Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Monopoli

Kénging Aditia Gunawan
Dipidangkeun dina lapak 17 Méi 2012 21:32:25

Dina mangsa kaliyuga, para déwa gaduh kaulinan anyar: monopoli. Dadu dikoclok, goréhél jendil. Kembar. Brahma nincak ‘dana umum’. Artosna dianggo mésér jet pribadi. Tujuh léngkah gundu Iswara anjog di ‘kesempatan’. Dipiwarang mundur tilu léngkah. Deg téh kedah mayar pajak. Atuh harita kénéh tihothat ngadamel dokumén palsu. Mahadéwa séjén deui, karesepna méséran vila sareng hotél di unggal tempat wisata. Ari Wisnu mah gasik méséran perusahaan. PDAM, PLN, Stasion, Bandara, katut terminal, sakantenan janten dirutna. Dina sakali mangsa aranjeunna nuju apes kedah nincak panjara, teu janten pamengan, kantun nambut wé ka bank, da artosna gé bobohongan ieuh.
Dina kaulinan nu ieu mah para déwa téh bangun nu anteng pisan. Ningal polah kitu, Siwa gé kabita hoyong ngiringan. Ku margi teu kaci maén limaan, Siwa mah milih janten bangkir baé, nu nyepeng artos bobohongan téa.

Komentar (13)

Shohiba Nu'man
Mantap, Kang Aditia.. Kitu pisan geuningan. Haruh,,
Endah Dinda Jenura
wah sekuel nu tadi apa kamari nya? aya nu kabagean masuk penjara teu? heuheu!
Aditia Gunawan
Muhammad Shohiba Nu'man: Bade ngiringan maen Kang? hehehe.
Aditia Gunawan
Sekuel anu tadi wengi Aceuk Endah. Sugan jiga Harry Potter, tujuh jilideun. heuheu. Asup penjara ge wios, da tebusanna ge dua rebu dina monopoli mah. Murah. :D
Ahmad Fawzy Imron
hoyong ngiringan...tapi unggal koclokan, abdi mah hoyong nincak dina 'dana umum' sareng 'kesempatan' :)
Aditia Gunawan
Dina 'dana umum' jeung 'kasempetan' ge sok aya wae apesna Kang Ahmad Fawzy Imron. Sok didenda.
Ahmad Fawzy Imron
leres kang..eta asikna teh..teu monoton.. :)
Ibnu Hijar Apandi
hahaha.... asiiiikkkk...
Herdi Pamungkas
aya kitu siwa...beu
Budi Mugia Raspati
Motekar! Siip!
Putri Kinasih
sami sareng dunya wayang kapanan Astrajinga ge ayeuna mah muka konter hempon. Dawala kagungan lapak bengkel.
Aditia Gunawan
Budi Mugia Raspati: Hatur nuhun, Kang.
Aditia Gunawan
Putri Kinasih: Kutan kitu nya? Para tokoh wayang dupina mah masih tukuh kana dwi fungsi Pawayangan, nya? :)