Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Anjing!

Kénging Mochamad Ziaulhaq
Dipidangkeun dina lapak 24 Maret 2012 10:07:51

Imah sepi jempling, ngan ukur sora barudak ulin di luar. Patingcakakak, heureuy gogonjakan. Lalumpatan, simpé. Di gigir imah, gang paliwatan. Sakapeung, sora nu ngobrol kadéngé jéntré. Duaan di kamar: budak opat taun jeung indungna. Hiji mangsa. "Anjing!" Sora écés pisan kadéngé ku budak awéwé nu keur dikeukeupan. Teu ngarti.

Pasosoré, dina angkot. Sup barudak SMP, bari nepak baturna, "Anjing! Ngéséd manéh." Budak awéwé melong, semu murungkut. "Ku naon, Néng?" Ceuk indungna bari nutup hapéna.

Isukna. Indungna riweuh masak. Budakna anteng bobonékaan, seuri sorangan. "Néng, buru kadieu deui, pangmawakeun hapé!" Nu anteng kaganggu, kesel pisan. "Anjing, nitah waé!" Pokna bari ngabanting bonéka. Pohara.

Komentar (11)

Ki Hasan
Asik jalan caritana. Ngan jigana sababaraha kecap kurang pas ngalarapkeunana. Jiga ieu misalna: 1. Hiji mangsa. "Anjing!" Sora nyeplés pisan kadéngé ku budak awéwé nu keur dikeukeupan. Teu ngarti. /nyeplés/ mah keur komparasi. Jigana leuwih hade milih /eces/ (ind. jelas). 2. Budak awéwé melong, semu murungkut. Klik! Hapé ditutup, "Ku naon, Néng?" Ceuk indungna. Uing bingung, budak awewe opat taunan, mamawa hape.
Mochamad Ziaulhaq
Nuhun Ki Hasan, ké diédit: écés. 2- maksadna indungna nu tatadi nelpon/sms, jd budak teu kaperhatikeun. Nuhun, Ki Hasan.
Mochamad Ziaulhaq
Nyeplés, kedahna écés. Hiji mangsa. "Anjing!" Sora écés pisan kadéngé ku budak awéwé nu keur dikeukeupan. Teu ngarti.
Dewi Budi
teu kenging unjang-anjing atuh jing...........!!
Mochamad Ziaulhaq
@dewi budi, ampun Téh, simkuring mah ngan ukur nga-fikmin-keun fénoména. -hahahaha.
Dewi Budi
tapi sae, ngangkat realita sadidinten...jing...hehehe
Ki Hasan
Kang Zia, coba lebet ka situs fikminsunda.com, teras eusian profilna. Carana ketikeun ngaran salira, terus eusian. Ngarah naskah tiasa diedit upama aya nu kurang pas.
Mochamad Ziaulhaq
Mangga Ki Hasan, siap komandan!
Mochamad Ziaulhaq
@dewi budi, ƗƗɑƗƗɑƗƗɑƗƗɑƗƗɑƗƗɑƗƗɑƗƗɑƗƗɑ... Tah éta mah budak awéwé tadi tos jadi wanoja. Nempel kénéh anj**gna dina émutanna. #hadeuh.
Rudi Riadi
Beu, naha ieu fikmin hade kieu bet kalangkung ku sim uing. Haduh, heded pisan yeuh, fenomena 'anjing' nu tos janten kecap panyambung keur barudak jaman kiwari. Salesresna pisan tuda, jaman kiwari mah, salian ti wani ngalawan ka sepuh teh, eta geura sok aya garihal deuih. Jempol Kang.
Mochamad Ziaulhaq
Rudi Riadi, haturnuhun kang! Jempolna diageungkeun.. -hehe.