Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Munjung

Kénging Basyar Isya
Dipidangkeun dina lapak 02 Méi 2012 13:58:50

“Méméh prak, Aki tetep wajib ngélingan ka hidep. Karep hidep téh baris dibendon ku Pangéran,” ceuk Aki Kuncén daria.

Kurang leuwih nya kitu pisan wawadi ti kuring gé. Samalah kuring mah maké basa agama. “Mangkahadé pisan, ieu téh kaasup musyrik, nu moal bakal meunang ampunan ti Gusti Allah,” ceuk kuring harita.

Tapi si Uking mémang geus banget buleud patékadanana. “Kuring bosen hirup sangsara,” pokna. Kapaksa kuring jajap, sakumaha paméntana.

“Heug atuh ari kitu mah. Ngan aya saratna. Hidep kudu ngawin salah sahiji parawan nu ku Aki geus disadiakeun.”

Balik ti gunung K, paromanna katingali sumringah. “Geuning saratna énténg pisan,” cenah. “Ukur kudu ngawin parawan pinilih. Jaba geulisna kawanti-wanti deuih.”

Anapon kuring, masih kénéh ngadégdég alatan manggih kareuwas nu banget kacida. Sabab, parawan nu rék dikawin ku si Uking téh sidik ceuk panénjo kuring mah, salah sahiji oray gedé naker di antara dua oray nu disogrogkeun ku Aki Kuncén.***

Komentar (52)

Entjep Sunardhi
Gunung K (awi) asa ngagokan. Upami bade disumputkeun mending nganggo kecap "pamunjungan". Dongeng lawas.
Nena Cunara
Kasarad, hoyong untung tina enteng
Basyar Isya
Hehe ... leres, Ang Entjep Sunardhi. Eta we pedah sok mendakan di carpon atawa novel, nami tempat sok disingget. Nanging, ngangge kecap "pamunjungan" ge langkung sae rupina. Haturnuhun pisan kamandangna, Ang.
Basyar Isya
Nya, kitu geuning kapungkur mah, jalma nu kapoekan alatan lila katalangsara teh sok tijalikeuh janten munjung. Ketah ayeuna ge saleresna mah angger seueur, Teh Nena Cunara. Mung istilahna digentos janten wisata religi, hehe .... Padahal mah religi, religi, tujuh puluh.
Mustika Kurniarasa Haroeni
Hiyy,, munjung ka oray,,,!
Nazarudin Azhar
Lalakon nu tos klasik dina dongeng Sunda, diropea deui kalayan nganggo 'sudut pandang' nu khas ti Kang Basyar salaku pangarang, ngajanggelek janten fikmin petingan.
Basyar Isya
Teh Mustika Kurniarasa Haroeni, sieun ku oray nya, hehe...
Basyar Isya
Haturnuhun kamandangna, Ang Nazarudin Azhar. Alhamdulillah oge pami disebatkeun fikmin petingan mah. Da batan sakitu ayana hehe....
Mustika Kurniarasa Haroeni
Muhun kang sok hoyong mekprek,, hihihi
Budi Mugia Raspati
imeut Kang kalimah-kalimahna..nikmat diaosna..
Basyar Isya
Nanging ari ageung mah moal kapekprek rupina, Teh Mustika Kurniarasa Haroeni.
Basyar Isya
Haturnuhun kamandangna, Yayi Budi Mugia Raspati. Keun manawi kalah ku dileukeunan mah manawi we abdi tiasa langkung apik ngadamel fikminna.
Mustika Kurniarasa Haroeni
Dikumahakeun atuh,,?
Basyar Isya
Sae dipiara we atuh. Pasti resepeun eta oray teh pami dipiara ku salira mah. (Bet hoyong janten oray kana kieu mah hehe ....)
Mustika Kurniarasa Haroeni
Hahaha,,,, dipiara tos kitu di ical nya kang,,
Basyar Isya
Halah, engke bakal aya nu nyisit atuh, heu heu heu ....
Mustika Kurniarasa Haroeni
Kanggo obat kuat saurna teh,, hahaha,,,
Basyar Isya
Upami kanggo obat kasep mah bade pesen da, Teh Mustika.
Ahmad Yani
Nyaan nekad Ki Ukin mah, teu sabar ngantosan program BLT ! he he !
Mustika Kurniarasa Haroeni
Obat kasep mah kantun minuhan kantong we kang,, pasti kasep,, hihihi,,
Mahpudin
eta aya nu keukeuh bade icalan obat kuat ti kamari... hahahahaha....
Mustika Kurniarasa Haroeni
@K.apoedy,,, hahahaha,,,,, bararade yeuh,,!
Basyar Isya
O kitu, Teh Mustika? Muhun atuh ah, pesak abdi urang eusian ku peremen sing metet.
Basyar Isya
Bongan cenah BLT mah kanggo pencitraan wungkul, Ang Ahmad Yani. Ageung henteu tateh.
Mustika Kurniarasa Haroeni
Muhun kang cobian weh dieusian ku permen 2 container mah,,,
Rohaendi
Rarasaan memang masih aya eta realitas kitu teh kwari nyah Ka Basyar. Aya ku tegep nyaritakeunana eung, doang isok nmgobrol jeung jinisna!
Rohaendi
Rarasaan memang masih aya eta realitas kitu teh kwari nyah Ka Basyar. Aya ku tegep nyaritakeunana eung, doang isok nmgobrol jeung jinisna!
Yayan Bedog Supriatna
Ké.Aka Basyar Isya, wawanti tapi bari jeung jajap, kumaha tah?
Basyar Isya
Biasa ari ka ki sobat mah sok heurin ku letah mun rek nampik teh, Ang Yayan 'Bedog' Supriatna. Ceuk pikir teh susuganan we di jalan robah pamadegan. Mun angger teu robah, ah sakalian we uing mah hayang nyaho, jiga kumaha cenah prosesi munjung teh. Eukeur bahan ceramahkeuneun ka balarea hehe ....
EMAN BUDIMAN
Omat tong nyungkeun roko bilih diwadalkeun heuheu...
Irman N Dimyatié
:"Sae, Ang. Judulna, ieu mah ceuk uing nu can tangtu bener (nurutan Ang Tatang Sumarsono), nu leuwih pas mun dijudulan NGIPRI. Munjung ka Siluman Oray. Nyegik mah munjung ka Siluman Bagong. Ngetek mah ka Siluman Monyet. Kitu manawi."
Basyar Isya
Sae pisan, Ang Irman Dimyatie. Ke urang robih judulna janten "Ngipri".
Rochaeni Neni Albanjari
hihh...siuman oray eta teh nya... Nembe terang,bentenna ngipri, munjung sareng nyegik teh kitu
Didin Tulus
sami sadayana ge nyembah ka salian ti alloh. Di Pangandaran mah aya nu di sebut buncing nyaeta nyembah ka ucing
Herdi Pamungkas
dosana ageung munjung, ageung korupsinya? Upami artosna miliaran biasana dipanjarana sakedap, upami maling samangka lami....
Ki Hasan
Ari ceuk uing mah, Kang Irman Dimyatie, Kang Basyar Isya, mun judulna "Munjung" atawa "Ngipri", rada ngaliglag teuing, mere bocoran ka nu macana kana eusina. Sakapeung nu maca teh sok hayang "ditipu" ngarah rada ngajeblag ditungtungna. Boa mun judulna "Pangantenan" aya jurus tipuna tah.
Ki Hasan
Kang Herdi Pamungkas, boa teuing nya, mun dina mitos aya munjung, ngipri jeung sajabana, tah dina realita mah eta nu disebut korupsi tea. Meureun baheula para karuhun nyiptakeun mitos munjung jeung sajabana teh, tayohna mah siloka, nya larapna dina kahirupan mah korupsi tea. Biheung ketang.
Tatang Sumarsono
Gunung K téh sigana sanés Gunung Kawi, tapi Gunung Koromong. Gunung Kawi mah pamunjungan bangsa Cina, da.
Herdi Pamungkas
kang Ki Hasan rupina mah kana kitu. Margi da geuning dina kanyaataanana mah asa teu acan mendakan dikieuna anu marunjung teh kajabi dina dongeng, boh dina radio, boh dongeng ti para karuhun.
Tatang Sumarsono
Hésé diguarna mun sacara empirik mah. Kedah lebet sorangan ka alamna geura.
Basyar Isya
Duh, wa bilhusus ka Ang Herdi Pamungkas, abdi kapaksa buka rusiah yeuh sakedik. Pun Abah (alm.) di lembur di Karawang rada sakedik katelah minangka paranormal golongan putih (maksadna, tangtos sanes nu tara nyoblos dina pamilu). Anjeunna purah ngubaran nu keuna panyakit alatan Bah dukun golongan hitam, nu kenging order ti jalma deleka. Tah, carios dina fikmin di luhur memang diguar tina carita si Abah nu (pami teu lepat mah) kantos jajap sobatna nu keukeuh hayang munjung. Kajadian nu kapireungeuh ku Abah sapertos kitu pisan, saurna. Aki Kuncen teh ngagentraan dua "mahluk", teras langgeor weh ka luar ti kamar dua mojang geulis kawanti-wanti, nu hiji pakulitanana bodas sampulur, nu hiji deui mah hideung santen. Eta ceuk paningali sobatna tea. Tah ceuk paningali si Abah mah, nu ngalanggeor teh estu dua oray gede pisan, nu tuluy cungkedang hareupeun tatamu. Mung perkawis ngadegdeg alatan sieun atawa henteuna mah si Abah teh, wallahu a'lam. Nu eta mah estu rekaan sim uing. Malar caritana payus tea, cenah. Kitu tah. Ari abdi duka kumaha, teu percanten we mun si Abah bohong teh. Tapi, eta mah nyanggakeun ka sewang-sewangan, bade percanten bade henteu. Saleresna mah seueur keneh carita nu ku abdi hoyong difikminkeun, kalebet pangalaman hiji ajengan soleh nu bade diwadalkeun ku jalma jegud di lemburna. Asa piraku eta ajengan ngarahul, hehehe ....
Basyar Isya
Ka Ang Irman Dimyatie sareng Ki Hasan, ku usulna perkawis judul nu langkung merenah, abdi kalintang hatur nuhun pisan. Mung, hehe ... janten we abdi barieukeun yeuh, margi duanana eta judul teh sae pisan. Estu can kaemutan samemehna ku abdi teh, suwer! Ke atuh urang istihoroh heula nya, abdi bade milih nu mana. Nu jelas mah judul fikmin abdi di luhur hoyong digentos weh ku salah sawios di antara eta dua judul. Nuhun pisan, sakali deui.
Basyar Isya
Leres pisan, Ang Tatang Sumarsono, perkawis hal-hal gaib memang sesah diguar sacara empirik. Kedah ngalaman langsung. Maksadna sanes kedah munjung heula nembe uninga, tangtosna ge. Nanging, aya "metode"-na. Di Bandung aya saurang muslim nu gaduh patekadan hoyong amar ma'ruf nahyi mungkar, nu kaleresan anjeunna teh pendekar silat. Anjeunna ngagaduhan "metode" pembuktian sasarengan (nu teu percanten kanu ayana nu kararitu) dina perkawis hal-hal gaib nu sapertos kitu.
Basyar Isya
Ang Herdi Pamungkas miwah Ki Hasan, munjung sami teu sareng korupsi di jaman kiwari? Ageung mana dosa munjung sareng dosa korupsi? Ieu mah pamendak abdi nu teu bodo-bodo acan. Munjung mah rupina ngaduakeun sumujud, lian ti ka Gusti Allah. Lebetna kana musyrik. Kalebet dosa ageung nu moal kenging pangampura ti Mantenna, iwal ku taubatan nasuha. Nanging, balukarna teu nyebar ka balarea, mung ka dirina sorangan tur (copelna) ka kulawargana. Rupina mah boa kalebet kana laku lampah "Fakhsya". Anapon, korupsi, eta mah kalebetna maok, nu hukumanana dina syari'at Islam kedah diteukteuk leungeun. Tapi korupsi mah balukarna nyebar ka balarea. Nu hirup monyah-monyah ukur dirina jeung kulawargana, sedeng rahayat nu katiban katalangsara. Dosana, nya dosa maok babadog tea, tur rupina mah kalebet laku lampah "Mungkar". Tah palebah "nahyi mungkar" di nagara urang, bonganna ngangge hukum lian ti hukum Allah, janten we kieu kanyataanana. Dina sual kaadilan estu lir anggangna bumi jeung langit. Cindekna mah, lampah musyrik teh hiji hal, sedengkeun lampah mungkar, hal sejenna deui. Teu tiasa dipacorokkeun. Kitu tah ceuk pamendak sim uing. Bilih aya nu langkung uninga, tur pamendak abdi lepat, mangga kantun dipairan.
Ki Hasan
Hehehe. Kang Basyar Isya, ari munjung teh, enya aya dikieuna eta teh? Atawa mung saukur dongeng? Uing mah nyaan cangcaya, kana ayana munjung meunang duit balatak teh. Atuh matak inflasi. Uing malah curiga, eta dongeng munjung teh, ekpresi urang nu teu sanggup bersaing jeung batur nu soson-soson usaha. Urang-urang nu nyangka munjung ka batur, keukeuh we teu robah kaayaan. Sementara batur nu disangka munjung, tambah soson-soson usaha.
Basyar Isya
Insya Allah rupina mah leres-leres aya, Pangersa Ki Hasan. Mung pami didongengkeun mah asa araraheng. Janten munasabah pisan pami seueur nu cangcaya kana kanyataan ayana permunjungan teh.
Ki Hasan
Upama tea mah aya eta munjung, aya hadena jigana geura marunjung. Sugan we ladang munjung bisa jaradi jiga Bill Gate atawa Steve Job.
Basyar Isya
Ahihihi ....
Nasrul Jatnika
Sapertosna mah jurigna masih jaman buhun. Janten teu paduli inflasi atanapi ekonomi makro. Sareng anu munjungna liwat ti bodo. Teu boga wawasan international, komo paduli kana pertumbuhan ekonomi nasional misalna. nya kitu biasana anu musyrik mah bodona sok katotoloyo...
Irman N Dimyatié
:"Ayeuna mah mun rek munjung teh lain asup ka guha, tapi asup ka Gedong Senayan. Sok munjung di dinya. Bakal beunghar. Ari ngaran munjung, di akhir carita kudu narima akibatna. Sarua pisan nya."
Basyar Isya
Leres kitu pisan, Ang Nasrul Jatnika. Boh sakadang jurig boh nu munjungna, papada teu nyakola, hehe....
Basyar Isya
Tah ieu ge analogi nu cocog, Ang Irman Dimyatie. Samalah mun munjungna di Senayan mah tiasa ngadamel video sagala....