Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Teu Hayang

Kénging Taufik Hidayat
Dipidangkeun dina lapak 28 Fébruari 2012 12:25:07

"Pa..adé ulang taun." jelas kana ceuli nongtoréngan kénéh. Ngarenghik hayang momobilan rémot. Leng kana sirah asa lieur. Duit Lima puluh rébu asa moal mahi meuli kacooan nu jiga kitu di dieu mah. Jam opat soré. Budak beuki ngarungsing. Kuring ngojéngkang muru kamar. Rap iket paméré kang Acah dipaké, ngahaja sina tarik meungkeutna supaya teu lieur teuing sirah. Sanggeus manaskeun motor, biur indit muru alun-alun bari ngaboncéng budak. Pamajikan ukur olohok.
"Tah naék mobil ieu wé nya adé mah." ceuk kuring bari nunjuk kana momobilan séwaan. Budak unggeuk bangun atoh. Sakuir, dua kuir, nepika sababaraha puteran can eureun waé. Kuring bingung da batur mah ngan dua kuriling gé sok terus eureun.
"Mas, ko belum berhenti? Wah nanti saya kurang bayarnya."
"Ga apa-apa kang, gratis. Biar aja anaknya juga masih seneng main. Saya yang harus makasih banget sama akang, kawan-kawan akang ngasih izin sy mangkal disini. Akang kan dari perkumpulan......"
Teu kebat nyaritana. Kuring kaburu mundur bari muka iket. Dina hate ngagerentes. Teu... Teu.. Teu hayang dipikasieun urang mah.

Komentar (7)

Ade Nendang Rahman
Heuheuheu... make baju Ki Sunda kalah dianggap okem........
Jojo Johari
Dianggap preman? ..heuheuheu hareueuh?!
Iwan Hanjuang
padahal sakalian we atuh pa;ak kadinyah...
Mahpudin
heuheuheuheu.. duh jadi inget ka anak sorangan.. heuheuheu.. hatur nuhun ah fikmina.. heuheuheu...
Taufik Hidayat
Kang Ade Nendang Rahman... Heuheu.. Padahal abdi mah bakat ku nyeri sirah eta teh . Kang Jojo... Wajah preman hati beriman.. Heueuh hareueuh.. Kang Iwan Hanjuang... Sieun ah malak mah, bisi dikerem ke sayah hahahahaha. Kang Apoedy... Nyanggakeun fikmina. Hatur nuhun tos nyurahan.
Maman Gantra
Heded, Kang! Teu nyangka. Nu katewak ku sim kuring, ieu fikmin ngarawu sabaraha lapis pasoalan: Robahna karesep budak leutik, hargana nu mahal (hartosn soal pekonomian urang sarera), oge ngeunaan iket -- nu singhoreng miboga harti lain keur sawatara jalma. Nya, bagean eta nu oge matak ngejedud kana mamaras nu maos. Wilujeng, Kang!
Taufik Hidayat
Kang Maman Gantra... Leres pangersa. Hatur nuhun tos nyurahan.