Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Citangis Putri Di Astana Gedé

Kénging Rudi Riadi
Dipidangkeun dina lapak 08 Juli 2012 15:26:20

Rombongan beuki jauh ninggalkeun manéhna nu can cengkat tina sila. Ti keur pintonan gé haténa geus tagiwur ku sora inghak nu diuk di sisi panggung, deukeut kuburan nu tetenggerna di bungkus lawon bodas. Beuki jauh rombongan, beuki tingkaretip seuneu oborna. Haseupna milu ngaleungit, ukur cahya laser barudak nu tingbelesur niruk langit. Tapi tangis Putri beuki atra, malah jadi semu ngabangingik. Manéhna nyampeurkeun, laju dongko. Ngusap damis Putri nu lemes. Baseuh.
“Hapunten, Putri!” Manéhna dirungrum dosa. Pédah teu titén kana inghak Putri, da pabaur ku raména pintonan. Ipis lambey Putri némbongkeun sikep ngemu kakeuheul. Manéhna bingung.
“Palay naon atuh Putri téh?” tanyana. Putri nunjuk ka nu tingbelesur ngagurat beureum di langit Kawali.
“Euh, boga budak awéwé téh…kahayangna kawas jalu baé," gerentesna, bari nungtun budakna kaluar lawang Astana Gedé, néangan tukang dagang laser.

Komentar (71)

Iwan Hanjuang
Brade laser yeuhhhhhh...wew ah..
Irman N Dimyatié
:"Hahaha... eta putri nu mana?"
Iwan Hanjuang
Sedih..
Iwan Hanjuang
wew ah.
Yuharno Uyuh
Enya, naha lumar ngabarasat beureum..? campelak tah budak teh, nyorot mata matak lamur/
Rudi Riadi
Kang Iwan "Wew" Hanjuang : laserna...laser..laserna....
Rudi Riadi
Kang Irman N Dimyatie : Putri yang tertukar kawasna mah...haha.
Rudi Riadi
Kang Yuharno Uyuh: dasar budak atuh...
Basyar Isya
Fikmin #Nyi Putri# Kolembar, aya nu ngolembar ti jero kulambu pependeman lebu Nyi Putri, laju kaluar. Antare. Teu mangkuk lila teuteup Nyi Putri anteng ka budak nu keur nyegruk ceurik, laju pindah ka hiji lalaki nu keur sila gigireun Kang Godi. Diiket, disweater beureum, panonna husu naker nongton nu manggung mikmin. Bari ngarepehkeun budakna nu keur nyegruk hayang lalaseran, Jang Rudi aya ku sempet nalek ka Nyi Putri. "Naha Nyai neuteup wae ka eta lalaki?" cenah. "Abdi bogoh ka anjeunna. Saha eta pameget teh namina?" walon Nyi Putri. "Atuh eta mah Kang Isya. Naha Nyai bet bogoh ka nu kitu? Pan abdi ge langkung kasep?" ceuk Jang Rudi. "Ah, bogoh we abdi mah. Bonganna eta pameget teh aya ku kasep. Meni jiga Afgan," walon Nyi Putri bari heuay. Nu di panggung angger tihothat nembongkeun jurus-jurus maca fikminna sewang-sewangan.***
Godi Suwarna
:"Hahaha...! Aingaaaaah...! Geus katipuuu deui baeeee....!"
Irawan
Laser nu mérekna asam urat,Kang Rudi?......jiahaahahaha Kang Basyar lepat kamer tah! Betahkeun uuuuy!
Irman N Dimyatié
:"Kusabab, Ang Rudi Riadi katelah tukang tipu. Uing geus jaga-jaga, macana ti handap heula hahahaha... Kaci teu?"
Cep Simi
Kang Rudi - Sayang - Puteri
Rudi Riadi
kang Basyar Isya : wahaha...dicarekan geura ku Kang Is Tuning...tuturut munding, mikmin dina komeng.
Rudi Riadi
Kang Godi Suwarna: fikmin jangan hirowkan ieu mah, Kang. Warning!...ulah diturutan ku sakumna fikminer. Margi sim uing teh bingung, sadaya nu angkat ka Kawali ngadaramel fikmin ngeunaan Nyiar Lumar. Ngadamel nu sarius mah sesah kacida.
Hena Sumarni
putri laserawati boa, kang..................
Is Tuning
Heded, wèw ..
Dewi Ratna Damayanti
Hahahaha... Asa uing eta budak teh nya
Rudi Riadi
Babéh Lova : haduh,..uing kabita ningali Babeh nuang bala-bala dugi ka sabaskom. Keur asam urat kieu mah sagala teu asup, iwal kopi.
Rudi Riadi
Cep Simi : haha...Kawali romantis abis.
Rudi Riadi
Ambu Hena Sumarni Thea: tah, Ambu teh diantos pisan kamari di Kawali teh, pasti bakal nambihan fikminer anu...gareulis.
Rochaeni Neni Albanjari
heuheuheu...panyana teh...
Rudi Riadi
Kang Is Tuning: pedo elom.
Hena Sumarni
deuh, bati kabita weh, akang. pun anak pan ka SMA, persiapan MOS-na ti minggon kamari, paciweuh.com...........
Irawan
Sabaskom teh adonana! Da nuangna mah sabaki-sabaki!heuheuy deuch nikmaaaat pedo tuda Kang
Irman N Dimyatié
:"Tah, di dieu kuduna komen teh hahaha... Halah... bari tunduh keneh yeuh..!"
Rudi Riadi
Teh Neni Geo Albanjari : panyana teh putri yang ditukar....heuheu.
Rudi Riadi
Ambu Hena Sumarni Thea: Beu, naha murangkalih nu MOS-na ambuna nu nu sibuk...heuheu.
Hena Sumarni
ha ha ha, ibu yang baik atuuuuuuuuuuh............
Irman N Dimyatié
:"Eta nu dagang Laser meni pikasebeleun nya. Ngabibita bolon..."
Mustika Kurniarasa Haroeni
hahaha,, katipeng ahh..
Rudi Riadi
Teh Dewi Ratna Damayanti: Punten kalangkung, sakitu jangkung ageungna bet kalangkung nya. Moal mungkin Teh Maya, da teu jiga putri,...hehe.
Rudi Riadi
Babéh Lova : haha...
Rudi Riadi
Kang Irman N Dimyatie: ceuk tukang laser teh, 'Eta fikminer mani paredit teu mareuli laser!" haha.
Rudi Riadi
Teh Mustika Kurniarasa Haroeni: sim uing nu katipeng mah, sugan teh sanes rakana kang Is tuning..heuheu.
EMAN BUDIMAN
Hahaha... abong budak
Rohaendi
aya oge nu dagang laser ka dinya?
Budi Mugia Raspati
Tewak! Tewak! Tukang tipu! Horeng kalah nyidik2 tukang laser..
Rudi Riadi
Kang 'Eboed' Eman Budiman: ceuk budak teh: "Abong kolot, curak carek wae ka budak!" hehe.
Rudi Riadi
Kang Rohendi Pandeglang: kumplit, jiga PRJ we pokona mah.....
Yadi Fathur
hahah.... ngadon ngabandungan budak nu hoyong laser we nya, tebih-tebih nyiar lumar ka astana gede teh, si Aang eta mah..
Rudi Riadi
Kang Budi Mugia Raspati: bingung tuda, admin meredih ka nu nyiar lumar kedah ngadaramel fikmin ngeunaan nyiar lumar, sim uing teu tiasa nu daria, kaleresan kenal sareng tukang laser, ah, eta we...heuheu.
Rudi Riadi
Kang Yadi Fathur Bersemi eh, Berkata: bari ngararaoskeun asam urat deuih eta teh, Kang...heuheu.
Hadi Aks
Hahaha....fikmin lumaran nu benten deui! Pun aka ge nyaan katipu. Lantip pisan tuda, sugan teh lain ceurik hayang suinar laser! Moal aya nu boga nu kieu mah. Khas rasa Rancaekek! Hahaha....
Rudi Riadi
Kang Hadi@ fikmin sisi lain nyiar lumar ieu mah Kang...hehe.
Endah Dinda Jenura
emh, geuning can euih-euih, hihihi!
Tanti Damayanti
sayang anak-sayang anak , siiip kang Rudi Riadi
Rudi Riadi
Endah Dina@ Nyumponan sarat apanan, kedah mikmin satutas nyiar lumar.
Rudi Riadi
Teh Tanti@ hatur nuhun, fikmin kategori makruh ieu mah. Penipuan. haha.
Endah Dinda Jenura
abi mah teu wasa mikminkeun Nyiar Lumar, hiks...
Iwan Hanjuang
Moal da beurateun ku Opak..
Endah Dinda Jenura
eta keukeuh opak, wkwkwkwk!
Wawan Setiawan Husin
RR khas, sagala bisa jadi seuri, ieu oge daria, teu gampang nyiptakeun HUMOR cerdas teh. DARIA teh jigana lain kerung, lain andalemi, lain jerooooo wae, lain tegang en macho wae. Daria teh jigana pinuh tanggung jawab, ngamaksimalkeun diri ku pakarang/ pakakas nu aya - hurup, suku kecap, kecap, frase, kalimah, aturan nulis fikmin, aturan ngetik jeung tatabasa, bari diolesan ku kreativitas, bari dilalawuhan ku maca sumber sejen kaasup fikmin2 batur... . Uingah malah ngabayangkeun budak teh geus gede jiga Neng Maya, tataekan, ulin langlayangan, komo laser mah: hobby inyana! Pol Ang RR!
Rudi Riadi
Endah Dinda : Naha bet teu wasa? inggis dikomen model komen dina Akar, nya? haha...
Rudi Riadi
Kang Iwan Hanjuang: ada apa dengan opak?
Rudi Riadi
Kang Resi Wawan Setiawan Husin : Duh, isin yeuh dikomen ku Kang Resi. Naha aya kecap saluhureun nuhun? Upami aya eta nu bade dianggo ku abdi kanggo komen Kang Resi.
Deri Hudaya
hahahahahahaha.... Romantis. Cita-citana ge mani hoyong janten laser, kayungyun.
Rudi Riadi
Deri Hudaya : hehe...nuhun, Kang, penipuan romantis rupina mah...
Yuharno Uyuh
He,he, biasana nu nipu mah, sok nembongkeun mamanis minangka euradna.
Rudi Riadi
Kang Yuharno Uyuh : apan sapertos sulap, apal rek ditipu, angger we dilalajoanan...haha.
Yuharno Uyuh
Enya, tapi kayungyun ku jurus tipuna.
Rudi Riadi
Kang Yuharno Uyuh : abdi mah kabita ku ngarebabna...heuheu teu nyambung...wew.
Yuharno Uyuh
Ku rebabna, kanu ngarebabna? Rebabanana? atawa..
Rudi Riadi
Ku rebab sareng sora rebabna...matak ngageuri, Kang Uyuh...
Yuharno Uyuh
Ari ka poto modelna mah henteu nyah..? nunjung turus ting.., he,heh
Godi Suwarna
:"Pokona, bentang Nyiar Lumar ayeuna mah taya sanes iwal ti Ang Uyuh. Mung eta anjeunna bet awon nasib. Dikarantunkeun ku rerencangan sa-beus-na. Angkaribung. Talag-tolog. Dugi ka sasab ka Majapait. Deudeuh teuing...! Hampura uing, Ang...!"
Rudi Riadi
Leres pisan Kang Godi Suwarna, Kang Yuharno Uyuh bentang nu nyengceling ti bentang-bentang sanesna.
Irawan
Sapuuuuuk, ngahaturkeun rebu nuhun laksaketik kabingahan Kang Kang Yuharno Uyuh..........
Rudi Riadi
Tah, Babéh Lova oge bentang.
Irawan
Bèntang bala-bala ....heuheueheu
Yuharno Uyuh
Hehe,Haduhhh, Ang Prabu mah, aya-aya wae.. uing jadi ngapung yeuh.. Nuhun Maha Guru.., ditampi ku asta kalih kiwa loro lan tengen, disimpen pundehing mastaka. hehe