Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Galandangan

Kénging Asep Rachmat
Dipidangkeun dina lapak 11 Agustus 2012 00:09:26

Panas morérét, panonpoé nengahan langit. Hawa nyongkab ngarerab jalan pasampangan pacampuh jeung patinggarerungna kandaraan nu ditéma ku patembalana sora kelakson.
Geus ti isuk kuring andiprek diuk sisi jalan nu ukur ditilaman ku sapotong kardus.
Rét kana gelas palastik, angger ukur eusian ku duit kencring dua ratus pérak. Beuteung beuki motah kukurubukan. Peurih. Ti kamari teu kararaban sangu saréméh-réméh acan.
Batin ceurik ngaharepkeun piwelas manusa...
Lar aya nu leumpang nu pasti bakal ngaliwat ka dieu. Haté diancikan ku harepan susuganan manéhna haat ngeusian gelas palastik ku duit anu sakira cukup keur meuli sangu sabungkuseun.
Tapi lapur, geuning saukur ngaliwat.
Jebul deui nu datang leumpang semu rurusuhan. Weléh teu nolih-nolih acan.
Kitu jeung kitu waé. Manusa siga nu geus teu baroga rasa nyaah ka sasama.
Beuteung nambahan lapar, sakujur awak ngeleper. Titingalian asa ranyay karararonéng.
Maksakeun kuring cengkat nangtung nu dimaksud rék pindah ka tempat nu rada ramé. Ngan orokaya ieu tuur leuleus teu bisa ngaléngkah. Dumadakan bumi alam poek, leng...blukk!.. kuring ngalungsar kapaéhan.