Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Dalingding Asih; Keur NÉnÉng

Kénging Tatang Sumarsono
Dipidangkeun dina lapak 28 Maret 2012 19:31:48

Geus gilig, rék dikedalkeun ayeuna, ungkara meunang ngapalkeun sapeuting jeput. Tempat jeung suasana éstu ngarojong pikeun kedalna dalingding asih: ka Nénéng.
“Lindukna soca salira, karaos tingtrim ngaiuhan lelembutan, lir tangkal juar di Malabar. Pami nuju pacaket kieu, dina sonten nu santen, haté Akang anu hanaang, asa kasiram asih salira anu wening. Duh, Nénéng, ku hoyong Akang salalamina ngarungrum, bari sakapeung susumputan dina rambut anu nyampay kana taktak salira …..”
“Ahihi-hi …,” kalah nyirihil.
Jadi pugag, kalimah tuluyna anu rék dikedalkeun ngadadak lus-les laleungitan.
“Kayas, kayas …, mani ngadadak jadi puitis jeung romantis, ahi-hi-hi …,” angger cécéngésan. “Asa maca fikmin meunang Si Kang ....”
“Serius, Nénéng, ieu téh.”
“Biasa wé atuh, Kang, ulah nurutan sastrawan moyan.”
“Kumaha, biasa téh?” mimiti nyereng.
“Ih, tong ngambek atuh. Nya biasa wé, tong fifikminan.”
Ngahuleng sakeudeung: “Heueuh atuh, Sarnéng, uing bogoh ka manéh!”
“Nyéta, Sarnéngna teu bogoh, Sartang!”

(bakal diteraskeun dina jilid 2, pami pangarangna purun)

Komentar (71)

Yanti Sri Budiarti
hahahah...Atuh janten pugag nu bade roromantisan teh Kang..?!
Mahpudin
resep abdi ari nyebat ngangge sar.. teh.. model sarpud.... heuheuheu...
EMAN BUDIMAN
Heuheu.... nu kayas teh janten kulawu duka hideung tah :)
Tatang Sumarsono
Duka jadi borontok, duka jadi renggé, Jang 'Eboed' Eman Budiman, leuheung kénéh kulawu mah.
Riyono Afdfvm
halah..ari si sarneng aya ku tega ka sarkang. piraku teu bogoh k sarkang, tingali tuh mobil ferari nu hawuk, teu kabita hahhaaa
Irman N Dimyatié
:"Tina Ratna janten Neneng...."
Tatang Sumarsono
Nya meureun pugag meureun, Neng Yanti, boa terus paséa mun teu galungan gé. Anu matak, pun uing mah tara kakayasan ... he-heh.
Tatang Sumarsono
Boa éta-éta kénéh, Ang Irman.
Dadan Sutisna
Sigana Mang Sartang téh lepat ngapalkeun naskah, cobi upami naskahna fikmin kenging ... kenging saha nya nu payun dika Mang Sartangkeun?
Jordan Kurniawan
ha ha ha na fikmin mah sartang masih keneh emut kana ungkara nu bade dikedalkeun, tapi mun dina kanyataan mah dijamin lep buleneng tah ungkara teh, duka teuing ka mana ngapungna.
Tatang Sumarsono
Ari naskah nu diapalkeun mah bener, Jang Dadan, ngan teu dipuasaan heula.
Remi Sadkar
Hahahahaha....dasar, si Sarnéng! Nuhun, Wa. Raos seurina yeuh!
Tatang Sumarsono
Nyéta heueuh, Ang Riyono Afdfvm. Ari ngakukeun maké Ferari, tapi hélem poho teu dilaan.
Putri Kinasih
heuheu.
Tatang Sumarsono
Heuheu deui, Neneng Putri.
Riyono Afdfvm
hhahaha....
Tatang Sumarsono
Si Sarnéng téa, Jang Remi (mun ceuk Jang Remi mah meureun pibasaeunana téh: tomboy). Padahal Jang Atang téh tos lami neundeun haté.
Remi Sadkar
Hahahaha...Sanes Tomcat deui, Wa?
Maman Gantra
Asa maos fikmin kayas ieu teh?
Hena Sumarni
sarjib-surajib uy....
Shohiba Nu'man
Tungtungnaa.....! Matak medenghel!Heuheu
Ahmad Yani
Hi hi hi hi hi hanas nurut, ari pek di tolak !
Tatang Sumarsono
Tah heueuh, tomcat, Jang Remi. Ku tukang penca gé hésé ditakisna tuda tomcat mah.
Tatang Sumarsono
Tiasa janten kayas, Ang Maman Gantra. Ngan kayasna téh kayas sahéab, bari naas deuih. Teu ludeung kana kayas enyaan mah. Paling2 ogé kakayasan, bisi ku batur dianggap teu resep ka wanoja, heu-heu.
Tatang Sumarsono
Alah, aya Ambuna Kaka. Iraha ngalayad ka YPK, Neng?
Rifan Sahrony
Haduh, ungkara nutos direka reka paburantak awut-awutan janten Sareng sareng Sartang.gkgkgkkk
Hena Sumarni
KangTatang Sumarsono: aya kagiatan naon tea kitu, nun?
Tatang Sumarsono
Sok aya waé. Dina teu aya gé, atuh ngobrol-ngobrol.
Endah Dinda Jenura
mamam tah, ahahhahha!
Ahmad Fawzy Imron
Ieu fikmin sapertos diserat ku nu yuswa 27an..padahal, nu katingal ku abdi, Kang Tatang mah moal tebih tina 37 taunan.. Hehe
Tatang Sumarsono
Muhun, Jang Haji Ahmad Fawzy Imron, ieu fikmin diserat ku Akang dina umur 37 taun. Harita téh taun 2002. Opat taun satutas reformasi anu ayeuna janten mancawura.
Riyono Afdfvm
ssttt...sweet seventen kang Ahmad Fawzy Imron.
Tatang Sumarsono
Nya wayahna wé dimamam, ku Jang Atang téh, Neng Endah.
Rohaendi
Kisah cinta fikminer ieu mah, doangna aya nu kasindiran tah? Boa boa mun fikminer barobogohan bakal. Kieu kajadianana, aeh ketang kumaha weh lalakonna Ka Jejen Jaelani War nyah? Ka Tatang Sumarsono, sumpah kula mah teu kungsi kitu kamari teh.
Endah Dinda Jenura
euuuummm... sanguan, supados wareg, hehhe! diantos Jilid 2-na...
Tatang Sumarsono
Ha-ha-hhh ... ari Si Aka. Kisah cinta fikminer mah tuh moal kieu, Ka Rohendi Pandeglang. Pastina gé ... lebih dahsyat!
Tatang Sumarsono
Tunggu tanggal mainnya .... Jilid 2! Tapi kétang, Neng Endah, kumaha mun aya anu kaisinan?
Nyimas Kanjeng Ratu Yuyu
ahahaha...."tingalikeun dina jilid 2 Sartang bakal ngajadikeun Sarnéng kabungbulengan!" ceuk Sartang bari ngaléos
Tatang Sumarsono
Kabungbulenganana, Nyimas, sssttt ieu mah rusiah kénéh, nya, ulah waka diwartos-wartos .... Muhun, kabungbulenganana téh sanés ku Jang Atang, da. Kadé, ulah waka diucah-acéh, bisi kadangueun ku cakcak bodas.
Dadi Arya
hahaha... aya raos yeuh. Mudah-mudahan teras purun, supados nu kaduana cios medal.
Nyimas Kanjeng Ratu Yuyu
sip lah...
Dewi Ratna Damayanti
Hahahahaha.. Meni ku tega eta si sarkunengnya kang..
Budi Mugia Raspati
Ah angger teu wantuneun kayas sakayas kayasna..ngagiwar!
Iwan Hanjuang
pakeukeuh-keukeuh, mun dina penca mah cibarusah, itu muru urang misah...
Lenny Magdaleni
Tembak langsung atuh Kang, jadi Neneng oge tiasa saklek ngawalerna....hehe
Rohaendi
Ka Tatang Sumarsono ke interupsi heulan. Kula can pati ngarti nerapkeun tanda ( ; : ) dina judul DALINGDING ASIH; keur NENENG, atawa di tengah ...Ngahuleng sakeudeung: "Heueuh atuh, Sarnéng, uing bogoh ka maneh!" kumaha lilinggeranana. biasana isok amprok teh mun dina skenario drama kula mah. halah ngagawekeun, punten.. nuhun ka
Ki Hasan
Uing mah waas ku tangkal juarna. Pedah dikebon sok dipelakan juar. Dapuguh eta teh kai nu hade keur tihang piimaheun. Kuat nahunan. Kari-kari aya asih handapeun tangkal juar. Eksperimen aheng. Geus atavisme deui wae, jigana. Ngawanohkeun deui kai lokal banda urang. Hehehe
Tatang Sumarsono
Neng Dewi, untung Sarkunéng kitu peta téh ka Jang Atang, nya? Cobi pami pmi sanés ka Jang Atang.
Tatang Sumarsono
Ngagiwar, Ang Budi Mugia Raspati. Mun dina ulin mah Cikalongan. Cukup ku ngobahkeun taktak saeutik, bedog lawan ngeplos ngahakan angin. Ulin Cimandé mah, Ang, rék Tarikolot rék Kampungbaru, bagian nu ngarora atuh.
Tatang Sumarsono
Tembak langsung, Neng Lenny? Jih, si Enéng ngabobotohan euy!
Tatang Sumarsono
Rada panjang medarna, Ka Rohendi Pandeglang. Kudu nyalsé tamah.
Lenny Magdaleni
Muhun, tembak bae Kang! Perkawis waleran mah, kuma engke..! Naa...da Akang teh pameget, ditampi sila, ditampik...mah duka..! hehe...
Tatang Sumarsono
Nambut tina lagu, Ki Hasan: " ...linduk imutna, ngaiuhan lelembutan lir tangkal juar di Malabar sonten nu santen ieuh, sasih Agustus éh ... ka saha haté nya betus .... ... sonten nu santen ieuh, sasih Septémbér éh ... ku naon haté ngageter .... Pasinina Januari urang rék patepang deui .... (bisa lah, pun uing gé kna kayas sahéab mah)
Remi Sadkar
Mang Koko nya, Wa?
Iwan Hanjuang
Remi Sadkar. laras Mataraman.
Iwan Hanjuang
tawis soca dina ati..
Is Tuning
.. "Naha teu bogoh ?" "Nya henteu wé.." "Naha bet henteu ?" "Ah, teu kunanaon..." "Teu kunanaon mah, naha bet teu bogoh ?" "Meugeus Sartang !" "Meugeus naon ?" "Cicing !" "Ah, ieu gé cicing, teu bari lulumpatan !" "Tah, nu matak Sarnéng teu bogoh gé da Sartang téh pikasebeleun !" "Jadi, kumaha atuh ieu dalingding asih téh ?" "Ah, teuing.." "Néng.." "Teuing !" "Néng..!" "Ah !" "Sarnééééng !" "..."
Tatang Sumarsono
Alus tah, Jang Is Tuning, jigna, mun ditambahkeun kana drama "Kawin Ucing".
Yusef Muldiyana
Geus gejlig deui waé yeuh fikmin hédéd madé in Kang Tatang Sumarsono, Dongeng anu matak tingtrim kana sukma anu kasmaran, matak sumringah ka jiwa anu dikekeb ku asmara, fikmin anu kalintang haneut siga cai anu téréh ngagolak. Dalingsih asih anu matak ahihiihi... siga seuri Remi Sadkar pami seuri dina lomen, matak hareueuh, siga Jojo Johari, ahihihiiii... karunya teuing Sartang ditampik ku Dewi Ratna Damayanti ... hareueuh
Tatang Sumarsono
Masing nyabit-nyabit Remi Sadkar gé, telat lah, ngadamel komén téh. Tos, tong ngasongkeun alesan milarian heula topi anu disumputkeun ku Meila Handayani (éh, topi nya disumputkeun handapeun bantal téh?). Matak gé tong kuramas waé. Eh, enya, Ang, ibu walikota amanat, kadé hilap ngaleueut jajamu, saurna. Tapi kadé, ka tukang jajamu mah ulah kawas ka Kang Endut (sanés saur ibu wali ieu mah, saur Jang Is Tuning).
Dewi Budi
Diantos jilid 2 na, kedah purun............hehe
Yusef Muldiyana
Kang Tatang Sumarsono , sanes milarian topi, parebut komputer sareng pun anak tiluananna, nya glig weh iung teh kulem.... gugah2 nembe
Tatang Sumarsono
Kitu, Ang Yusef Muldiyana II? Nya mending gé kulem, ngarah teu aya anu timburuan. Pastina gé ngimpi tigujubar ka kolam renang, nya? Cing, kumaha peraosan Aang, pami di éta kolam ujug-ujug seueur buhaya nu nuju dioconan sareng dicoo ku widadari. Naha Aang badé angger milih janten sutradara?
Yusef Muldiyana
Pami tikujubar kana balong nu ssueur buaya, eta para buaya ku uing baris ditiupan socana hiji-hiji sangkan ngariceup, sajabi jandi sutradara oge, bade ngalatih Persib sangkan jawara hahahahahahahahahahahahahahahahhahahahahahahahahahahahahahahahahahahahahahahahahahahahahahahahahahahahahahahahahahahahahaaaaaaaaaaaa....!
Tatang Sumarsono
Padahal mending didamel roti, Ang Yusef, éta buhaya téh. Tah, para widadarina, candak ka Rumentang Siang, da pasti seueur anu peryogieun. Kadé hilap, Ang Godi Suwarna sareng Ang Deden Abdul Aziz kedah dihaturanan. Mun aya sésana, uing agéhan. Aang mah ulah palay, ah. Apan di Persib tos gaduh gawang.
Meila Handayani
HªhªhªHªhªhªHªhªhª ..ek olohok weh ahh
Bunda Unie
Ahahahaha....halah!!!
Dewi Ratna Damayanti
Hahahaha.. Kang yosep laik dis pisan tah
Dadah Hidayat
Tah namina sami sareng Neneng Sitanggang. Hehehe
Tatang Sumarsono
Nembé gé tilu rondeu, Ang Yusef Muldiyana II, bangun nu tos séép tanaga. Hayoh, Ang, uing di kalang kénéh.
Tatang Sumarsono
Jih, kacida seueurna istri anu dinamian Nénéng téh, Ang Dadah Hidayat. Sok sanaos pun uing bakal sanduk-sanduk pami garwa salira namina sami, Nénéng. Punten, da ieu mah fikmin.