Godi Suwarna
:"Nu penting mah ngajempolan we heula. Piraku jawara fikmin teu hebring. Ke we macana mah dieutik-eutik...."

Nyimas Kanjeng Ratu Yuyu
wow....fikmin nu éndah saéndah namina..jempol geulis

Rudi Riadi
haduh...ukur bisa menikmati ulinna ungkarana we heula ieu teh. Eusina mah banget can kataekan, Ambu.

Shohiba Nu'man
Waah! Dahsyat, resep ku papantaanana.. Ti kawit "Abdi hoyong" dugi ka "Aing hayang". Gustii.. Hatur nuhun, Eteh.. Katampi pepelingna..

Godi Suwarna
:"Breh 'Jaman baheula aya hiji awewe'. Di jerona simpe. Tepi ka dinya ge uingah geus ngalenggak. Heup heula. Ngarenghap heula. Endaaah pisaaaan....!"

Ahmad Fawzy Imron
sami sareng Kang Godi...nyanggakeun heula jempol sadayana kanggo teteh... :)

Godi Suwarna
Muhammad Shohiba Nu'man:"Ngundak teras nu kitu teh, nya...? Ngundakeun takeran emosi...!"

Asep Komara
asiiik...enjing mah tiasa ningal nu disaranggul dikabaya...heu..heu..

Godi Suwarna
Ahmad Fawzy Imron:"Yaktos, kedah dieutik-eutik ngaos fikmin kieu mah. Jaba si Neneng ieu mah langka mikminna oge...! Moal teu pulen ngakeulna oge..."

Shohiba Nu'man
Kang Prabu Godi Suwarna, Ekstase-na ge mingkin nanjak, Kang Prab! Haruh.. Pool!

Prayoga Adiwisastra
duh, dugi ka ngadangheuak abdi maosna. sarebu jempol

Godi Suwarna
Muhammad Shohiba Nu'man:"Nu kieu nu disebat sihir kata-kata teh, Jang!"

Shohiba Nu'man
Kang Prabu Godi Suwarna, Leres Kakang. Ieu mah tos sanes sulap deui. Tos campur tanaga goib nu kieu mah.

Nazarudin Azhar
Potret "awewe", kenging motret pangarang wanoja, kayungyun ku sagala rupana. Ngagambarkeun nu sagala hayang ku kalimah nu liat, diksi nu efektif, taya kecap nu mubah. Pepel pisan.

Nyai Endit
Ih, kamana komen si Nyai da tadi teh komen, siga kieu yeuh komanna teh: Enya nya awewe mah kararitu, loba kahayang, loba pamenta! geus dicukupan ge ngan kurang jeung kurang. Untung si Nyai mah teu bogoh ka awewe!

Nazarudin Azhar
Pas pisan, fikmin kartinian yeuh, hehehe

Godi Suwarna
Muhammad Shohiba Nu'man:"Bisi nu maca capeeun teuing, di tengah-tengahna aya randegan, lebah kecap; Di Hiji jaman. Renghap heula. Di lajeng deui; Di Hiji jaman aya hiji awewe dst....! Mantaaaabs....!"

Ahmad Fawzy Imron
Kang Godi...sumuhun Kang...abdi ge nembe maca sajajar, tapi tos karaos pisan relijiusna ieu fikmin...heu heu Fikmin sajarah ieu mah.. :D

Shohiba Nu'man
Kang Prabu Godi Suwarna, Mantabs! Nyarioskeun "kaegoisan" kalayan tehnik nu estu berehan pisan. Surti karyaning diri, ngaragap kanu macana. Waah..

Hasan Supriadi
halah aing mah euy, bareto cenah dipenta jempol mun ente nyieun fikmin.. tah rek mere jempol kumaha atuh uing mun macana kudu rada daria jeung tarang rada kerung kieu mah... uing mah menta fikmin nu cetek-cetek wae lah, anu togmol kitu tah... tapi angger kudu alus nya heuheuheu.. jeung deuih sarua lah, lalaki ge loba kahayang mah, tuh buktina berita poligami sok rajen rame, kitu oge nu ngarana "simpenan" di apartemen (beda kahayangna ieu mah hehehe)... heug lah keur ayeuna wungkul uing ngiluan mere jempol (hehehe "sok pelit", padahal ngan ukur klik)

Putri Kinasih
abdi mah wakca we..teu kauntup.

Godi Suwarna
Muhammad Shohiba Nu'man:"Siiip...! Tafsir eusi mah tiasa rupi-rupi. Uingah resep kana cangkangna, yeuh...! Di hiji jaman aya hiji awewe nu ngalanglang sagala nu bisa kasaba...dst. Kalimahna ngagebay, majemuk, make koma, koma, koma, ngombak banyu, ngabadaya mun ngibing mah, legato upama istilah musikna. Diteruskeun kana kalimah parondok, stakato, nu marites; 'Anu. Itu. Ieu. Eta'. Di dinya aya gerak nu marites tea. Siga breakdance. Ti dinya maju kana: 'Kabeh keur manehna...dst. tepi kana gerewekna ka langit, nu ngagambarkeun muncakna emosi, kahayang. nu terus diundakkeun muru puncak. Di pungkas ku gubragna langit salaku goongna nu ngajelegur pisan, da teu kapalang, langit nu ngagubragna oge...! Bayangkeun, 'Jang! Eduuuuun...!"

Shohiba Nu'man
Kang Prabu Godi Suwarna, Deui-deui bati rongheap. Gogodeg. Haruh...! Hatur nuhun piwurukna, Kang Prab! Mundel pisan "kokomentaran" teh wengi ayeuna mah. Nikmaat..!

Tety Solehawati
Saeee . . . pisan . . ! neng Roro, ngawakilan harewos jeroning hate wanoja .. . !

Budi Mugia Raspati
1. Fikmin awewe rasa lalaki (deui wae). 2. Fikmin edisi Kartini 3. Cobi ieu pangarang fikminna nganggo sandiasma, angger wae pasti ka toong, nu kieu mah EDJ banget. 4. Fikmin ngajak lumpat, matak ngahegak!

Tiktik Rusyani
Nembe kapapay, moal waka komen ah, nembe beres ngadamel kaseneng Neng Endah.

Is Tuning
ck..ck..ck... *gogodeg, bari ngasongkeun samsu

Irman N Dimyatié
:"Abdi hoyong... dipangnyandungkeun! ceuk eta awewe."

Endah Dinda Jenura
Kang Godi Suwarna: bareubeu kieu raray abi macaan komen-komen Akang, ti luhur dugika handap dipapayan, Gustiiii... ngimpen naon abi tadi wengi? hilap deui. mung sanes ngimpen dikabaya nu pasti mah, hahha! hatur nuhun, disuhun dina ubun-ubun, katampi pisan heman sareng nyaahna, reugreug abi. nuhun sakali deui, Kang, nuhuuuuunn...

Endah Dinda Jenura
hatur nuhun jempol geulisna, Nyimas, meni pink sehat kieu, benten sareng jempol abi nu pulas koneng nikotin, hihihi!

Deni Riaddy
Mun pantar ma Eroh nu ti Cisayong tea, kabadanan moal nya? Pedah base ngajerit maratan langit, nu ragrag koral ti lamping...... Heuheuheu.... Edun suredun.....

Endah Dinda Jenura
Kang Rudi Riadi: nyanggakeun boh ungkarana boh eusina, sanes nu abi deui. hatur lumayan rencang ngambing guling :D

Remi Sadkar
Ngahaja mandeurikeun karep....Fikmin nu teu peryogieun disurahan ku cacah model uing ieu mah, bade ngiring maos we, manawi di wenangkeun, Nun?

Endah Dinda Jenura
Mang Nu'man: aw aw aw gak ku kuuuuu... hahhaha! pairan Amang ngeuyeuban tur mundel pisan, abi nyalira teu nyangka fikmin abi tiasa dibahas panjang lebar kitu, wew jadi isin. hatur nuhun, Bageur, didungakeun sing enggal gaduh kabogoh... opat, wkwkwkwk!

Endah Dinda Jenura
kang Uzy Imron: nampi jempolna, mangga teu langkung fikminna, duka sajarah duka religius duka iseng-iseng berhadiah. nuhun, Kang...

Remi Sadkar
Abdi ngiring Ngadungakeun Gan Nu'man, tujuh!

Endah Dinda Jenura
Mang Asep Komara: kabayang seger ningal pawey Kartinian. ajakan abi ah, urang nongton nu dikabaya bari nagog-udud-kopi :D

Endah Dinda Jenura
Prayoga: langkung hiji geuning jempolna, Mang, rada eumeur nu ieu mah, kagencet rupina. nuhuuuunnn...

Shohiba Nu'man
Amin. Heuheu.. Hatur nuhun dunga-na Teh Endah, Kang Remi.. Mugia dibales ku ganjaran anu sami. xixixi..

Remi Sadkar
Aduh! Ganjaran nu sami mah, atuh tujuh oge? Tobaaaaat!

Shohiba Nu'man
Heu.. Nyanggakeun eta mah.. :)

Remi Sadkar
Hahahaha, Katampi, Nun! Mugi Katampina mah dina Buktosna nu benten...hehehehe

Endah Dinda Jenura
Kang Nu Azhar: bati diajar meureut ti Akang ieu teh, katampi pisan, ulah bosen-bosen ngadeudeul tur nyumangetan, plis? muhun ieu dalam rangka Kartinian, tapi abi mah teu ngarayakeun, heuuuu... hatur nuhuuuunnn...

Endah Dinda Jenura
Nyai Endit: uhun abi ge teu kendat-kendat nganuhunkeun ka Gusti lantaran teu bogoh ka awewe. ari cuam-cium mah osok sih, xixiixi! kabayang rawing ceulina mun gaduh kabogoh loba kahayang, garansi putus dalam 5 menit sigana, wkwkkwkwk! nuhuuuunn...

Endah Dinda Jenura
Hasan Supriadi: jrit meni siga nu kapaksa kitu mere jempol teh, gak friend banged. ketang nuhun, ek disakuan da ti babaturan, hahaha! ieu fikmin dalam rangka kritis ka kaum olangan, nuhun geus ku dibales kritis ka kaum ente oge. sip...

Endah Dinda Jenura
Neng Putri Kinasih: duh hapunteeeeenn... sanes balaga nyastra, kieu panginten gaya abi mah... sugan ka payun tiasa ngadamel fikmin nu langkung sae bari kauntup. nuhun nya :)

Endah Dinda Jenura
Teh Tetyesnat Nataprawira: hatur nuhun pisan :D

Endah Dinda Jenura
Kang Budi Mugia Raspati: 1. abi googling Kartini. 2. dina Wiki aya kecap, "Aku mau..." cenah. 3. diemutan aku mau naon nya? 4. aku mau sagala, hahaha! hatur nuhuuuuunn...

Endah Dinda Jenura
ceu Tiktik Rusyani: keun komenna mah tiasa iraha bae, ku diaos ku Aceuk ge abi bingah pisan. wilujeng leleson, Ceu, kacipta keneh raos kuehna... --ngacay

Endah Dinda Jenura
Kang Is: naha ka abi mah teu komen ku fikmin deui? wios ketang, nuhuuuuuuunnn... --nyakuan samsoe bari meletet kana zippo

Deri Hudaya
Obsesi. Cita-cita.... Feminisme sareng kritik kana Feminisme, upami "langit" nu murag matak getihan mah. Heheh... Sateuacan dipungkas ieu fikmin, karaosna aya pamahaman eksistensialis: "Aing!". Mantap deh, teh Endah pisan. Modern. Religious beeeng. (Tapi punten, upami nu kahartosna nembe sakitu. Heee) Wilujeng Kartini-an teh Endah Dinda Jenura, oge FIKMINER!

Endah Dinda Jenura
Kang Irman Dimyatie: nu sagala asa kirang mah tiasa janten hoyong ditambihan ku dicandung, heuheuheu!

Endah Dinda Jenura
Kang Deni Riaddy: sakti pisan Ma Eroh mah... kedahna aya Hari Ma Eroh Nasional da, sadaya istri lungsur ngabaladah saluran cai, aksi riil, sanes pawey teu kaharti cara ayeuna. hatur nuhun, Kang.

Endah Dinda Jenura
Remi Sadkar: mangga, bade maos bade nyurahan ge, sesama cacah saling membebaskan. nyanggakeun sakieu kamampuhna abi mah... nuhuuuunn...

Remi Sadkar
Katampi widina, wios kitu undak pamenta? bade di copas sakantenan...hahahahaha

Endah Dinda Jenura
Mang Nu'man: coba etah aya du'a kitu disadana. moal diaminaaaannn... hahahha! dzigh!

Endah Dinda Jenura
Mang Remi Sadkar: sugan teh undak jadi hoyong 12, hahha! di-copas manggaaaaaa...

Remi Sadkar
Wkwkwkwkwk...ampuuuun, moal kiat dunungan!

Remi Sadkar
Eh, neda widina wae, nun bade dicopas

Endah Dinda Jenura
Mang Deri: mangga eta mah nyanggakeun, bade disebat eksistensialis, agamis, kritis-feminis, Portugis, teh manis, kueh lapis sagala rupi, teu langkung nu maosna... abi mah teu Kartinian, duka pami aya Hari Kartono mah, sigana maksakeun, heuheu! nuhun dong yes?

Is Tuning
... Gubrag ! langit murag. Bulan ngagorolong ka kolong. Béntang mancawura, awur-awuran. Panon poé nyangsang dina rangrang. Manéhna teu wasa cengkat. Tetempoan remeng-remeng, caang rada poék, boa poék rada caang. Béak karep rumahuh, sosoranganan. Aya nu katéwak ku juru panonna, aya nu ngelemeng. Ngajanteng. Ngajanteng dina luhur galeng, bari gagaro. "Kitu tah mun awéwé loba kahayang....," ceuk nu ngajanteng, bari angger gagaro.

Remi Sadkar
Mung teu jelas nu digarona naon?

Is Tuning
hoyong jelas mah, kedah dihurungkeun lampuna Kang Remi ! ha ha

Remi Sadkar
Wahahahahaha....kitu mah, nrasna ka leuweung larangan, hariwaaaang!

Maman Gantra
Tegeps! (Mung, punten, palebah langit murag, janten emut ka Asterix...)

Tiktik Rusyani
Disanggul, dikabaya mah sanes emansipasi nya,Neng? Eta mah mung hajatna, nu langkung peryogi mah ningalikeun kaunggulan kaom urang dina sagala widang bari teu ngantunkeun aturan agama, tur teu ngalanggar kodrat salaku wanoja nu kedah aya disagedengeun caroge sareng palaputrana. Sagedengeun..gitu loh, sanes dipengkereun atanapi 'konco wingking' saur urang wetan mah gening. Tangtos ieu mah sanes nyurahan ma'lum nuju vertigo, kuriak ngacaprak keh.Pokona jawara pisan fikmin teh, Neng Endah. Jempolna nyanggakeun, ke diembohan sus pami tepang deui, hehe.

Godi Suwarna
Maman Gantra:"Hahaha...! Keun ari Asterix, sieun ku guludug oge da pecekrek. Ninggang di Obelix, jangkung badag, bayuhyuh, ari nguping gelap sok teras nyungseb nyumputkeun sirah, bujurna ka mana-mana..."

Maman Gantra
Hehehe... Yaktos, Kang Prebu Godi. Rupina, urang Galia ge sieun ku kiamat mah... BTW, iraha atuh karya-karya salira didamel komik? Rupina bakal ngageunjleungkeun perkomikan nasional, cariosna tiasa langkung aheng... Urang Ciamis pan seueur nu janten komikus?

Godi Suwarna
Maman Gantra:"Sim uing sareng Pun Bojo, bakat ku resep kana komik Asterix, ngaran pun anak ge; Galia. Hehe...! Carpon didamel komik...? Wah, wah, wah, nembe kaemut, tah...! Ide nan brilian, Ang Man...! Siap dekh...! Ke, cuang milari juru gambar anu cocok..."

Maman Gantra
Kutan dugi ka kituna, Kang Prebu? Perkawis nu ngagambar, rupina mah seueur. (Malih aya nu menarik dua tilu minggu kapengker: Kang T. Bachtiar ngadamel workshop di FSRD-ITB ngeunaan pangawakan jalmi numutkeun sawangan Geologi. Tiasa ngiring murengkedkeun lolongkrang anakronisme kangge komik sajarah).

Godi Suwarna
Maman Gantra:"Okeh, Ang Man! Rupina bade milari juru gambar ti Bandung we, supados seueur piliheun. Hatur nuhun idena, Ang!"

Ki Hasan
Beu, nyaan wareg ieu mah. Dugi ka teurab. Dihanca ti mimiti fikminna, tamat nepi ka komen-komenna. Resep nitenan dialog Kag Godi Suwarna sareng Kang Muhammad Shohiba Nu'man, nu patembalan nyuay-nyuaykeun ekpresi emosi sewang-sewang.

Godi Suwarna
Ki Hasan:"Bubuhan tos teu asa-asa ka Jang Nu'man mah...! Budakna terbuka dina nampi panyumanget, panggeuing, pagetrik ti sim uing. Karya-karyana kabandungan ti jaman inyana cacarakan keneh. Mung, nya eta, goreng nasib budak teh, Ki..! Jomlo keneh bae sakitu ku uing tos diwirid jampe pelet oge..! Heuheu..."

Ki Hasan
Kalintang pentingna Kang Godi Suwarna dialog patembalan jiga Kang Godi sareng Kang Muhammad Shohiba Nu'man dina ngebrehkeun apresiasi kana hiji naskah teh. Paling henteu, keur sauingeun, dialog jiga kitu teh jadi pamuka jalan, kumaha carana ngaapresiasi hiji naskah, ngarah tiasa menikmati nepi ka unggut-unggutan. Rupina menikmati fikmin ge, jiga nyuruput cienteh. Di urang mah kapan biasa dileguk sarenghapan wae, geuning urang Cina sareng Jepang mah ngaleguk cienteh teh, saheulay-saheulay, nepi ka jadi ritual.

Godi Suwarna
Ki Hasan:"Kitu pisan maksad sim uing ge, Ki...! Kaleresan karya Endah Dinda Jenura mucunghul, bari leubeut ku kamungkinan lebah ngalenyepanana, boh cangkangna boh eusina. Kaleresan deuih Jang Nu'man ngomentar. Jorojoy hoyong 'saling silang' da uing terang kana karakterna nu handap asor. Sareng nu sanes mah can kantenan wantun kikituan, Ki..! Paur, bilih kalah nyangangang...!"

Dédén Abdul Aziz
Kang Prabu Godi Suwarna, soal cangkang bawiraos eta puguh ulin rasa jeung basa nu nulis (ngarang), da perkawis eusi mah sakapeung tiasa janten tema teh seueur nu sami. Karaos ku pun uing mun geus ngagulang-gaper kecap, dipilih-pilih, dipilah-pilah, kumaha rasana nepika jadi ungkara nu beda. Emut pami Jaro Hadi Aks mah kantenan, hiji kecap tiasa digulang-gaper sawewengi. Sapuk sareng Kakang, ieu fikmin tina adeg-adeg (struktur) karaos unsur dramatikna lantaran teu asal tumorojol sakadang kecap, tapi sina ngantri, diseleksi, diurut (sanes diperejelkeun)... Matak nu biasa kitu mah moal tiasaeun produktif da kana kecap-kecap ge sok owel (itung-itung ngangles pedah pun uing can nimu pifikmineun... hihihihi)

Godi Suwarna
Deden Abdul Aziz:"Yaktos, Jang Den..! Numawi, sim uingah langsung we mencrong kana cangkang. Nengetan ulesna, ngetang cupatna. Kawas kana manggu. Heuheu..! Mun dina sajak mah wiramana teh condong kana monoton, horeng dina fikmin mah bisa kawas dina orkes simponi, ti mimiti anca bari hawar-hawar, nombak bnyau, marites, tepi ka nu gumuruh, jejeleguran, dipungkas ku langit runtuh. Eta nu karaos sabada uing maca fikminna Nenk Jenura nu ngagalura..!"

Deni Riaddy
Ang Is Tuning, ukeun widi... Dicopas ku sim uing.....

Is Tuning
Kang Deni Riaddy, naon anu dicopas téh ? koméng ? heu heu... mangga kang pami kaanggo mah.. :P

Deni Riaddy
Muhun ang.... Nuhun ah...

Ari Andriansyah
Hidup emansipasi, heheh,, edun, Teh..

Yus Thamrin
Endah Dinda Jenura, punten ieu mah ngan ukur naros (dalam rangka abdi belajar), naha teu: Baheula. Hiji awewe di jerona simpe.? ...lampar, ngagilindingkeun kahayang? Hatur nuhun.

Teti Taryani
Neng Endaah.... nyaan wareg pisan maos fikmin kualitas nomer wahid ditambih ku komen nu euyeub ku elmu sapertos kieu... Teu bosen maosna ge, asa nanjak satahap-satahap, teras reuwas bada ngahegak.. Huebbat pisan, Neng!

Arom Hidayat
Sajarah panjang aya dina ieu fikmin, duh!

Hadi Aks
Wahh... ke ah nyenghap heula.

Endah Dinda Jenura
Kang Is Tuning: wowwww... hatur nuhun komen fikminna, mantap caangna, mantap poekna, mantap gagarona, hahha! gasruk teruuuss... Kang Maman Gantra: hatur nuhun janten ras oge ka Asterix. kawitna abi mung emut ka film Chicken Little, xixiixi! Ceu Tiktik Rusyani: perkawis emansipasi... kumaha nya? teu patos ngartos abi mah naon emansipasi teh. persamaan hak? abi mah kuma sikon bae: payuneun, gedengeun, pengkereun, okeh. tapi abi alim tatih dina beus (hoyong calik), oge hoyong dipayunkeun pami ngantri. mung, ngecet pager/tembok mah kedah ku abi, hihihi! abi mah aliran kompromi, teu ngartos emansipasi :D Kang Godi Suwarna: waaaahh... asik pisan pami leres carpon-carpon Akang didamel komik, mugi tinekanan, abi pesen hiji ti ayeuna keneh ah, bilih seepeun, heuheu! sapuk, Ki Hasan, paguneman antawis Kang Godi sareng Mang Nu'man di dieu teh seueur pisan pulunganeunana, abi wae nu ngadamel fikminna janten "oooohhh... ooooooohh..." bari rampang-reumpeung isin teu apal di teknis karya olangan, hihihi!

Endah Dinda Jenura
Keng Aziz: wew eta tungtungna ngeles, meni heded, wkwkkwk! tengkyu, Ukeeeeenn... :D Mang Ari Andriansyah: hidup emangsapasih(gue), wkwkkwk! nuhun, Mang! Kang Yus Thamrin: mmmhhh... "jaman baheula aja hiji awewe. di jerona simpe" tiasa wae digentos ku "baheula aya awewe nu ngarasa simpe", tapi abi hoyong nurutan "jaman baheula aya hiji raya, kabeukina gedang atah," hahha! mugi ma'lum... perkawis lampar ngagilindingan kahayang maksad abi yen kahayang (itu-ieu) teh tos teu diwengku deui ku jarak (anggang) atanapi kateumampuh awak kumargi tos ngangge alat bantu (gilinding/roda) kangge mobile-na... kitu manawi. hatur nuhun. Ceu Teti Taryani: wew abi dugika babalieuran kieu abi saking isin maca koen Aceuk. hatur nuhuuuunn... bingah pisan pami Aceuk resep fikmin ieu. nyanggakeun :D yesssssss.... Mang Arom komen, horeeee....! hatur nuhun, Mang :D Ka Hadi Aks: mangga, Ka, hatur nuhun ku sindangna ge tos bingah pisan :) kum nu masihan jempol/komentar, hatur nuhuuuuunn.. sampai jumpa di fikmn berikutnyah, merdeka!

Matdon
abdi hoyong...ngieun fikmin siga kieu...abdi hoyong...