Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Peuting Nu Kingkin

Kénging Teti Taryani
Dipidangkeun dina lapak 02 Juli 2012 23:03:55

Bohlam leutik di juru kamer kucap-kiceup. Razia! Teu maliré nu keur ngahégak, gura-giru Marni cengkat. Rap dibaju. Térékél kana jandéla. Gubrag, ngaragragkeun karep. Teu nolih kanyeri gancang lumpat semu dongko, miharep bulan mareuman caangna. Gok jeung Mia nu sarua rusuh muru panglumpatan: gorong-gorong pamiceunan cai! Duanana nahan napas dibunian ku poékna solokan. Teu kanyahoan, kerewek duanana padanéwak. Ajol-ajolan satékah polah ngaleupaskeun nu ngarejengan. Gampleng! Gampleng! Kana palipisan. Leng, leng. Golosor, Marni taya daya. “Adaaw… ngégél, siah!” Jedak, Mia diketig pundukna. Duanana digusur, dialungkeun kana mobil patrol. Bari nyusutan késang, Jang Ahdi malikkeun awak nu teu walakaya. “Euceu…!” sorana ngageter, halon. Gambar ramona ngelemeng na pipi lanceukna.

Komentar (22)

Tiktik Rusyani
lalakon istri nu milari napkah ku ngajual diri. ketir pisan, komo bari kaponcongok kunu janten rai.
Endah Dinda Jenura
profesional pisan, rai-raka mancen tugas sewang-sewang...
Teti Taryani
Ti bubudak jeung dulur teu weleh silih pikanyaah, silihayunkeun. Hanjakal dina mangsa sawawa bet beda lengkah nya teh Tiktik Rusyani!
Teti Taryani
Neng Endah...profesi bodas - hideung...
Yadi Fathur
ari aceuk ngadon mangkal di dinya atuh?
Godi Suwarna
:"Jih, uing karek maca ieu fikmin nu sakieu hebringna. Tragis, 'Ceuk..! Tehnikna ge heded pisan..! Luyu sareng salasawios kaedah fikmin; reh carita dibobok tengah, dibujeng enggalna, di mimitian ti saised satacan klimaks. Pepel. Taya kecap anu mubah. Geneh macana najan sababaraha balik..."
Teti Taryani
Tara aya nu ngagunasika tadina mah di dinya teh Kang Yadi Fathur Berkata, pikabetaheun! Lami-lami kaambeu oge ku pol PP. Heuheu
Teti Taryani
Hatur nuhun, Ang! sakitu nuju pakepuk ge masih nyempetkeun nyumangetan ema-ema...
Irman N Dimyatié
:"EDUN SUREDUN...! Jempol juhlas treuk kasanggakeun. Dunya memang kalangkang. Adi lanceuk boga dunyana masing-masing. Jauh tanah ka langit. Saha nu salah? Teu aya. Jalan hirup eta mah pilihan masing-masing. Deuh...! Ngajedak pisan, Teh."
Godi Suwarna
:"Ah, na da sim uingah teu pakepuk, 'Ceuk...! Nu aranom we nu saribuk mah...!"
Melanie Kusdiman
nyanggakeun jempol dua ..
Teti Taryani
Aeh, muhun nya? tangtos seueur wadya balad nu ngasistenan nya, Ang... Teu sabaar hoyong Nyiar Lumar...!
Teti Taryani
Kang Irman N Dimyatie... muhun geuningan nya, jalan hirup teh kalan-kalan mah araraheng, seueur lenyepaneunana...
Teti Taryani
Teh Melanie Kusdiman... katampi jempolna Eteh! hatur nuhuun...
Lies Tjandra Kantjana
Kacipta ngajenghokna.nempo alanceukna kitu teh.
Godi Suwarna
:"Ceuk, sim uing usul, yeuh..! Kumaha upami tina judul kana eusi teh ngangge antara. Supados langkung sae katingalna. Asa eungap dihijikeun kitu mah...!"
Yuharno Uyuh
Ang Guru telik pisan, sami. Ras ka pun uing nu sok rurusuhan.
Shohiba Nu'man
Renjaganana ngaweuhan pisan, Aceuk. Tina gampleng dumadak geter. Edas pisan fikmin ti nu nuju teu damang.. Sing engagal sehat sabihara sabihari.
Teti Taryani
Tangtos kana kituna teh Teh Lies Tjandra Kancana Sudarma...
Teti Taryani
Usulna katampi pisan, Kang. Leres, leres, ke mah bade dianggangan. Hatur nuhun parantos diemutan. Pami teu kitu, tangtos kana noyodna teh...
Teti Taryani
Nya kitu, Kang Yuharno Uyuh, kantena aceuk, ema-ema mah sok rada noyod ari teu aya nu ngageuing teh... hehe
Teti Taryani
Hatur nuhun Adi Muhammad Shohiba Nu'man... Alhamdulillah dipareng sehat...