GEGER ARUM. Taman Batu. Saptu sore. Geus torojol deui. Nu néang. Geus biasa pokna, "Punten, badé nambut heula," cenah. Teu wasa nolak. Teu bisa ngaulah-ulah. Da puguh dibawa ku nu bogana. Manéh ngalieus. Urang ngan wasa ngabalieus. Adegan unggal Saptu soré. Nu sok idek-liher unggal usik aya nu néang. Geger Arum. Taman Batu. Ngeueung deui sorangan. Nyorangan. Nyorang peuting sosoranganan. Biasa. Nambut heula, basana. Tapi ayeuna. Basa manéh ditéang (deui) harita. Maranti cara sasari. Rék nyorang peuting téh bet asa keueung. Bet tara-tara ti biasa. Asa aya nu leungit. Asa kaleungitan. Naon? Kaleungitan manéh? Geger Arum. Taman Batu. Ahhh...