Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Fikmin #Nu Tepang Di Astana#

Kénging Ricky Andriawan Mardjadinata
Dipidangkeun dina lapak 10 Juli 2012 08:30:36

:

Saprak mulang ti Cikawali,kuring jeung barudak hanjat mapay jalan satapak. Ditengah Astana, lebah pengkolan nu iuh jeung simpé, katingal ti katebihan aya hiji dedegan jangkung badag,kumis baplang leumpang lalaunan, maké iket nyoren kanéron. Ceuk pikir teh,"Na saha itu meni gagah ?boa ieu Prabu Siliwangi teh?ah..tapi da biasa make raksukan biasa,make kaos biasa ! Lain ah,lain Prabu Siliwangi ? " barudak tukangeun milu ting raringeu, beuki deukeut beuki awas,beuki jelas hareupeun nepika pa angsrog lebah tangkal mahoni. "Kang...!" kuring nanya bari rengkuh, anjeuna milu rengkuh bari gumujeng. "saha nya, da asa wawuh rupana mah ?tapi dimana ?" bari leumpang kuring teu weleh mikir. Sabuat nepi diwarung kuring panggih deui, di tilik ti kajauhan, "gening bareng Kang Perbu ? Pasti..pasti..ieu lain jelema samanéa ?yakin da ieu pasti jelema sakti, asak pangarti !" ti setatus ka setatus, ti poto ka poto, nu silih ganti ngaliwat dina 'beranda', kuring nyimpulkeun, ka panggih dedegan éta, "moal salah moal ayeunamah, mun hiji waktu panggih deui pasti bakal di tanya ku kuring !"

Komentar (16)

Ricky Andriawan Mardjadinata
: "Hatur Nuhun kanu tos misuka !"
Rg Indraswari
ayah GODI SUWARNA nuju nyamar kakang RICKY ANDRIAWAN M.......mmmm asik atuh pendak langsung.......
Ricky Andriawan Mardjadinata
Haturan ieu seratan téh kanggo Kang Iwan Hanjuang haha...
Aris
Uing ge kopdar mah karek di Kawali. Heded kumis nyah yaah....Heuheuy
Iwan Hanjuang
Haduh, akang meni nagpung teuh disebut prabu Siliwangi, untng we teu jeung Yi Tatang Sumarsono, meureun naha Prabu Siliwangi teh jeung .........Gajah Mada...... wakakakak...
Ricky Andriawan Mardjadinata
Hahahahahahha......!!!!
Irman N Dimyatié
:"Wakakakak... Gajahmada."
Tatang Sumarsono
Puguh uing mah hayang disebut siga Gajah Mada téh, da gagah. Jangkung, bangir, rada sipit, kulitna konéng. Kitu ceuk aslina mah, da gedé kamungkinan lain teureuh pituin Nusantara. Gambaran Gajah Mada salila ieu anu betekok jeung tangihgul, éta mah ceuk pamanggih Muh. Yamin. Ka dieunakeun kapanggih, horéng anu rurupaanana kitu mah jenis céngcéléngan di hiji wewengkon Jawa Tengah. Mun Ang Iwan Hanjuang nganggap Gajah Mada téh goréng patut, hartosna pengikut Muh. Yamin anu cita-citana hayang mupus kadaerahan, da kasengsrem ku Sumpah Palapa. Padahal Yamin téh urang Minang. Kari pilih waé, Aang rék ngamuhit ka Yamin anu anti étnis, atawa percaya ka uing anu pandangan pulitikna federalistik, ha-ha-hah .... Jeung barina gé Prabu Siliwangi jeung Gajah Mada mah teu sajaman, bénten dua abad leuwih.
Iwan Hanjuang
Geus teg, eupan pasti disantok, aya beja deui cenah Yi Tatang Sumarsono, cenah urang sunda keneh gajah mada teh..?
Tatang Sumarsono
Nya kana disantok, bisi kakaliruan Yamin terus dienyakeun ku urang Sunda, wabil husus para fikminer. Gajah Mada urang Sunda? Sakaterang mah datana sumir pisan. Mana komo mun dihubungkeun yén kungsi pakit pikir jeung Citraresmi mah. Tingali wé umurna. Saméméh Citraresmi lahir, Gajah Mada geus jadi patih Majapait. Apan ngamaha-patihan Hayam Wuruk mah nuluykeun hanca.
Godi Suwarna
:"Panuju, Ang Tatang...! Gajah Mada mah gagah kacida. Jangkung badag, da urang Gujarat turunan India. Mun di Tasik mah kulawadetna Chand Farwez. Hehe.."
Tatang Sumarsono
Siga Sakrukh Khan kitu, Ang Godi Suwarna?
Iwan Hanjuang
Uluh, meni apal Chand Farwez sagala...
Godi Suwarna
:"Siga si Azad urang Cihideung tea... heuheu..."
Iwan Hanjuang
Siga Yoan Baez boa teuing ketah.. hab ha ha ha
Iwan Hanjuang
Si Jamal meureun lo, anu muka warung korsi di parapatan dewi sartika..