Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Nyiar Lumar

Kénging Irman N Dimyatie
Dipidangkeun dina lapak 08 Juli 2012 13:46:07

Nu maca fikmin tampil dina panggung saurang-saurang, kabéh mintonkeun kamonésan masing-masing, harédéd. "Yaa ayyuhal fikminin wal-fikminat...! Ieu wanci nu mustari pikeun miéling kana tapak lacak para karuhun urang di dieu. Astana Gedé jadi saksi sajarah yén karuhun urang lain jalma samanéa. Regepkeun ku anjeun saréréa, rasakeun, déngékeun, tingalikeun, jeung laksanakeun kahayang para karuhun", ceuk angin handaruan naker.

Langit baranang ku béntang, obor dipasang di sababaraha tempat, caang sabudeureun situs. Upluk-aplak astana nu ngampar pada ngadeugdeug, ngarumpul, ngagimbung ti tiap lapak ka lapak. Maroyég dina wirahma rasa nu ditungtun uga. "Aya lumar dina haté anjeun, gancang téwak!" hiji sora ngaharéwos kana ceuli. Rey bulu punduk carengkat, geuning kitu lumar téh, alhamdulillah..!

Komentar (33)

Nasrul Jatnika
memang, ngalumar siga ngalemar..kedah diraraoskeun.
Irman N Dimyatié
:"Sagala rupa pagawean kedah dirarasakeun. Contona, coba lamun urang shalat, terus henteu dirarasakeun yen urang keur shalat, naha eta kasebut khusyu?"
Irman N Dimyatié
:"Hatur nuhun ka nu parantos ngajempolan."
Mohammad Ridwan Trijana
Leres ang Irman N Dimyatie. Kedah aya tapakna, panginten nya? Dina tekad, ucap+lampah. Duh, abot, pangersa, mudah2n we ...! Nuhun tah, oleh2na?
Jejen Jaelani Wargadipura
baranyayna lumar ngan sajorelatan, alatan urang sunda neang tatapakan bihari, can nyay-nyayan na kumaha ari jati diri urang Sunda mangsa jayana karajaan di Kawali..... muga urang Sunda kiwari, lengkah hanca lumampahna, bisa ngadeukeutkeun deui dirina jeung lingkungan alamna, bari bisa ngalenyepan akar-akar kahirupan pikeun ngahudangkeun deui jati dirina pikeun tatapakan anak incu mangsa jaga
Yadi Fathur
aya lumar nu nyaksrak kana manah.. "Bray caang yeuh fikmin teh Ang."
Irman N Dimyatié
Ang Nasrul Jatnika:"Naha kamari teu hadir. Saurna bade nyusul.."
Irman N Dimyatié
Ang Mohammad Ridwan Trijana:"Sami-sami, Ang. Hanjakal amari teu sumping."
Irman N Dimyatié
Ang Jejen Jaelani War:"Urang Sunda mimiti nguliat. Ciri wanci bakal nanjeur deui jiga bihari."
Irman N Dimyatié
Gan Yadi Fathur Berkata:"Kitu pisan karaosna. Sapanjang aya di ditu, sapanjang di perjalanan, tug nepi ka imah. Karasa keneh kumaha ari lumar nu sabenerna. Jadi, hayang kaditu deui..."
Irman N Dimyatié
Gan 'Eboed' Eman Budiman, Gan Asep Komara:"Wilujeng wayah kieu..."
Usep Romli
Nguliat enya-eya nguliat,sanes pedah asam urat.
EMAN BUDIMAN
Mung bati kabita :(
Irman N Dimyatié
Ang Usep Romli:"Leres, Ang Haji. Aya nu nguliat, tapi sanes asam urat. Dugi ka ayeuna, masih keneh karaos muringkakna. Waktu uing maca fikmin Taneuh Kuburan, naha bet aya putri geulis nu ngagelenyu hareupeun. Anggeanana sing sarwa endah. Gugurilapan. Cahayaan. Ampir-ampiran uing kasima ku sorot socana nu liuh. Nyi Putri jiga nu bungah dipitresna ku urang sarerea. Sanajan ngan sajorelat, aya pesen nu lantip nembus kana ati. Nuhun, jungjunan! Kitu saur Nyi Putri."
Soni Farid Maulana
Siplah, suklsesnya
Iwan Hanjuang
Reko ngomen hoream, tunduh keneh, hampura we..
Irman N Dimyatié
Gan 'Eboed' Eman Budiman:"Hanjakal mah tara tiheula, Ang. Rukun Fikmin aya lima; Kahiji, macaan fikmin batur. Kadua, nyieun fikmin sorangan. Katilu, macakeun fikmin hareupeun umum. Kaopat, daek ngajempolan jeung ngomen fikmin batur. Nu kalima, indit ka Astana Gede pikeun nohonan pangondang acara Nyiar Lumar."
Irman N Dimyatié
Ang Rak Buku Soni:"Alhamdulillah sukses, Ang."
Irman N Dimyatié
Ang Iwan Hanjuang:"sabenerna hoream rek ngomen komen akang nu masih keneh tunduh mah. Kulemkeun heula Ang ngarah beres."
Iwan Hanjuang
Akang jeung Maman Gantra, di pun alo keneh Yi, ngarecah gurame badag.
Irman N Dimyatié
:"Meni ngabibita ih...!"
Irman N Dimyatié
:"Acan sampurna salaku fikminer lamun acan ziarah ka Astana Gede dina raraga Nyiar Lumar."
Yuharno Uyuh
Astana gede ayeuna simpe, mireungeuh tapak lidig urut peuting.
Irman N Dimyatié
:"Tos hajat rongkah, biasana asa simpe."
Budi Mugia Raspati
ke komenna tunduh keneh..
Godi Suwarna
:"Komen nu itu, kangge dina fikmin ieu...! Halah, uing ngalindur..."
Irman N Dimyatié
:"Panginten masih keneh baruten, Ang Perbu. Aya keneh sesa tunduh panginten. Wios da sami wae."
Rudi Riadi
Suka dech....
Dewi Ratna Damayanti
Gubrak... Uing karek di lahirkeun...
Irman N Dimyatié
Ang Rudi Riadi:"Sanes komen balas budi ieu teh? Hahahaha... asa resep tadi diskusi di YPK."
Irman N Dimyatié
Teh Dewi Ratna Damayanti:"Dilahirkeun jadi fikminer petingan hehehe..."
Dewi Ratna Damayanti
Amiiinn... Hahaha masing karek ngimpi oge!
Budi Mugia Raspati
Bray matak caang Ang!