Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Si Bopih

Kénging Syam Ridwan
Dipidangkeun dina lapak 11 Désémber 2012 13:21:30

“Hayaammmm!” Tanteu Edoh nyorowok jeroeun pager. Saprak jadi tukang hayam kudu rido dicalukan hayam, geus jadi resikona kitu . Gilek sapédah ontél dipéngkolkeun, reg eureun. Lol tanteu Edoh kaluar, maké samping jangkung semet dada, sirahna dibakutet anduk. Jegug jegug anjingna nyérénténg. “Sabarahaan Mang?” Pokna. “ Tilu puluh rébuan,Tan!”Ngahaja ditaékeun, ngabaktaan bisi nawar. “Dua puluh lima rébu wé nya Mang!” Gék cingogo ngusapan anjingna. “Wios lah panglaris!” Séak bedog diheumbatkeun, mimiti ngamutilasi, huluna ngagelenceng, dadana direcah, suku jeung jangjangna papisah. Mun seug lain kasato, meureun geus keuna pasal berlapis. Créng dibayar. Song daging hayam meunang ngérésékan dibikeun.”Geura nyarap, Bopih!” Lung dialungkeun, gasik diburu. Capluk. Ngan sakotéap érép. “Beu sugan téh lain jang sia!” Gogodeg. “Biasana dirica-rica heula karék dihakan!” Tanteu Edoh nyéréngéh. Laju ngagupayan tukang roti, yougart jeung batagor. Sibopih kutap kétap, kumerot, kahakanan karesep manéhna datang. “Bopih….bopih, aing gé lintuh mun diingu ku tanteu Edoh mah!” Ngagerentes.

Komentar (15)

Edi Supriyadi
Manteb bin Mantap.... lanjuuut...
Syam Ridwan
Kang Edi, hatur nuhun pangrojongna, wilujeng siang!
Edi Supriyadi
sami sami Kang...wilujeng siang deui
Noorfatah Muhammad Dimyati
Nyeta atuh ari nu beunghar, teu ngoretkeun ari ka si Bopih mah, padahal masih seueur barudak nu kirang giji. Mantap Ang Syam Ridwan.
Syam Ridwan
Sumuhun kang Noorfatah, nu beunghar mah sok kaleuleuwihi, gaduh gogog sapuluh, ngagajih badega husus kanggo ngurusna. Hatur nuhun pangrojongna wilujeng siang.
Jang Dede
Hayang uing jiga si Bopih. Tapi ulah jadi bopih we Kang Syam Ridwan
Érwin Wahyudi
Alah eta tukang hayam, hoyong diingu ku si tanteu??? Hehehe, mantap!
Godi Suwarna
:"Haha...! Diingu ku si Tanteu mah kedah tiasa ngagogog, Ang...!"
Syam Ridwan
Kin wang harewos ka si Tanteuh kang De, hehe, hatur nuhun panrojongna.
Syam Ridwan
Sumuhun kang Erwin, supados lingsigan ari urus ku si tanteuh mah heu heu, hatur nuhun, pangdeudeulna.
Syam Ridwan
Manawi kitu, kedah tiasa ngagogog luhur handap panginten hehe, hatur nuhun pa Godi, parantos kersa rurumpaheun.
Nazarudin Azhar
Hahaha, sedaaap... Fikmin nan hegar sareng ngeusi... (y) (y) (y)
Syam Ridwan
Hatur nuhun pa Nazarudin Azhar pangrojongna, katampi pisan!
Shohiba Nu'man
Hahaha.. Asyik pisan macana. Matak keom. :D
Syam Ridwan
Wilujeng sonten kang shohiba Nu'man, hatur nuhun pangrojongna.