Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Dalang Pamungkas 2

Kénging Ganjar Kurnia
Dipidangkeun dina lapak 13 Désémber 2012 05:55:37

Haseup ti imah dalang anu kaduruk, tembus ka langit ping pitu. Para déwa sing raringeuh. Hawar-hawar tina sapéker tajug sawarga loka aya warta.”Innalillahi………………..”. Lurah Semar anu keur ngundeur lalab, gura-giru muru ka bulan. Menekung terus ngahaleuangkeun kakawén Lilir : “Lilir ya merbangun, lilir ya merbangun. Kagét dénira ngimpén saré, saréné angin salenyap, sewala salin busana, salin busana.............”.
Haseup langsung ilang, diganti ku hiliwir angin, nu seungit kabina-bina. Melenghir kamana-mana, melenghir ka pabrik kina. Paiiiiiiit.

Komentar (20)

Mahpudin
Fikmin bersambung... nasib dalang... hiks....
Dadang Soekanda
Moal gagal Fikmin Calon R1 ti Jabar mah....dukuuuuung...
Jejen Jaelani Wargadipura
Sirna darajatna seni, nguniangkeun karisi, sok sieun kasilih ku junti
Ganjar Kurnia
nurutan Ang Godi Suwarna .......dina tukang parahu
Godi Suwarna
:"Haruuuh, eta kakawen, dadangueun, sora dalangna nu semu peura tea. Gigireun aya mojang seungit lisung. Haneut. Tapi rada hoream nganteurkeun jalaran lemburna ngalangkungan tujuh pasir..."
Ganjar Kurnia
mojang cindung biru?
Godi Suwarna
:"Tah, eta, Ang..! Mani guyur. Tapi da sim uingah yakin, eta teh Ang Gan nu nuju nyamar...! Haha..."
Entjep Sunardhi
Aya listrik jero tajug, caangna ka marcapada, bati ceurik rénghap ranjug, kailangan dalang sésa. Lastari.
Yanti Sri Budiarti
Nuju alit, pami nongton wayang nu diantos-antos teh sumpingna Lurah Semar Badranaya. Asa tingtrim. Asa diparende. Ku deudeuhna.Ku leuleuyna...:D Sewu nuhun Kang, katampi buku fikminna...:D Bingah, reueus, sadaya nu hadir mulih nyandak oleh-oleh buku fikmin...:D
Nazarudin Azhar
Sababaraha sasih ka pengker, lalajo wayang Dalang Pangkahotna di Dadaha. Teu kiat lami ngadekul, da eta, heureuyna lain cawokah deui, tapi porno. Terus bangun ngageuhgeuykeun TKW nu diperk*sa di luar nagri. Ti dinya terus ngabulek kampanyeu calon gubernur. Halah, teu kiat, wangsul we, hehe. Fikminna tegep, rada helok bet ngaleok ka pabrik kina, tapi diicip-icip nyambung oge... hehe
Ganjar Kurnia
Ang Nazarudin Azhar, kanyataan paiit dina kahirupan seni sunda ayeuna................
Entjep Sunardhi
"Kasenian miwanda kréasi anyar, mindeng kamalinaan kuma ceuk raména pasar, ...." Pisaur Mang Koko dina 'Kasenian'.
Ridwan Iskandar
Sedihna Seni Sunda, cacak diharatiskeun oge arang nu lalajo..sok komo pami dikarcis..
Ganjar Kurnia
Ang Ridwan Iskandar salah sawios masalahna, kasenian sundana oge seueur anu teu diropea heula. Ku kondisi ayeuna janten kirang raos ditongton.
Rukmana Ranudiana
Naha kedah ka Universitet Leiden heula kitu, ngaropea seni Sunda teh? Da apan peperenikan naskah karuhun urang teh tos lami pisan numpuk di ditu...
Asep Nurjamin
sihoreng, di sawarga oge aya tajug aya sapeker.
Ganjar Kurnia
Kang Asep Nurjamin, namina ge fiksi......syah wae sugan, kalebet aya kebon tempat Semar ngundeur
Remi Purwaka Sadkar
Kantena syah pisan Kang Ganjar. Da biasa di ditu ge kacarioskeun keneh aya widadari, aya kebon nu di handapna walungan susu panan eta ge sami wae hal 'kebendaan', nu memehna tara kantos janten masalah.Hehehehe
Ganjar Kurnia
asa ijab kabul.....syah.
Ganjar Kurnia
waas bodor jaman baheula syah teh "uing ngawinkeun Nyi Rukami ka ki Ihan.....