Update: 27 April 2012 06:20:07

Tradisi Tragis

Ku Tatang Sumarsono

“Ari sia, Dawala, ku naon tadi ngelétan jeung ngiceupan waé sindén?”
“Sangeunahna pisan nyarita téh, Aka! Teu pisan-pisan ngiceupan, uing mah kapireungpeunan.”
“Ngangles siah! Hayang ditanggélong?”
“Kitu ari bogoh teu dilayanan téh. Meupeus keuyangna ka uing. Abong boga lanceuk teu kungsi ngahakan sakola.”
“Ngomong naon siah? Ngajak jogol?”
“Dikira uing sieun kitu, pegék?”
“Na ieu mah anak-anakan. Teu di mana, teu di mendi, ngan ribut wé. Ari maranéh teu nénjo, apan saréréa keur reureuh ieuh. Capé, balas manggung sapeuting jeput. Tuh sing hawatos ka Agan Perbu Anom, ti tatadi humarurung urut katonjok iga burungna. Mangké rék galungan mah, mun urang geus dibijilkeun tina kotak. Pék di dinya mah sing ramé, sangkan nu lalajo suka.”
Hanjakal, nu gemprah ‘na jero kotak, reureuhna sapapanjangna. Taya panggung eusianeun. Pangsiun saendeng-endeng. Béak dihakan ku rinyuh.

Koméntar kana ieu Fikmin:
  1. Akoer Lah: Rinyuhna teh meureun nu sok malingan pabeasan di goah nagara.
  2. Bunda Unie: tragis...
  3. Ison Subekti: duh..ieu mah fikpol deui wae...
  4. Akoer Lah: Tah di dieu aya Mang Cepot & Dawala jogol, hehehe...punten Kang Tatang, da sok getek mun teu nautkeun teh : http://www.youtube.com/watch?v=vP9ud9RzOqo
  5. Tatang Sumarsono: Enya, Ang Akoer Lah, béak dihakan ku rinyuh. Réa pisan tuda rinyuhna téh, nyarumput dina laci birokrat atanapi dina map calo proposal.
  6. Tatang Sumarsono: Fikpol, Ang Ison Subekti? Fikmin jempol, fikmin politik, fikmin popolotot? (tapi entong ari fikmin ngompol mah).
  7. Akoer Lah: Muhun Kang, ayeuna mah panggung teh parongpong ku pangagung nu jalujur, sanaos memang ti jaman Soekarno keneh nu namina rinyuh teh tos ngagalaksak. Saur tiori katatanagaraan, ancurna nagara teh aya paktor "inern" sareng "ekstern". Nu "intern" sapertos Perang Paregreg di Majapahit, atanapi ibarat tangkal kai rungkad alatan di jerona digorogotan ku sabangsaning sato "pengerat", sapertos rinyuh atawa toko. Tah pami fikmin ngompol2 kitu mah, nya Politik Cerdas tea (Ngompol na liang leutik mancer bodas, hehehe....punten ah...)
  8. Ki Hasan: Tah ieu, kaluar geuning. Fikmin pasea. Ngarah kosakecap pasea, teu kakubur. Mantap.
  9. Entjep Sunardhi: Waas ti jaman lalajo wayang di nu hajat atawa di alun-alun, kapeutingnakeun loba barudak nu sare digayor sarung di kolong panggung. Kadieunakeun wayang moderen sakapeung geus apal kota sok ka ypk.
  10. Kang Hanjuang Siang: ah.. ieu mah simbol.. jaman ayeuna geus arang langka nu mikaresep budaya sunda. matak loba dalang nu jadi tukang macul..
  11. Teti Taryani: Keur budak sok diajak ku rombongan wayang, serimpi na sela-sela carita, disawer sok asa reueus... nineung...
  12. Iwan Hanjuang: ke atuh overture geus ditabeuh der rek galungan ge,ulah tanaga beak memeh waktuna, ngahangkeutkeun we heula, tapi angger kudu neundeuntanaga keur engke jogol, ulah dina prungna euweuh keur nyepak euweuh keur najong, siaaaaaaapp grak we heula.
  13. Kang Hanjuang Siang: Aéh punten kalangkaung, matak pantes loba wayang ngan saukur jadi eusi kotak.. hehehe da jarang aya nu nanggap.. pun.
  14. Akoer Lah: Dupi Kang Iwan Hanjuang sareng Kang Hanjuang Siang, aya kapi wargi kitu atanapi kapi...pir?
  15. Iwan Hanjuang: Akoer Lah, misah indung teu sabapa, patuturun tina godog..
  16. Jordan Kurniawan: janten waas wayang golek
  17. Akang Remi: Waduh..Wa Tatang Sumarsono. Meni kulantip, nyarioskeun nu burung teh. Katawis pisan lebah dieu mah, waktu tea geuning, Wa. sapertos kasauran salira. Nu bakal ngasakeun kaweruh teh. Ditampi ajieunana, Wa.
  18. Ambuna Kaka: emh................beakeun penggemar deuihanan. nasib budaya, na iraha deuk nanjungna cara boy sareng girl band?
  19. Umi Syifa: bner2 tragis . . can ge sababaraha menit, geus ku rinyuh
Ngeunaan Ieu Naskah:
Naskah lianna karya Tatang Sumarsono
  1. Surat Keur Euis
  2. Alur Informasi
  3. Tina Catetan 1973
  4. PotrÉt Euis
  5. Asmaradahana Hiji
  6. Malim Buhaya
  7. Sindang
  8. Dalingding Asih; Keur NÉnÉng
  9. Lonely Lady
  10. Hayam Lisung (minangkana Carita Pantun)
  11. Catetan Paninggaran
  12. Ratna
  13. Madraji
  14. Horse Cruising
  15. Dulkonang
  16. Juru Catet
  17. Pasar
  18. Albeum Pilkada
  19. Kawin PÉrak
  20. Tina Pangalaman Ani
  21. Paguneman SimpÉ Dua
  22. Mafioso
  23. PasÉa High-tech
  24. Tradisi Tragis
  25. Kresna Dutaningrum
  26. Élegi Kingkin
  27. Carita Pantun Mahiwal
  28. Kadongdora
  29. CÉlÉng Wayungyang
  30. NÉnÉng BadÉ Nikah
  31. Pilkada Tilu Paragraf
  32. Anggota DÉwan Manten
  33. Rapat Tim SuksÉs
  34. HÉrlina
  35. Telepon
  36. Liwung
  37. Rumpaka Tembang
  38. Tilu Sms
  39. Nyimas Sanés Euis
  40. Carita Biasa 3
  41. Carita Biasa 2
  42. Carita Biasa
  43. Meuntas
  44. Catetan Pangandaran, 1974
  45. Hijrah
  46. Fikmin
  47. Fikmin
  48. Karna
  49. Fatimah
  50. Kabéh Gé
  51. Harisbaya
  52. Paguneman Simpé
  53. Gedong Saté
  54. Munjung
  55. Tilu Paragraf
  56. Serat Ka Citraresmi
  57. Dialog
  58. Gentong
  59. Tsunami Pangandaran
  60. Keusik
  61. Bagawan Sirna Di Rasa
  62. Lutung
  63. Fikmin
  64. Dasi