang. Hehehe
Kurniati Ntk
Teh Rita Rosita hehe..Alhamdulillah teh kaleresan sakaresep. Nuhun parantos sindang teh. Wilujeng leleson wae!
Kurniati Ntk
Ang Yuharno Uyuh hehe....keuna ku sifat jalmi Ang, bade istri bade pameget sami bae gkgkgk!
Kurniati Ntk
PaYank Rudi Al-Fajri yeyyyy....... wkwkwk!
Godi Suwarna
:"Fikminna tos tegep oge, Nenk..! Tos karaos olah basana, plotna tos ngentep seureuh, aya guar-guareun nu maca. Kantun ngapikan, sapertos nu disarankeun ku Ang Rudi Al-Fajri sareng Ang Helmi Pakudjati..."
Kurniati Ntk
Pap Rudi Al-Fajri taraje aya di dapur margi tilas mamah naek nyandak nyiru kange ngamparkeun ulen. Kaleresan tadi teh ngadamel ulen...hehe!
Dewi Ratna Damayanti
hahahah kalah anteng noongan ucingnya hahahaha kabitaeun da...
Kurniati Ntk
Ang Godi Suwarna mani bijak kitu cariosana, hatur nuhun pisan. Janten asa rada beukah pangambung abdi hehe!
Kurniati Ntk
Teh Dewi Ratna Damayanti hehe...muhun teh bakating bingung bade nyerat naon, nya ret ka ucing jadi weh gaduh ideu. Hatur nuhun teh kamandangna. Wilujeng wengi teh!
Kurniati Ntk
Kasadayana anu parantos acung-acungan ngacungkeun jempolna hatur nuhun, katampi pisan pangdeudeulna. Punten teu tiasa disebatan hiji-hiji!
Rudianto Surya HS
Sami-sami "Mayank" (ieu mah halal).
Kurniati Ntk
Payank Rudi Al-Fajri InsyaAlloh...Amiiiin!
A. Halim Kusumadjati
Ang Apoedy Sarah Ihsan, halaaaah sim uing nembe engeuh eum. Ang Rudi teu kaci ah !, khususon Ang Rudi mah komenna di rorompok wae, sinambi nyampaykeun sepre kana taraje, hehe
Kurniati Ntk
Ang Helmi Pakudjati hehe...kaleresan ieu teh pun lanceukna nuju teu aya dirorompok, janten bari ngantosan nya mikminan we!