Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Gurat

Kénging Subhan Munawar Bin Alwy
Dipidangkeun dina lapak 09 Juli 2012 16:50:46

Masih ngajugrug kertas hape-es luhureun meja bungkusna geus heubeul dibuka ngan kakara kacokot sabaraha lambar keur dipake ngotret hutang nyokot roko, roti jeung kopi salila sabulan ti warung hareupeun masigit. Sapeupeuting mikir geningan hese ngaguratkeun paltot kana kertas supaya ngajadi hiji carita nu ngeunah dibaca jeung matak panasaran nu hayang maca. Kakara sagurat tulisan kerewekkeun, riksekkeun, lung ka juru kamar, kitu meunang tilu balen mah. Kawas nu owah ngomong sorangan jiga tuluy ngawirid, fikmin, fikmin, fikmin, fikmin, fik, min, fik, min, fik, min, fik, minfik, minfik, minfik, heup eureun. Tuluy ngahuleng, kaluarkeun deui kertas guratkeun deui paltot, nyieun hurup alip, lam, mim, nun, alip, pa jeung kop. Ieu gening carita gurat hirup na diri nu kudu dirikeskeun dipiceun ka juru kamar.

Komentar (5)

Asep Komara
boa kedah ditambihan deui ku gurat wau sareng nun, Ang...hehe...sae pisan fikminna, nuwuhkeun kasadaran. Sip.
Maman Gantra
Rada ngahuleng oge satengahing maos teh, Kang. Nanging tegep saking... Matak pogot, oge asa ngawirahma. Wilujeng! (Upami teu lepat, di Cirebon aya panyajak nu namina memper-memper sareng nami salira. Atanapi salira pisan ieu teh?)
Subhan Munawar Bin Alwy
Haturnuhun kanu parantos masihan jempolna. Ang Asep Komara, rupina ditambihan wau sareng nun mah janten nyeueuran héhé. Ang Maman Gantra, hatur nuhun ang, numawi nembé ngiringan tulas-tulis ieu téh. Héhé sanés Ang, éta mah Ang Subbahnuddin Alwy nu ti Cirebon mah. Abdi mah asli Bandung.
Dadi Arya
Alif-Lam-Mim-Nun-Alif-Faa-Qof= al Munaafiq. Wadduuuh! Boa ti saumur inget, pun uing geus kitu laku. Ampuuun, Gusti!
Subhan Munawar Bin Alwy
Ang Dadi Arya, rupina urang sadayana kedah seueur ngadu'a mugia ditebihkeun tinaa sipat munapek...