Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Dyah Pitaloka

Kénging Irman N Dimyatie
Dipidangkeun dina lapak 09 Juli 2012 23:34:32

"Duh, tѐga temen anjeun, Gajahmada..!!! Yakin ayeuna mah, paingan ceuk bѐja. Anjeun lain patih linuhung. Horѐng anjeun tѐh jalma leutik burih nu ngan bisa meunang perang ku rѐka perdaya", Nyi Putri ngajerit maratan langit ngocѐak maratan jagat bari ngagugulung layon ibu-ramana.

Patrem dilugas, laju ditojoskeun kana angen. "Ieu aing Putri Galuh, hamo daѐk taluk. Tѐnjo ku anjeun jaga. Anak-incu anjeun bakal ancur. Leungit sakabѐh rundayan anjeun!" supata Nyi Putri dipirig dor-dar gelap di jomantara. Omongan Nyi Putri ngabelesat neumbrag dada Gajahmada. Kolѐang Ki Patih kabawa angin lilimbungan. Awakna digencѐt ku dua gunung, Sondara-Sondari nepi ka kiwari..!

Komentar (61)

Iwan Hanjuang
Duh rusuh teuing ngajempolan teh, komen mah nyusul we, bisi aya wew..antosan sakedap.
Irman N Dimyatié
Ang Iwan Hanjuang:"Asa puas hate ku mikmin ieu. Digencet tah ku dua gunung."
Irman N Dimyatié
:"Hatur nuhun ka Teh Ira Sulistina, Teh Cucu Unisah, Ang Iwan Hanjuang, sareng Neng Mega A. Noviandari nu parantos masihan jempol."
Yuharno Uyuh
GAJAH. gagabag ngajajah. Turunana oge kitu we resep leletak.
Irman N Dimyatié
:"Carita tina Nyiar Lumar, asa metet dina sirah... Halah ieung...! Uing geus teu kuat hayang ngunclungkeun. Kudu kuat nahan ieu mah. Kudu loba diropea heula...."
Tatang Sumarsono
Jih, asana ibuna Citraresmi mah teu angkat ka tatar wétan, Mang.
Irman N Dimyatié
Ang Tatang Sumarsono:"Dina pagelaran mah, ibuna ngiring cenah. Upami henteu ge, panginten selir raja nu digugulung ku anjeunna teh."
Tatang Sumarsono
Heu-heuh, Si Emang mah. Ibuna téh Dewi Laralisning, ngiring jajap sareng Anom Wastu, katut Mangkubumi Suradipati.
Irman N Dimyatié
:"Janten, saha wae tah harita nu angkat ka Bubat teh, Ang?"
Tatang Sumarsono
Jih, pun uing gé ukur cenah. Endén Putri, Sang Prabu, sareng para pangiring calon pangantén (saneés ahli perang). Ti Kawali, marapah ka basisir kalér (pantesna Cirebon ayeuna). Tarumpak kapal layar, dugi ka wewengkon Majapait. Lungsur sareng ngantos di tegalan nu nelah Bubat (ceuk sakaol, cenah Sidoarjo ayeuna--ku naon éta leutak, heueuh éta leutak bet teu eureun-eureun, nya?).
Yuharno Uyuh
Kabadi tayohna mah Ang..
Rohaendi
eta leutak malikeun gerih nu nyerep lain kuduna Ka Tatang Sumarsono doangna
Irman N Dimyatié
:"Halah...! Geuning kitu. Boa-boa leutak teh getih para karuhun urang nu rek ngalelepkeun sakabeh rundayan Gajahmada. Boa enya supata Nyi Putri bakal ngabukti."
Irman N Dimyatié
Ang Tatang Sumarsono:"Mungkin wae di antara para pangiring teh, aya salah sawios selir raja nu ku Nyi Putri tos dianggap indung. Janten, Nyi Putri nganggap indung, sanajan indung tere (keukeuhpeuteukeuh.com)."
Tatang Sumarsono
Duka atuh. Mung nu jelas, Hayam Wuruk kaleleban. Malah ceuk Mang Saleh mah, duka enya duka henteu, rasa hanjakalna gé kabina-bina. Ti harita, cenah, saban kapal Majapait balayar ka laut wewengkon Galuh, sok nurunkeun bandera satengah tihang. Naha Anom Wastu teu males pati? Bisa jadi sabada Bubat, Majapait terus ngarangrangan. Kadua, Anom Wastu teu ngémut-ngémut kana lalakon lara, margi aya udagan nu langkung tebih, nyaéta ngaraharjakeun rahayatna. Nya harita Sunda dihijikeun sareng Galuh, puseur dayeuhna di Kawali. Wastukancana (putrana Prabu Wangi alias Linggabuana nu gugur di Bubat) jadi raja badag ... enya badag tur gedé (éh, ageung) jasana. Anu mawi, saur Prof. Ayatrohaedi, nya anjeunna anu kagungan gelar Siliwangi téh.
Asep Komara
taaah...sabada sadayana perlaya di Bubat, kantos aya tarekah henteu ti pihak urang kanggo males pati atanapi balitungan? kapan balad perang di urang rempeg keneh...
Irman N Dimyatié
:"Mangga patarosan Gan Asep Komara bade ku saha diwalerna?"
Iwan Hanjuang
Ceuk akang oge, lamun fikminer datangna rada beurang keneh, bakal leuwih kagagas, indit ka Bubat ku kasolehan hate urang sunda, teu geuneuk maleukmeuk komo deui rek ngadon jogol begalan pati mah, euweuh niat tadina oge, kumaha we anu rek nyanghareupan kariaan, kacipta meureun jaman baheula, sabaraha bulan tepi ka Bubat teh, datang disampakeun hinaan, sanajan teu saimbang jeung teu siap ku pakarang, tapi harga diri dijejeleh nya der toh pati jiwa raga..
Yadi Fathur
naha jaman ayuena mah nu sok 'perang bubat' teh persib sareng persija nya?.. heuheuh... ngacapruk.com
Tatang Sumarsono
Geus dijawab ku uing, Ang Asep Komara. Urang balikan deui geura komén uing kana fikmin séjén. Kungsi aya tulisan dina Kompas, beunangna antropolog Jawa (asana doktor) anu nyebutkeun teu kabéh utusan nu milu ka Prabu Linggabuana tilar dunya. Aya sawatara urang anu nyawana masih kénéh katulungan. Nya ku Hayam Wuruk diangkir ka karaton, dibéré pangkat, tepi ka ngarundaykeun turunan. Uing rék percaya waé kana eusi éta tulisan, saméméh aya informasi séjén anu leuwih kuat.
Asep Komara
janten aya balad urang nu beunang ku panyombo nya? Beu, giri lungsi lan paingan...teu sangka.
Tatang Sumarsono
Jigana lain beunang ku panyombo pibasaeunana téh, sabab ceuk cenah, ari Hayam Wuruk mah teu boga niat goréng. Jadi wajar waé mun karumasana ngajurung hayang mikanyaah urang Galuh anu teu perlaya. Jeung ku urang Sunda sorangan ogé, ceuk béja, Hayam Wuruk mah teu diposisikeun lawan. Sabada apal kana peristiwa Bubat, Hayam Wuruk ngutus pasukan husus Majapait pikeun nangkep Gajahmada. Ngan éta mahapatih téh kabur, teu kasusud di mana ayana. Tepi ka poé ieu gé asa tacan ngadéngé di mana kuburanana.
Iwan Hanjuang
Tatang Sumarsono, loyog pisan jeung panganteur bubuka ku nu mancen di Astana Gede. Wastukancana pisan anu meper urang sunda ulah papanjangan jeung ngajorag ka Bubat, leuwih mentingkeun kasahjtraaan rahayatna batan males kanyeri, da pasti aya itung-itungan untung rugina, batan ngajorag deui ka jauhna mah.
Rohaendi
kula geh satuju kana eta kamandang, sabab kajadianna bisa gamblang jasa kabade ku Prabu Hayam Wuruk, mun lain ku laporan nu hirup deuk saha geura. Ja pangawal Raja Mah taya nu ilu ka Bubat samemeh perang mah. Nu perang pan ti Ka[patihan Gajah Mada. matak mungkin wae aya nu salamet, atanapi paling henteu aya urang dina nya nu hewaeun ka Gajah Mada. da Ning Gajah Mada teh teu kabeh raresepeun uranhg dinya na geh. cenah
Tatang Sumarsono
Jih, apan anu nerangkeun di Astana Gedé téh nya ka saha atuh guguruna? Apan ka Ang Iwan, heu-heuh ....
Herdi Pamungkas
jih, digencet sonara-sonari, manawi teh ditembak ku panah gua wijaya...
Iwan Hanjuang
Wew ah...
Tatang Sumarsono
Ka Rohendi Pandeglang, boa karuhun uing nu baheula jadi pasukan husus Majapait nu dibéré tugas nangkep Gajahmada téh (ngaharéwos: apan karuhun uing téh Jawa, ti pihak indung mah), he-heh ....
Iwan Hanjuang
Rohendi Pandeglang, jeung enyana Yi, apan anu dibawa ka Kawali teh lebuna dikurebkeun di Astana Gede, nya pasti we urang sunda jeung pasti loba anu mulangna oge, da lamun urang jawa anu nganteurkeunana mah, bakal dicacag di-walang-walang..
Rohaendi
hahaha boa enya kitu, atanapi paling henteu, pasukan nu ngalanteurkeun layon rombongan Prabu Wangi
Asep Komara
Tiasa janten kitu oge.Tapi politik urang Majapait saha nu terang. Kawentar ti jaman Rakuti keneh.Narpati sakaliber Hayam Wuruk tangtos gaduh ijiran nu teu bolostrong. Perang abar tiasa janten aya. Teu der wae? Kapan balad urangna ngadon bumen-bumen di ditu. Telik sandi tiasa janten langkung kaharti.
Irawan
Naros : Asa-asa nguping dina pedaran sajarah kawali kamari di Nyiar Lumar, duka pami pun uing nu lepat kukupingan " Siliwangi teh salah sawios turunan Eyang Wastukancana?"
Tatang Sumarsono
Nya atuh kari der, Ang. Ngan uing mah moal miluan. Rék mimkin we, heu-heuh.
Irman N Dimyatié
Ang Tatang Sumarsono:"Saleresna Gajahmada teh sanes kabur saba'da Bubat. Manehna kapangpengkeun ku angin nu datang teu pupuguh ti palebah layon Dyah Pitaloka nu nyupata dirina. Awakna ngacleng kahiji tempat di jauhna, terus murag di hiji tempat, kersaning Hyang Jagat Betara aya dua gunung nu ngaranna Gunung Sondara-Sondari laju ngagencet Gajahmada nepi ka kiwari. Puguh we pasukan khusus Majapahit moal bisa newak manehna, da geus kapiheulaan ku gunung. Naha, asa jiga carita Rahwana nya? Heueuh,anggap we yen Gajahmada teh Rahwana...! Matakna, nepi ka ayeuna, teu kacatur dimana kuburanana jeung dimana kulawargana. Kabeh jadi misteri. Eta balukar supata Nyi Putri. Tukang Sajarah teu bisaeun nyatet eta kajadian sabab masih keneh kaparaehan."
Irman N Dimyatié
Yi Asep Komara:"Nu jahat mah Si Rahwana... eh Gajahmada. Beda jeung Hayam Lisung... eh Hayam Wuruk. Hayam Wuruk apal saha dirina, sadar yen manehna salah sahiji turunan Raja Sunda. Manehna boga niat suci hayang ngaraketkeun deui duduluran. Hanjakalna, politik patihna teu bisa dibendung, teu kaponcongok. Aya sababaraha alesan matak kitu ge; Kahiji, Hayam Wuruk dianggap masih keneh hejo pangalamanana dina widang pulitik jeung pamarentahan. Kukituna, roda pamarentahan dicepeng ku Ki Patih. Kadua, nya di zaman harita geus mahabu hiji panyakit nu disebut ARS (Asal Raja Senang), sagala laporan aralus. Katilu, wilayah gede teuing, hese rek ngaroris nagara teh. Harita pan can aya telepon, can aya radio jeung TV. Malah, Hayam Wuruk salaku raja wae teu boga hape-hape acan. Komo blackberry (BB) mah. Jadi, Hayam Wuruk ngarasa tugenah jeung teu narima sagala kalakuan Ki Patih. Minangka 'panyombo' atawa nembongkeun niat hadena, nya manehna ngarawat sababaraha urang Galuh nu masih keneh hirup. Ti maranehna, carita ieu nepi ka urang."
Godi Suwarna
:"Dina sajarah Enonesa mah lalakon Bubat teh panghebohna we sugan mah. Aya nu nyebut yen eta kajadian teh sabenerna mah ngan sakadar karangan walanda sangkan Sunda-Jawa parasea. Aya oge nu nyebut yen Gajah Mada teh sabenerna mah sodagar urang Gujarat nu agamana Islam. Inyana boga misi ngancurkeun karajaan-karajaan hindu di Nusantara. Malah apan dina novel Kang Aan Merdeka Permana mah Gajah Mada teh beubeureuhna Citraresmi. heuheu..! Ka teuing atuh, da uingah (asana) teu hirup dina eta jaman. Jadi, teu nyaho bule hideungna, tapi resep ngabandungan nu padungdeng ku tafsir sewang-sewangan..."
Irman N Dimyatié
Ang Iwan Hanjuang:"Kunaon Eyang Wastukancana teu males pati? Aya sababaraha alesan, ieu versi uing saba'da ziarah kadinya. Kahiji, kapentingan nagara leuwih utama batan kapentingan kulawarga. Mun ngayakeun perang, butuh waragad nu kacida gedena. Dina bisana ge males pati, moal bisa ngahirupkeun deui nu geus maraot. Kadua, Eyang Wastukancana lain jalma samanea, anjeunna narima wangsit yen sabenerna Majapahit mah teu salah, nu salah mah Si Gajahmada, nu harita geus jadi buronan di nagarana sorangan (malah anjeunna mah apaleun pisan dimana si patih eta dikurung ku dua gunung). Katiluna, laporan ti para Telik Sandi nu bisa dipercaya, singhoreng Hayam Wuruk geus nyalametkeun warga Galuh nu masih keneh harirup. Malah, lebu layon Sang Raja sareng Nyi Putri dianteurkeun ka Galuh, eta geus nembongkeun niat hade. Kaopatna, urang dieu teu miboga sifat dendam..! karuhun urang boga hate nu jembar. Eta nu kudu dipulungan teh."
Cep Simi
Kang Irawan: leres pisan. Prabu Niskala Wastukancana gaduh putera diantawisna Prabu Susuk Tunggal anu janten raja di Sunda, sareng Prabu Dewa Niskala anu janten raja di Galuh. Prabu Dewa Niskala gaduh putera Rakean Jayadewata (Sri Baduga) anu nikah sareng puterina Prabu Susuk Tunggal (nikah ka puteri uwa). Janten, Rakean Jayadewata kenging warisan karajaan ti ramana sareng ti mertuana.
Cep Simi
Ang Irman: kabayang pami urang hirup jaman harita. Sabada Prabu Linggabuana seda ing bubat, tangtos karajaan Galuh teh inggeung. Sementawis putera mahkota alit keneh, teu acan tiasa diandelkeun. Kawijaksanaan sang Bunisora, langkung peryogi ngabeberes heula di lebet batan mayunan masalah ti luar. Sajabi ti kitu, pantes upami anjeuna ngaraos dilematis. Dihenteu-henteu oge Majapahit teh saderek keneh. Patarosan sim uing dina hate, naha harita aya utusan ti Majapahit anu nyungkeun hapunten ka Galuh atanapi henteu? Rupina mah aya.
Irman N Dimyatié
Ang Godi Suwarna:"Sim uing manggihan salah sahiji link nu nyaritakeun soal Majapahit, duka timana sumberna. Di dieu dijelaskeun saha Gajahmada teh. Asa cangcaya uingah kana ieu link. http://bumiayuhadiningrat.blogspot.com/2011/11/kerajaan-majapahit-ternyata-kerajaan.html
Cep Simi
Ang Irman: cangcaya kana linkna atanapi kana eusina?
Irman N Dimyatié
:"Cangcaya kana eusina. Di kampus uing, eusi ieu link sempet jadi polemik. Loba kamandang nu pasalia. Uing boga kacuriga, yen eusi ieu link salah sahiji tarekah sangkan Urang Sunda (turunan Galuh) nu ayeuna ngaragem Islam henteu dendam."
Cep Simi
Ang Irman ngawulang di kampus mana? Tangtos kana ikhtilafna, margi toja'iyah pisan sareng tulisan sajarah anu tos aya sateuacana.
Budi Mugia Raspati
Dina perkawis ieu, sabada palagan bubat ulah dihihilapkeun, nu ageung jasana kana nanjeur kenehna karajaan Galuh nyaeta Sang Adipati Bunisora, raina pisan Prabu Linggabuana, emangna Citraresmi sareng Wastu Kancana..
Cep Simi
Ang Budi: upami percanten, apanan sim uing salasawios turunan sang Bunisora teh. Mangga bade marasihan naon? *hehe..*
Irman N Dimyatié
Cep Simi:"Uing di kampus UIN Bandung. Rame harita ngeunaan eusi tulisan link di luhur."
Jejen Jaelani Wargadipura
Sae Kang, diadumaniskeun sareng carios Rahwana mah....eh na leres kitu nasib Gajah Mada teh sami sareng Rahwana digencet gunung sakembaran Sondara-Sondari?
Irman N Dimyatié
Ang Budi Mugia Raspati:"Jasa Sang Adipati Bunisora moal kapupus ku waktu moal kalindih ku informasi negatif. Tetep bakal kacatet ku tinta emas sapanjang zaman."
Cep Simi
Ang Irman: ari abdi mah basa nyanggah eta tulisan teh (dina pesbuk) teu aya nu mairan.
Irman N Dimyatié
Ang Jejen Jaelani War:"Dina babad eta, uing ngahaja ngaadumaniskeun jeung carita Rama-Sinta. Hayam Wuruk minangka Sri Rama, Citraresmi (Dyah Pitaloka) minangka Dewi Shinta, jeung Gajahmada minangka Rahwana. Pas pisan..!"
Irman N Dimyatié
Cep Simi:"Pantes we da fren-na lolobana abegeh nu lain urang Sunda jeung nu teu resepeun kana sajaroh hahahaha..."
Irman N Dimyatié
:"Haturan wilujeng wayah kieu, Abu Ainun."
Cep Simi
Ang Irman: kesel ka nu ngopi pastena we abdi mah, teu tanggel waler. Eh, punten abdi bade macul heula.
Irman N Dimyatié
:"Sok geura macul heula. Bisi kaburu saat caina..."
Asep Komara
Pa Irman : ...sae oge tah tesisna. Aya deui, dupi putri teh nelasan maneh atanapi ngiring campuh dugi ka aya nu nelasan?
Akoer Lah
Beu! Kutan kitu tatéh? heuheu.....
Irman N Dimyatié
Yi Asep Komara:"Uing boga dugaan nu kuat, ieu numutkeun insting liar sorangan, sabenerna Nyi Putri nelasan sorangan teh demi harga diri jeung kaumna. Si Rahwana Majapahit harita rek ngalakukeun kalakuan nu teu uni, anjeunna leuwih milih mapag pati batan kudu awakna digeugeuleuh ku jalma miyuni ucing. Nyi Putri ngiring campuh, sok sanajan lain ahli perang. Ari dina kaayaan kapaksa mah, nanaon ge ngalawan heula memeh paeh. Aya paribasa, sireum ge ari dijejek-jek teuing mah... nya paeh..! Ngan, memeh paeh sabisa-bisa ngegel heula. Kitu, kaayaan Nyi Putri harita. Maot dina kaayaan terhormat."
Irman N Dimyatié
Ang Akoer Lah:"Beu...! Karek nolol si sarkang."
Rudi Riadi
Ngarenjag tungtungna....!
Irman N Dimyatié
:"Ki Patih sanasib jeung Rahwana, Ang Rudi Riadi."
Dennykurniadi Kurniadi
Sae pisan