Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

090909-121212

Kénging Herdi Pamungkas
Dipidangkeun dina lapak 14 Désémber 2012 00:53:11

Waktu dunya diramalkeun rék kiamat. Rurusuhan urang duaan silih cangreudkeun kadeudeuh. “Kiamat gé teu nanaon ari geus jadian mah,” cék anjeun bari ngolég tungtung baju. “Geuning teu tulus!” cék kuring nalika nincak taun anyar. Ti harita mah taya kahariwang. Nganteur karep ngumbar kahayang. Bongan ramalan méncog. Urang duaan mangprung silih anteur karep jeung kahayang. Geus teu kasengker ku kasieun. “Nyingkah siah, pamali!” urang duaan sisinglar. Nalika peuting taun anyar humaréwos. “Tiris,” nyekéskeun seuneu birahi. Gur. Ngabebela. Ngahaneutan awak séwang-séwangan. Nilar girimis ngepris. Ngantep garajagna késang. Tilu belas taun kalarung. Mangprung. “Nikah, yuk!” omong anjeun. Béja datangna kiamat ngarangsadan deui katengtreman. Taun dua ‘las cenah. “Hayu atuh! Boa enya!” kuring nyaluyuan. Prung. Kabalé nyungcung. “Méncog deu baé?” cék anjeun. Ukur tilu poé rumah tangga. Euweuh bédana. “Bulsit!” manéhna jebi.

Komentar (12)

Rukmana Ranudiana
tamaik nalamar
Mahpudin
Fitrah manusa mah cenah saleresna teh taat, nyaeta ku ayana kasieun... heuheuheu...
Soendara Djatiseba
Hade... Sapuk
Herdi Pamungkas
kang Rukmana Ranudiana kitu geuning, ngudag-ngudag inggis teh....
Noorfatah Muhammad Dimyati
Leres pisan Ang Apoedy Sarah Ihsan, da saurna, seueur eusi Al-Qur'an teh ku pangbibita sareng panyingsieun, sapertos endahna surga sareng repotna aya di naraka.
Herdi Pamungkas
kang Apoedy Sarah Ihsan sawatara waktos kapengker be nalika usum gempa, jalma nu keur jarudi jarajleng bari istigfar, kenging tilu dinten mah repeh....nalika kaayaan tengtrem deui...ger deui....sagala dipaju deui....kitu rupina, kang.....
Herdi Pamungkas
kang Soendara Djatiseba hatur nuhun upami kitu mah, mangga nyanggakeun....lepat nyerat angka dina judul kedahna 090999-121212, kitu rupina...
Rukmana Ranudiana
Ang Herdi Pamungkas, inggis ku bisi rempan ku beja, poho weh kana muntang ka Allah. Ulah muntang kana ramalan, atuh nya?
Herdi Pamungkas
kang Noorfatah Muhammad Dimyati leres, kang....
Herdi Pamungkas
kang Rukmana Ranudiana saena mah, kang. Nanging dalah dikumaha ku ayana isu kiamat oge nguntungkeun jalmi-jami nu bisnis dikaitkeun sareng eta isu, ngawitan ti bisnis film dugi ka bisnis keperluan darurat nalika kiamat....kitu wartosna....
Ed Jénura
pami taun payunna aya gossip kiamat deui, sigana bakal rujuk nya, Kang? hahha! mantaaapp...
Herdi Pamungkas
teh Ed Jenura tangtos kana kitu, upami teu cios...bade nikah siri deui...aeh...cerai deui....