Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Hanas Ngéléhan

Kénging Asep Rachmat
Dipidangkeun dina lapak 14 Agustus 2012 00:18:15

Wanci subuh kénéh kuring geus cindekul di Pagarsih ngadagoan elf anu biasa ngetém di dinya. Ngahaja rada caringcing nu dipalar sangkan merenah kabagian tempat diuk. Maklum usum mudik mah lamun urang teu rikat salian ti pagegelek téh pasti kabagian nangtung. Horéam teuing mangkaning lain lalampahan sakeudeung-sakeudeung.
Lain kuring wae nu ngahaja datang tangginas téh, dalah nu séjén ogé sarua kahayang meureun, hayang meunang jok.
Rentang-rentang ti kajauhan, elf nu ditungguan katingali datang. Jung kuring nangtung. Ransel digandongkeun, dus babawaan dijingjing, siap-siap rék parebut korsi tempat diuk.
Barang éta mobil anjog, rikat kuring asup. Gék diuk, ngahaja milih deukeut lawang. Nu séjén ogé sarua paboro-boro ngeusian jok nu masih kosong.
Sakiceup mobil Élp pinuh. Nu teu kabagian témpat kapaksa nangtung bari jeung kukulutus.
Di antara nu nangtung, aya hiji wanoja. Geulis. Rambutna sataktak, dipapantes ku bondu warna pink. Leungeuna pageuh muntang kana handel panto. Pangawakana nu pepel tur ngeusi kasedek-sedek pagégéyé jeung penumpang nu lian.
Lila kuring nengetan manéhna. Duh, nyaan geulis pisan.
Abong kernét, sidik mobil téh geus pinuh, haben waé dijejel-jejel, nu geulis beuki kasedekeun, ahirna nangtung pas hareupeun kuring pisan.
Geuleuyeung mobil miang. Sorana ngagerung awahing beurat mawa penumpang nu mudik lebaran.
Palebah jalan tol, supir téh teuning kagok teuing kumaha pédah aya mobil leutik di hareupeun. Rem ditincak satakerna, nu geulis ka bawa oléng, gubrag..! awakna ngagaleong, aya ku ngepas kana lahunan kuring.
Reuwas pacampur jeung atoh, asa kaurugan durén runtuh téh nu kieu meureun.
Eta si geulis rék cengkat, tapi hésé da kasedekeun ku nu séjén.
"aduh a, punten nya, teu dihaja." manéhna sasanduk.
"ah, wios néng, adatna nuju kieu mah" tembal kuring.
Teu pati lila, aya saeutik lolongkrang manéhna bisa cengkat.
Jorojoy dina haté maké rék ngéléhan tempat diuk, teuing pédah karunya, teuing pedah hayang disebut bageur ku nu geulis, teuing aya saeutik maksud, heuheuy... kuring cengkat, mikeun tempat diuk.
"Néng, hawatos teuing, sok wios Enéng calik, abdi nu nangtung."
"Ah, nu leres A, nuhun atuh!" Bari gek manéhna diuk. Bungah.
"Badé kamana kitu néng?" Bari nangtung kawas nu séjén kuring nanya.
"Badé ka Majalengka"
"Oh, satujuan atuh. Sami abdi gé. Nyalira waé?"
"Duaan saréng pun lanceuk, tuh nu nangkél palih luar"
Rét kuring ningali ka luar, aya lalaki ngora kénéh keur pageuh muntang.
"Maksadna?" kuring mencrong panasaran.
"Muhun. Caroge abdi éta téh!"
Géhél, hanas korsi dibikeun kajeun mélaan nangtung. Sugan téh léngoh kénéh.