Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pasini

Kénging Tiktik Rusyani
Dipidangkeun dina lapak 11 Juli 2012 15:25:39

Waktos patepang di Limbangan, teuteup geugeut pataréma. Duapuluh opat warsa nyidem rasa, ahirna mancawura na tetelar trésna. “Engké urang ngadamel saung pangreureuhan, kanggo sukan-sukan ngagalurakeun kahéman.” Haréwosna. Sapaparat jalan antawis Limbangan Kawali, rindat jeung imut matri asih bihari nu natrat népi ka kiwari. “ Cuang népangan Nyi Putri, seja ngiberan, yén asih nu sajati mo laas ku obahna wanci.” Dina batu pangeunteungan, nu geulis antaré ngandika , "Bagéa, tos lami dianti-anti. Rupina Kamajaya hoyong ka salira sumpingna.” Wengi eta, bulan satengah purnama lir ngawirahma mirig galindeng asmara. Basa ngantunkeun Astanagedé, mangrewu lumar marakbak na haté.

Komentar (113)

Iwan Hanjuang
kasaha nya, da akang mah teu kana beus teu kalimbangan. Tegep fikmina, raos dibacana oge, jempol we sa Kawali..
Dewi Ratna Damayanti
Whuahaha... Beda nu beubeunangan lumarmah, pikmin na ge tina manah... Sareng rasa nu ngaburinyay... Wìlujeng ah... Abimah bade ngengklak we ngurilingan durukan
Wawan Setiawan Husin
kayaszznya sopans pisaang.... karaos asmara Kamajaya-na, nanging 'bulan satengah purnama' rasana kirang jelas, kirang mokus, kirang denotatif, kirang bagjelegur...manawi.... tiasa diemyutan deui ku kecap nu langkyung
Endah Dinda Jenura
klepek... klepek...
Budi Mugia Raspati
Tah breh oge, emhh kayas nu lantip..
Wawan Setiawan Husin
pas, .... manawi kitu ge, teh Tiktik Rusyani... Kalimah pamungkas hebring kayaszzna. Konklusif abissz!
Irman N Dimyatié
:"Halah...! Meni ngajedud pisan. Asa nyetrum jajantung. Moal waka komen panjang-panjang. Rek ngararasakeun heula...."
Nena Cunara
Duh, aya ku manis teh Tiktik. Nyanggakeun jempolna!
Tiktik Rusyani
Kang Iwan Hanjuang, Ah teu kasasaha, kapan ieu mah fikmin, kenging mamantes. Nuhun jempolna, Kang. Meni wareg.
Wawan Setiawan Husin
Muhun tapi pan ngasah rasa ku basa tea... teh Tiktik, ... lami-lami basa janten rasa... ati!
Tiktik Rusyani
Neng Dewi Ratna Damayanti, seuseut puguh Neng, kalah huleng jentul. Kenging Key words na " Lumar marakbak na hate", gutrut weh diserat, sapertos kieu buktosna, nyanggakeun, Heuheuy.
Tatang Sumarsono
Dua puluh opat warsih. Aceuk? Jih, lawas temenan. Mun dina kuda mah tos tiasa lahir G-3 (heu-heuh abong nu néwo-néwona pangurus Pordasi).
Nana Sukmana
Hadeuh..... uingah imut ka "celepokna". Kacipta rindatna Teh Tiktik Rusyani. Ha ha ha.
Tiktik Rusyani
Kang Wawan Setiawan Husin, panginten kirang nyambung sareng kecap wirahma kitu Kang Wan? Rada blank ieu teh. Kumaha pami digentos ku " Wengi eta angin lirih janari lir ngawirahma mirig galindeng asmara" sae teu Kang Wan?
Tiktik Rusyani
Neng Endah Dinda Jenura, gubrag weh nyangsaya na kamalir, hihi.
Diky Pamanahrasa
Wuuur,,,ku asih,,hadeh maca fikmin ieu asa janten anom deui,,sae teteh katampi ah,,
Tiktik Rusyani
Kang Budi Mugia Raspati, leuir nya Kang? Halah ngesang abiiizz... Ilham seuseut pisan.
Abu Ainun
Ngawirahma. Mani asa katiruk maru. Pedo elom naker! Ngan saeutik hanjakalna, teu nyabit-nyabit batu panyandungan...
Tiktik Rusyani
Kang Irman N Dimyatie, mangga, wilujeng ngararaoskeun,
Tiktik Rusyani
Teh Nena Cunara ,katampi jempol ti Jogja na, Teh Nena.
Tiktik Rusyani
Kang Tatang Sumarsono, kapangaruhan ku nu aheng-aheng dina Youtube, Kang. Seueur nu ngantos jodona teh dugi ka puluhan taun.
Tatang Sumarsono
Waduh!
Tiktik Rusyani
Yey Kang Nana Sukmana, mah meni dipapantes.
Tiktik Rusyani
Kang Diki Diky Pamanahrasa, sae atuh pami tiasa janten asihan kanggo awet anom mah. Bingah pami katampi mah.
Iwan Hanjuang
Kamana nya Basyar Isya, kang Entjep Sunardhi, Irawan Babéh Lova, Abu Ainun, Maman Gantra, Ibnu Hijar Apandi, anu megat anu dilebak tapi teu kapanggih...
Wawan Setiawan Husin
teu kedah tebih teuing teras we diolah frasa...."bulan satengah purnama", janten kumaha... getooh... Pilihan 'purnama' pan tos romantis melankolis, atuh 'bulan' tos merenah dianggona. Mung kecap 'satengah' teu saHARKAT, SARIMBAG, SALEVEL, sareng "bulan/purnama". Bulan purnama - tos kahartos denotatif/konotatif, bulan ipis-- kahartos, bulan mabra - kahartos, dst. "Bulan satengah purnama"... bawiraos teu acan jinek KONSEPNA, CEKEL DELEG IMAJINA, PAIT PEUHEUR ATAWA AMIS KAREUEUT RASANA - minimal kanggo sim uing ... teh Tiktik! tennanngg wee.. hiji waktos sok DISADA SORANGAN da inspirasi teh... (nambut ti Endah istilah DISADA-na).. tengkuy manengkuy teh!
Tiktik Rusyani
Abu Ainun, abdi mah alim nyaketan batu panyandungan, komo dilebetkeun kana fikmin mah bilih katuliskeun malaikat. Tos jejem bade ngatuhu weh.., huhuy.
Tiktik Rusyani
Kang Tatang Sumarsono, lami teuing nya,Kang?
Tatang Sumarsono
Ari bulanna mah meureun purnama, Kang Wawan, ngan kahalangan, jadi cahayana ngan tepi satengahna. Nya kahalangan ku daun kalapa gé meureun tiasa. Meureung ieuh mah ....
Dewi Ratna Damayanti
Edun suredun teh.. Nurutan ah ngadamel nu ngayas, antos sakedapnya.
Tiktik Rusyani
Kang Iwan Hanjuang, na meni dugi ka ngerahkeun wadyabalad kanggo megatan ema-ema nu dikabaya bodas teh. Nu jelas mah teu puguh sandina atuda, Kedahna nganggo morse kalahka sandi rumput, janten kajejekan kunu ngalangkung, hehe. Tos teu bendu pan?
Tiktik Rusyani
Kang Wawan Setiawan Husin, kumaha upami kieu" bulan nu manjing purnama..
Irman N Dimyatié
:"Hayang ngayas mikmin teh, beureum deui hejo deui... Kumaha atuh nya?"
Tiktik Rusyani
Neng Dewi Ratna Damayanti, pung...ah, sok diantosan.
Wawan Setiawan Husin
sip yi Tatang Sumarsono, 'bulan purnama' na tos katewak... nanging katingalina teh Tiktik hoyong ngalangkung-jentrekeun kaayaan bulan sareng realitas harita (kaping 17 an Arab/Lunar). Janten sanes istilahna "full moon", hoyong nandeskeun..., hayang ngayakinkeun pamaos,... bu.lan. nu keur sa.tengah. lain nu pinuh. Aya sabaraha kamungkinan teh Tiktik nyubstitusi, .... NGAN moal dikotretkeun... bae wee... sebagai latihan diksi.... kitu tah maksad abi Teh Tik!... pamit magrib dua keudeung nyah!
Tatang Sumarsono
Mun sakalian jeung konéng, Mang Irman, sugan wé jadi lampu setopan, heu-heuh .... (punten, uing néwo-néwo).
Rudi Riadi
kayaaaaas kacida mani asa dialungboyongkeun.
Rochaeni Neni Albanjari
mantappp...kerennn...
Tatang Sumarsono
Enya, Kang Wan. Bet jadi inget kana sajak Sitor, "Malam Lebaran" téa.
Irman N Dimyatié
:"Halah...! Asa kaideuan nyieun fikmin Lampu Setopan nu tilu warna tea, Ang?!"
Tatang Sumarsono
Jih, nya tiasa atuh. Lampu setopan patalina jeung cinta. Pan ceuk nu keur gandrung liwung mah, boa éta warna nu tilu téh katangenna jadi kayas kabéh (ngan barang dipariksa ka Cicendo, horeng buta warna, heu-heuh).
Irman N Dimyatié
:"Hahahahaha.... Jiga Ang Iwan Hanjuang pisan nu buta warna teh."
Irman N Dimyatié
:"Basa di Kawali, puguh mah Cikopi, eh nyebutna teh Bajigur cenah."
Usep Romli
Rumaos yunior dina perfikminian, moal koment ah. Komo ka nu kenging Tiktik ieu mah.
Iwan Hanjuang
Eta dendam wae nya anu saurang tah, teu apal kelir ge da sok dicagap akang mah atuh..
Usep Romli
Kaduana, rumaos ukur ngiring ngabungahkeun nu aranom, bari ngiring bungah ku umur nu kabujeng keneh nyaksian tandangna barudak.
Nana Sukmana
Kang H. Usep Romli: Ha ha ha ha..... Ha ha ha ha..... ha ha ha ha... (Teu liren-liren). Asa kagugu, saur urang Majalengka mah.
Tiktik Rusyani
Kang Irman N Dimyatie, da tina kelir hejo ge sok tiasa diajak ngayas, geura, janten hejo rasa kayas tea, sapertos kenging Ahmad Fawzy Imron.
Tiktik Rusyani
Teh Neni Geo Albanjari, nuhun Teteh.
Usep Romli
Yi Nana S. Ah..ah....ah (bade seuri badag, kabesekan)
Tiktik Rusyani
Kang Rudi Riadi, kayazz..abiizz nya Kang. kapan dieyong diayun ambing ku tresna mah, heuheu.
Tiktik Rusyani
Kang Iwan Hanjuang, Kang Irman N Dimyatie, sing gelut...sing gelut..,
Nana Sukmana
Sim uing gadug kereteg, Kang H. Usep Romli, hoyong aya acara "Ngabungbang di Limbangan" (Omat ka sing saha bae ieu sesebutan ulah dianggo. Meunang mikir yeuh!) Kaciptana teh nuju mabra Purnama. Urang ngawarangkong deui di sisi balong Kang Entjep Sunardhi. Diajar ngasah rasa dijejeran ku Kang Wawan Setiawan Husin sareng Teh Rinrin Candraresmi bari dipirig ku Ang Uyuh Yuharno Uyuh. Rengse ti dinya der ngabeluk atanapi mantun atanapi ngawayang. Salajengna mah tiasa bari mikmin. Nu nguseup oge kaci. Nu meuleum mangga. Bray balebat teras salah subuh berjamaah. Di dinya. Lajeng Akang mingpin doa..... wah, endah pisan, Kang!
Iwan Hanjuang
Jadi akang mah jeung Rohendi Pandeglang, pansiun nya..??
Zahra DW
ku kiat nyidem rasa dugi ka dua puluh opat warsa..
Diky Pamanahrasa
Asa janten emut kadiri,,,hadeh mantaaaap teteh,,,
Usep Romli
Sae pisan. Nu ti Kawali, Galuh, sina ngulon, Ngiring hadir. Idiom "Ngabungbang di Limbangan" urang patenkeun milik Nana Sukama (untung sanes "Caang Bulan di Limbangan", carpon akang nu dimuat dina kumpulan "Sapeuting di Cipawening"). Ke mulh ti NTB Kang Haji Entjep urang harewosan.
Tiktik Rusyani
Naha alim ngomen kana fikmin abdi,Kang haji Usep Romli?
Yadi Fathur
edass aceuk jempul pisan
Usep Romli
@Tiktik R.Ganjor teuing ku umur. Tos sesah ngadongkang alam dua puluh opat taun ka tukang. Harita Tiktik ABG keneh. Janten fikminna oge ukur tiasa kahotal ku rasa nu hese dirumuskeun dina basa kolot tokroh-tokroh kieu.
Tiktik Rusyani
Naha pangsiun Kang Iwan Hanjuang? Pangsiun timana?
Iwan Hanjuang
Apan acara di Limbangan saur Nana Sukmana, ngan dipirig Yuharno Uyuh, jadi akang mah jeung Rohendi Pandeglang, pansiun, lalajo we...
Nana Sukmana
Kang Iwan Hanjuang: Ha ha ha.... ngahaja sim uingah mancing-mancing emosi Ang Kumis. Tetela geuning ngagurinjal. Tinangtos salira bakal mijah sareng Ki Jaro Rohendi Pandeglang. Kacipta-kacipta!
Nana Sukmana
Kang H. Usep Romli : Apan ngahaja, Kang. Da tos terang "Caang Bulan di Limbangan" mah kagungan salira. Nu mawi uing mah nganggo "Ngabungbang di Limbangan". Sawengi jeprut, aeh, sawengi jeput.(Asa ka Kang Wawan Setiawan Husin he he he).
Tiktik Rusyani
Zahra DW, kapan aya nu langkung ti kitu, dugi ka dicandak maot, teu betus-betus, merana saumur-umur, hehe.
Tiktik Rusyani
Diky Pamanahrasa, gaduh pangalaman nusami sareng fikmin ieu? wilujeng atuh, bagja tea panginten.
Tiktik Rusyani
Yadi Fathur Berkata, hatur nuhun Kang Yadi.
Diky Pamanahrasa
Nyaeta abdi oge teh bade di kintun ka fikmin,,teras di edit di posting,, maklum ngdedit dina hape,, jol gorolong we ka kintun,, atuh ngabarabay keneh,,haduh janten isin ku sesepuh sadaya,,,
Godi Suwarna
:"Taaah, geuning, teu burung ngurunyung 'lumarna', Aceuk..! Diantos-antos..! Nu ieu mah hurungna teh semu kayas. Nyari pisan..!"
Yuharno Uyuh
ANg Iwan , naon anu di Limbangan teh..? naon maksadna pangsiiunn?
Tiktik Rusyani
Kang Diky Pamanahrasa, diedit deui weh dina web, engke tiasa diapungkeun deui edisi revisina.
Yuharno Uyuh
Ang Nana, sipp... Limbangan tea. Kade Ang Kumis bilih pundung..
Iwan Hanjuang
Yuharno Uyuh, aya tugas ti Nana Sukmana, nya ngacapi, ngarebab, ngendangan, ngagoongan ku ayi we sorangan borong..
Tiktik Rusyani
Kang Godi Suwarna, hatur nuhun Kang Prabu. halah nyaan nu ieu mah kenging merejelkeun teh, ilham teu embol-embol. Leres weh sakumaha kasauran Akang, tos beberes keuangan mah rada enyay-enyayan, nya fikmin ieu kasanggakeun, tawis nyaah ka Nyi Putri ti Astanagede.
Yuharno Uyuh
Heheheheheheh. Na, Ai teun tehh.., eum ah..
Iwan Hanjuang
Yuharno Uyuh, henteu ari dendam mah ka Nana Sukmana teh, ngan nyeri hate..... wakakak
Yuharno Uyuh
Heheheh, ehem.... Pastuna oge sareng Aang umis atuh, da mo rame nyorangan.
Nana Sukmana
Ang Yuharno Uyuh: Sumuhun, ku salira. Nyalira we. Sapertos di Astanagede. Keun Ang Iwan Hanjuang mah sina nongtyon bari muril-muril kumis. Upami ngambek urang karunclungkeun kana balong Kang Entjep Sunardhi. Ngarah fikminna heded! Ha ha ha...
Hena Sumarni
pelem teteh...............
Yuharno Uyuh
Ah, taeun teh, krunya bilih leres ngangen..,
Yanti Sri Budiarti
Kamajayaaa...! Kamajayaaa...! Saha nya..? Asa kantos nguping nu nyauran Kamajaya dugi ka muringkak.
Tiktik Rusyani
Kang Iwan Hanjuang, karunya eung, dirempug dua. Ku Kang Nana Sukmana, sareng Kang Yuharno Uyuh. Damai..damai.
Tiktik Rusyani
Hatur nuhun Neng Geulis Hena Sumarni Thea, nyanggakeun.
Tiktik Rusyani
Teh Yanti Sri Budiarti, saha tah? Kamajaya dewa asmara, tara milihan saha nu dipentangna.
Iwan Hanjuang
Geus kapalang belang borontok eukeur tik, moal damai ah, komo rek ngunclungkeun mah, jauh kana damai mah.
Dadah Hidayat
Ieu oge karaos pisan, tur kabayang lalampahan nu pikaresepeun arangkat ka Kawali, nuhun Teh Tiktik.
Tiktik Rusyani
Kang Iwan Hanjuang, nyingkir ah, hariwang pami tos murka.
Shohiba Nu'man
Aaw..! Ceu Ikeu.. Pedo elom ngayasna. Heded, Ih..
Tiktik Rusyani
Kang Dadah Hidayat, mangga nyanggakeun, hatur nuhun .
Iwan Hanjuang
Mangga atuh , akang bade nyingkir we, punten ka sadayana..
Iwan Hanjuang
Mangga atuh , akang bade nyingkir we, punten ka sadayana..
Tiktik Rusyani
Tuh kan Akang mah sok pundungan. Kang Iwan Hanjuang mah mending nyandak gitar, urang nyanyi Autumn Leaves deui.
Rifan Sahrony
Duh,..! Aceuk. Karaos pelem gurilem. Asa nyangreud dina angkeut diaosna oge.
Tiktik Rusyani
Cep Muhammad Shohiba Nu'man, ngayas Nyiar Lumar mah pan kedah hurung. Ngesang ieu ge, Cep.
Tiktik Rusyani
Kang Rifan Sahrony,hatur nuhun Kang Rifan, dugi ka nyangreud dina angkeut kitu bakat ku pelem.
Rudi Riadi
Mun Kang Nana Sukmana ngadamel acara "Ngabungbang di Limbangan" uing ge rek ngayakeun acara "Karérék di Rancaékék", saha nu bade ngiring? pasti moal aya...heuheu.
Iwan Hanjuang
Akang ngilu ah serius ieu mah, acara karerek di rancaekek mah...
Munggaran Alfatih Z
asiiiikkkkk kayasna mani amis kareueut
Tiktik Rusyani
mKang Iwan Hanjuang, mantap kitu eta ungkara " karerek di Ranca ekek".
Tiktik Rusyani
Neng Ipur Munggaran Alfatih Z, mangga nyanggakeun kanggo nu geulis..
Lies Tjandra Kantjana
Great !!!!!!
Tiktik Rusyani
Thank"s my beloved sister.
Teti Taryani
Tuuh... ari kenging namperkeun mah hasilna ngaburial sakieu edunna, Teh Tiktik! Kayas nu tembres. Asih nu ngalagena... Nyanggakeun jempol nu pangageungna ti Tasik, Etehku sayaang...!!!
Rin Riani
Aduhhh,.....
Tiktik Rusyani
Aceuk Teti Taryani, bingah disurahan ku salira. Kayas nu ngotretkeunana ge bari barusuh manah, saur Kang Prabu mah, hehe.Jempolna bade disimpen janten jimat. Hatur nuhun pisan.., sumping ka YPK nyaa...
Tiktik Rusyani
Teh Rin Riani, Aduh kunaon Teh Rin? Abdi ge nu ngadamelna aduh-aduhan bakat ku kabita, heuheu.
Rin Riani
Tah eta,... neng Tiktik Rusyani,.... kabita hoyong janten boga lakon na,...
Meila Handayani
keren lah si teteh mah hhihihih
Endah Dinda Jenura
sanes abi nu tigedebut di kamalir mah, tah Kang Nana... heuheu!
Nana Sukmana
Neng Endah Dinda Jenura : Hua ha ha ha.... muhun, sanes.Nu tigedebut dina kamalir mah urang Panawangan, Neng. Serab ningal Nyi Putri saurna.
Tiktik Rusyani
Neng Endah Dinda Jenura, muhun, insiden nu luput dari pandangan mata. Janten teu karaos sensasina, ningal nu tigujubar..
Tiktik Rusyani
Neng Meila Handayani, sok atuh geura mikmin, pasti keren oge , nyaan.
Meila Handayani
ke deui ah teh nuju baleuweng ide hihihii