Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Gp Kawali-panumbangan

Kénging Taufik Hidayat
Dipidangkeun dina lapak 09 Juli 2012 23:18:55

Balik ti Astana Gede méméh subuh. kagok wanci sabenerna mah, komo balik sorangan kana motor. Palalaur aya nu ngabégal palebah leuweung Sandingtaman. Tapi lahaola wé, maenya kana motor butut bégal beukieun. Anjog ka palebah wewengkon nu dipikasieun, hate teu bisa dibohongan. Tagiwur. Komo basa kadéngé ujug-ujug aya sora sababaraha motor nyemprung ditukangeun. Kuring beuki soak, gas dipulintir satarikna. Nu ngudag asa beuki deukeut, satékah polah kuring ngetrukeun élmu balap jaman keur rumaja. Harepan manggih tempat nu caang. Teu kungsi lila katingali cahaya tingbarasat, rada reugreug, tapi angger kuring gas pul. Bener wé dihareup geus loba jalma sisi jalan kawas di pasar. Malah aya nu ngacungkeun bandéra sagala. Kuring eureun, rék ménta tulung maksud mah. Torojol aya nu nyampeurkeun, mawa kuring ka hiji podium. Nyampak aya Lorenzo jeung Stoner keur narangtung. Kuring bingung. Jajaka gandang mawa alungan kembang nyampeurkeun. Kuring dongko. Manehna ngaharéwos, "kunaon kakara jarah ayeuna ka tempat kuring keur leutik?" Kuring malik nanya lalaunan, "Saha anjeun?"
"Pamanahrasa!"

Komentar (13)

Nana Sukmana
Sugan teh moal ka dinya leokna, Ang Opik. Sip, ah!
Irawan
Jiahahahahahaha....sabaraha rpm tah! kuceeeeek ngaleokna kainya
Taufik Hidayat
Hatur nuhun para jempolers.. Pa Nana... Hatur nuhun, nuju nyobian jurus tilep beubeut ieu téh. Abah Irawan babeh lova.. Heuheu,, kecepatana 50km/batang 234
Irman N Dimyatié
:"Hahahaha... hade ngaleokna."
Godi Suwarna
:"Whahahaha...! Mantap, Ang..! Bada seuri, uing ngahuleng. Pamanahrasa? Bet tuluy muriding..."
Entjep Sunardhi
Ulin tepak tilu golempangan. Aya ku matak reuwas mimitina.
Taufik Hidayat
Pa Irman.. Apanan ieu jurus pamasihan salira waktos tingcikikik sareng ABG SMA. Heuheu.. Kang Perbu Godi Suwarna..mugia bahan katampi. Hapuntena teu pamitan da pun bojo tiris kasubuhnakeun saurna téh. Hehehe Pa Entjep Sunardhi.. Bingah tan wangenan harita tiasa patepang.
Maman Gantra
Sim kuring teu apal, saha inohong nu disebat-sebat dina ieu fikmin teh. Tapi, maosna matak pogot -- bari ngajedug sareng nyerenegh di pengkerna. Tegep, Kang!
Taufik Hidayat
Kang Maman Gantra... Sapondok nu kuring terang mah, Pamanahrasa téh nénéhna Jayadewata waktos nuju alit dugika rumaja.
Tanti Damayanti
hehehe ... kutan tepang sareng pamanah rasa..
Taufik Hidayat
Téh Tanti.. Euuuh pami kantos tepang dijamin kabungbulengan we.
Tanti Damayanti
pasti atuh namina ge pamanah rasa...
Maman Gantra
Kutan kitu, Kang? Nuhun pisan, ah! (Salami ngiring ieu lapak, maos nami Kang Liman Sanjaya, Aki Pamanah Rasa, oge sawatara nami nu hawar-hawar sok disebat dina sajaroh, ukur tiasa ngawawaas. Ngararampa. Hehehe...)