Leungeun Andri malagrang na luhur kursi. Ragamang leungeun katuhuna pindah kana taktak Véra. Nu diuk dikaléng cicing bari ngarameusan ramona sorangan. Beungeut Andri nyolongkrong kana pipi Vera. "Mamah... Si tétéh dicium ku si Aa...!" Adina Vera nu keur anteng momobilan dina karpét ngajorowok. "Adit, tong ameng didinya! Énggal ka dieu!" kadéngé sora indungna ti jero.
Adit nu polos mincrak dina mangsa lanceukna diuk ngaréndéng dina korsi pangantén. Katingali pangantén awéwé beuteungna rada montok.