Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Kanyaah Indung

Kénging Tatikurniati N
Dipidangkeun dina lapak 13 Désémber 2012 14:35:42

Ti leuleutik urang diais dipangku. Ditatap diusap. Disusuan dipepende. Mun geus gede tetep dijaring dijaga. Mun geus beger mimiti nukang ka indung. Komo geus rimbitan mah, sok rajeun kateler-teler. Tapi indung teu pegat-pegat kanyaahna. Pek bandingkeun nyaahna anak ka indung, jeung indung ka anak. mana anu leuwih gede. Senen isuk bagean tunggu kuring ngajagaan indung nu geus lila gering . Gejlig kuring indit, bari ngais sibungsu nu karek 4 bulan umurna. Tikajauhan ema katingali keur moyan ngalungsar diuk na bata. Ningali aya nu datang paromanna sumringah. Surak atoh nempo kuring datang. Jung nangtung dadaligdegan moro sibungsu nu keur diais. "Duh ema, hampura abdi......!". Clak cipanon teu karasa ragrag masehan pipi. Isukna aya beja, ema tos dipundut kunu Rahayu Gusti Alloh SWT. Leung.Gubrag karasa aya nu ragrag. Duka naon." Duh Ema, moal aya deui nu bakal mikanyaah abdi sapertos nyaahna Ema"!

Komentar (25)

Rini Mayasari
maca fikmin ieu di tungtungan nyusut ci soca....sae teh Tatikurniati N, jempol ahh
Kurniati Ntk
Maya Pancanaka hatur nuhun teh, asa kagagas deui abdi ge. emut ayeuna mah sihoreng anu ngagubrag teh sibungsu!
Rudianto Surya HS
mikmina nuju sahate sareng bapa, toop Mah!
Kurniati Ntk
Bapak Rudi Al-Fajri Alhamdulillah muhun duka kumaha ieu teh nuju emut ka Almarhumah!
Gaus Firdaus
Jih Gustiiii... janten karareueung! Pun Gaus isuk jaga ning geto baris ngalaman siga kieu. Moal bisa disinglar. Subhanalloh
Soendara Djatiseba
ngaheruk.....
Neneng Yatikurniati
leres Teh Tatikurniati N, anu sanes mah sanaos nyaah totomplokan oge tetep moal nandingan kanyaah ibu. siiiiip
Rita Rosita
Seperti udara kasih yg Ibu berikan saur kang Iwan Fals mah Teh Tatikurniati N janten teu kaetang hehe....sae fikmina abi ge dugi ka rusras ka Almarhum pun biang...
Kurniati Ntk
Ang Gaus Firdaus Isuk jaganing geto ge urang bakal ngaranapan sapertos kieu, mung iraha-irahana mah rahasia Gusti. Hatur nuhun pisan kamandangna!
Kurniati Ntk
Ang Soendara Djatiseba lenyeupaneun kange urang sadayana eta teh!
Kurniati Ntk
Teh Neneng Yatikurniati leres pisan teh, kasih ibu mah sapanjang masa gening moal aya nu nandingan iwal ti Gusti!
Kurniati Ntk
Teh Rita Rosita hatur nuhun teh kamandangna,
Neneng Yatikurniati
yaktos, Teh...janten hoyong nangis, enut kan pun biang
Kurniati Ntk
Teh Neneng Yatikurniati muhun!un abdi ge bari ramisak, emut ku seueur dosa teu acan tiasa nyugemake
Noorfatah Muhammad Dimyati
Upami nyarioskeun indung, asa nalangsa, rumaos seueur dosa, sediiih, hiks..
Kurniati Ntk
Leres pisan eta teh Ang Noorfatah Muhammad Dimyati, ayeuna urang tiasa kieu lantaran kanyaah indung sanes hartos bade ngahilafkeun kanyaah bapak!
Noorfatah Muhammad Dimyati
Muhun, pan hadist ge dugi ka tilu kali nyebatkeun indung, nembe bapa. Janten wajar murangkalih langkung ngaraos kanyaah indung ti batan bapa.
Kurniati Ntk
Ang Noorfatah Muhammad Dimyati, Ang Edi supriyadi, Teh Neneng Yatikurniati, Ang Gaus Firdaus, Bapak Rudi Al-Fajri, Teh Rita Rosita, Ang Rameli Agam, Ang Soendara Djatiseba, Teh Firda Aulia, Ang Abah Iseng, Ang Indra Nugraha Hidayat, Teh Embi Cimepem, Ang Joey Pengganti Wiro, Ten Maya Pancanaka sareng Ang Budi Er Rahmat, kasadayana hatur nuhun pisan pangrojongna, salam tepang ti abdi!
Rini Mayasari
Rido indung teh gening ridho Alloh....ehhmmm mamamh, hampura nga tiasa ngaririwéuh hungkul. bari teu acan tiasa mulang tarima...hikzz
Kurniati Ntk
Ang Noorfatah Muhammad Dimyati tah kitu gening tos kabuka haditsna, langkung shohih kitu mah.
Kurniati Ntk
Teh Maya Pancanaka mampang mumpung aya keneh sepuh teh kedah soson-soson babakti na, da abdi mah sesah gening tos teu araya!
Rini Mayasari
manawi meni asa janten dosa, unggal dinten katitipan murangkalih, da abdina kedah damel....hampura mahh
Kurniati Ntk
Wios teh Maya Pancanaka asal sing ageung we bekelna.....hehe.
Rini Mayasari
hehhe......tapi da mamah na ge rido.....langkung nyaah ka incuna malahan mah...
Kurniati Ntk
Teh Maya Pancanaka hehe......muhun nya. Tah gening tos tiasa gumujeng ayeuna mah!