Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Asah

Kénging Liman Sanjaya
Dipidangkeun dina lapak 22 Désémber 2012 11:07:49

Lalakon Kadita

Kadita gilig. Sup ka gudang. Teu paduli kaayaan. “Aing rék nyékér.” Pikirna. Sapatu jeung sandal ukur dirérét. Jas hujan ngalumuk. Sora guludug nyulusup. “Kajeun jibrug.” Gap kana pedang. Diselapkeun lebah cangkéng. Kaluar. Leumpang ngulon. Mapag aleutan cihujan. Di hiji péngkolan reureuh sakeudeung. Mésakan batu. Metet. Tanggah. Nyawang tapak bulan. Leumpang deui. Nyorang tanjakan jeung cileuncang. Anjog ka punclut hiji pasir. Kadita mésem. Nyampeurkeun dapuran awi. Nuar sababaraha leunjeur. Gedok nyieun tarajé. Teu maliré kacapé. “Sakeudeung deui aing laksana ngaréka impian saluhureun méga. Diamparan sepré gambar kembang. Léléndéan jeung ucing hideung. Sabab geus euweuh deui lalaki nu tigin kana jangji.” Paroman Kadita témbong banget marahmay.

Komentar (25)

Ahmad Fawzy Imron
Asak....mirasa pisan.
Liman Sanjaya
Kang Ahmad Fawzy Imron: halah, bujeng asak.. ieumah dadakan, atuda tadi wengi ditoel ku Mang Iwan Hanjuang.. janten we ngagutrut ssemu rusuh.. ;) nuhun..
Ahmad Fawzy Imron
Dadakan? Asak tina tangkal tea, rupina. Paingan kareueut... :)
Liman Sanjaya
Kang Ahmad Fawzy Imron: muhun dadakan, upami dina bungbuahanmah asak kapoe panginten.. heuheu
Ahmad Fawzy Imron
Ih saur saha kapoe...? Apan usum hujan ayeuna mah...asakna teh tangtos amis tiis tea... :)
Liman Sanjaya
kang Ahmad Fawzy Imron: halah, asak kakeueum mah buruk atuh.. heuheu
Ahmad Fawzy Imron
Hehe...di limbangan mah apan tara aya puncer tangkal nu kakeueum...
Iwan Hanjuang
Ahmad Fawzy Imron, pung ah Yi Haji makalangan!
Ahmad Fawzy Imron
Kang Iwan...numawi, dina hp abdina teu tiasa nyerat E nu dicurek....teu wantun mosting.
Iwan Hanjuang
Ahmad Fawzy Imron, cobi taroskeun ka pun bojo anu ka tujuh Dewi Rengganis, eta nganggo HP, tiasa dicurek, atanapi ka Kuyank Ed Jenura, geura terangeun.
Ahmad Fawzy Imron
Sumuhun, Kang.
Liman Sanjaya
Kang Ahmad Fawzy Imron: halah, sim uingmah gagajahan sanes pare.. janten sok kakeueum
Godi Suwarna
:"Siiip dekh...! Fikmin calon pinunjul deui bae...! Ditoel teh nurut Ang liman mah. bageur pisan. Rupina, mung Yi Haji Ahmad Fawzy Imron nu teu acan ditoel ku Upas Hanjuang teh. Sigana, Aa Uzy mah can uningaeun aya saembara..!"
Liman Sanjaya
Mang Iwan Hanjuang: muhun tah, Kang Ahmad Fawzy Imron toel piwarang ngapungkeun asahan.. heuheu.. mangkaning fikmina sok ngalagena.. syaekhu ciparay tea atuh.. heuheu
Iwan Hanjuang
Godi Suwarna, ti peuting keneh eta teh Lo, ku mang Upas, Ahmad Fawzy Imron, ditoelan, ngan jongjon we ngungked..mencg bae... hehe he he he he :p
Liman Sanjaya
Kang Perbu Godi Suwarna: halah, ieumah tamba kaabsen we Kang.. tapi saatosna tadi wengi ditoel ku Mang Iwan Hanjuang janten bubuka kana lapak.. horeng araredun tah fikmin asahan teh.. reueus pisanlah..
Asep Muhlis
13 kecap nu jadi panuntun ti penyelenggara lebet sadayana kalayan lancar,ngagalo jadi carita nu tegep.Wilujeng Kang
Dewi Rengganis
Kang Ahmad Fawzi Imron. Cara ngetik (É) atanapi (é) dina Hp. 1. Nyungkeun dikintun sms ti nu Hp nu tiasa ngetik (É atanapi é), lajeng 1. Buka smsna, saparantos katingali. Teken kipet (opsi) ke aya katerangan (salin/simpan), teras teken!, ke aya katerangan (sorot), maka sorot, ke aya katerangan (taruh/simpan) 2. Kangge nyobi, buka menu sms, saatos timbul layar, teken (opsi) ke aya katerangan (salin/simpan) teras teken katerangan (salin/taruh) ke timbul dilayar (É ageung, sareng é alit) kantun mupus salah sawios nu diperyogikeun, 3. Kitu deui sami kanggo update stts di fb atanapi komen. Mangga nyanggakeun.
Liman Sanjaya
Kang Asep Muhlis: nuhun Kang.. dadakan tea ieumah.. heuheu
Liman Sanjaya
Ceu Dewi Rengganis: tah geuning.. sim uing ge sok saliru ari ngapungkeun tina hape teh..
Iyan Djartjok
sae ny.. wilujeng,..
Liman Sanjaya
Kang Iyan Djartjok Mawar Bodas: nuhun..
Iyan Djartjok
sawalerna kang..
Ed Jénura
hadeeee...
Liman Sanjaya
Ceu Ed Jenura: dadakan, ma'lum telat bubuka.. heuheu