Cigunung, Lukisan kénging Yus Rusamsi
Update: 10 Novémber 2013 09:00:19
Login ku Akun Facebook

Pangréana Fikmin

Pangaléwohna

Koméntar ti Kanca

Salasa, 29 Oktober 2013 23:44
Andreansyah Dwiwibowo: " punten, sim kuring nambut foto headerna,,, dipasang di cover fb sim..."
Jumaah, 04 Oktober 2013 10:47
Deni Prayoga: " Assalamualaikum, hatur nuhun sateuacanna ,, punten bade tumaros upami bade uplod fikmin kumaha carana,naha di posting di grup Facebook atanapi tiasa di web ieu ..? abdi tos nyobi join group fiksi mini basa sunda pamugi tiasa saenggalana di confirm.. hatur..."
Kemis, 03 Oktober 2013 16:17
Heni Nuraeni Huzein: " Punten,kumaha carana Fikmin abdi tiasa katingal dinu web,teras naha badé noong komentar teu tiasa aya nu tiasa ngabantos ....hatur..."
Saptu, 21 Séptémber 2013 18:47
Andiany A. Matahari: " Assalamualaikum wr. Wb.... Salam pangwanoh.. Hatur nuhuuun kana panganken..."
Jumaah, 06 Séptémber 2013 21:42
Syihabudin Syihab: " Assalamu'alaikum...Sampurasun...nepangkeun salam pangwanoh...hatur nuhun kana pangangken..."
Senén, 26 Agustus 2013 00:29
N'da Kamandanu: " Assalam muallaikum ..sampurasun ampun paralun....haturnuhun tos di angkeun.....mugi gusti nangtayungan urang balarea... Salam pangwanoh ti..."
Jumaah, 26 Juli 2013 11:41
De Sopandi: " Assalamualaikum wr wb.... hatur nuhun kana pangangkenan...mudah- mudahn janten amal nusae pikeun urang..."
Ahad, 14 Juli 2013 19:12
Nyai Endit: " Baraya FBS, salira tiasa oge ngagabung di lapak nu aya di facebook. Ieu alamatna: http://www.facebook.com/groups/fikminsunda/ Atuh nu hoyong katingal karyana, eusian heula data salira. Carana: saparantos log in ka dieu, teras paluruh jenengan salira. Kitu (asana..."

Opat Kalima Pancer

Kénging Liman Sanjaya
Dipidangkeun dina lapak 19 April 2012 23:01:11

“Kalér, kidul, kulon jeung wétan; anjeun pancerna. Hareup, tukang, sisi katuhu jeung kénca; anjeun pancerna. Cai, seuneu, angin, taneuh; anjeun pancerna.” Ukur sakitu nu kapiinget. Loba deui perkara-perkara nu opat rupa, lebah ka limana anjeun deui, anjeun deui. Pancer deui, pancer deui. Omongan éta kolot asa teu kaharti. ‘Na naon atuh ari uing téh? ‘Na naon atuh ari pancer téh? Kapan kumelendang di ieu kahirupan gé teu dipihayang. Sagala asa ujug-ujug aya. Ditungtungan ku euweuh. Ah, mingkin teu kaharti waé. Jung nangtung, ngeunteung. Anteb. Gurat-gurat umur natrat lebah beungeut. Gék di juru dipan. Tuluy ngagolédag. Ngadon ngahérang. Ras kana diri. Ari poé isuk rék lumampah kamana? Ngadadak awak karasa tingsariak.

Komentar (21)

Akang Remi
Teu kedah bingung Gan Liman Sanjaya. Sungsi we nu sakirana bener ceuk salira, Wilujeng Tepang Taun deuih gan!
Aris Kumetir
Waduuh, ieu mah fikmin téh ngajak intropéksi diri. Hédéd, Kang. Jempol ti abdi.
Liman Sanjaya
Kang Remi Sadkar: kitu pisan, kang.. totonden kahirupan nu ngajak paguneman, malar nyuprih hikmah pikeun tatahar memeres diri leutik sareng diri badag.. heuheu, nuhun ah
Liman Sanjaya
Kang Aris Kumetir: muhun, cuang sami-sami we.. nuhun ah
Sofy Krismawati
Hanjakal mah moal tiheula, éta rupina mah nu kedah diémut téh. Supados urang tiasa lempéng dina nyungsi kahirupan. édas fikminna, Kang!
Liman Sanjaya
Nyai Endit: muhun, ceu.. nu kantos kaalaman kaduhung tiheula teh waktos ditenggar ku domba we.. heuheu.. nuhun
Godi Suwarna
:"Kaciptana ku uing, Jang Liman teh padungdengan kieu bari ngaherang di Godog..! Siiip dekh...! Dibaturan ngeueungna ku uing, 'Jaaang...!"
Akang Remi
Lebah diri pisan Gan! Uingah rumasa ulukutek keneh didinya...Luar biasa ungkara basana, tabe, nun!
Endah Dinda Jenura
muir, Mang...
Ahmad Fawzy Imron
duh,,uih deui kana diksi aslina... Biasana upami fikminna sapertos kieu, cingcirining mang Liman nuju ngalesotkeun manahna tinu dipisonona...atanapi samulihna, mang Liman nuju tarik pisan rasa sonona.. :)
Muhammad Shohiba Nu'man
Rumaos bodo. Nu kaemut teh bati opat sehat lima sampurna bae.. heu.. Mantap, Mang!
Liman Sanjaya
Kang Perbu Godi Suwarna: muhun Kang, ngeueung nyaliramah teu rame.. heuheu.. ieumah etang-etang ngaguar panineungan samangsa diajar nyukcruk ajen-inajen karuhun..
Liman Sanjaya
Kang Remi Sadkar: anu tilu sapamulu, dua sakarupa, hiji eta-eta keneh panginten.. heuheu.. ah, diajar nyungsi diri malar anjog sareng gusti we ieumah..
Liman Sanjaya
Ceu Endah Dinda Jenura: diajar thowaf, mamanian tiasa sapertos pangal.. heuheu..
Liman Sanjaya
Kang Ahmad Fawzy Imron: ari kasonomah teu weleh ngeyembeng, malih tos bade mudal. heuheu..
Liman Sanjaya
Kang Muhammad Shohiba Nu'man: komo sim uingmah teu bodo-bodo acan, eta nu lima nu diangken kasampurnaan sementawis ayeunamah.. heuheu, nuhun ah..
Akang Remi
Wah, Tambih Tabe wae ieu pun uing ka Salira Gan Liman Sanjaya...Salam, Nun! Wilujeng bajoang geusan nepangan Anjeunna.
Liman Sanjaya
hadeuh, sok kamalinaan Kang Remi Sadkar mah.. nuhun kana pangrojongna..
Akang Remi
InsyaAllah moal kamalinaan, Gan Liman Sanjaya. estu saayana bae, kitu pasipatan uingah.
Liman Sanjaya
Kang Remi Sadkar: haturnuhun pisan..
Akang Remi
Mangga sami-sami, Nampi nuhun, Gan!