Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Sajak Keur Ratna

Kénging Abah Sarjang
Dipidangkeun dina lapak 23 Fébruari 2012 08:41:12

Ratna, ieu sajak ditulis dina hiliwir angin janari, mangsa pucuk haur pating garupay. Biru langit dipulas méga saulas, nyacas, kawas gumujeng salira nu béngras. Nutug jajantung.
Ratna, ieu sajak dipeureut tina acina peuting, nu ngagenclang kinyang reumisan, sabab imut anjeun nu kareueut, lir hinis ipis nyodét tangtungan. Kuring katalimbeng saméméh tepung.
Ratna, ieu sajak dibewarakeun ka sakuliah jagat, ngaliwatan rénghap ibun jeung halimun. Susuganan pareng nembus lelembutan, seja nepikeun tilam katresna. Wiréh raray anjeun beuki nerekab, minuhan rohang implengan.

Komentar (44)

Maman Gantra
Katampi pisan, Kang! Raos! (Mugia Teh Ratna maos sajak salira ieu. Amin)
Yusef Muldiyana
Wéy... édun suré dun , fikmin gaya sajak ciciptaning Abah Sarjang meni cudem tur peueut, odep pedo. Meni geugeut ka rATNA Téh. Yup ujang urang barandungan.
Eman Rais
Wow, tada temen pahibekna alam rohang dada.
Rochaeni Neni Albanjari
aduh enjing keneh Ratna mah tos kenging sajak katresna...meni anteb, meni leuleub...meureut kadeudeuh....
Godi Suwarna
:"Halah, riweuh boga dulur beger deui mah. Batur salat duha, der ieu mah kalah ngarang sajak. Mending mun Neng Ratna, budak SMA kelas 2, ngartieun. 'Apa seeh maksudnya, 'Bah..?' paling ge malik nanya. Anjing ngidul, bagong ngaler. hehe..."
Sarjang
Maman Gantra : Nuhun katampi mah Kang Man. Sok atuh geura wartoskeun ka Neng Ratna, atuh wios ditingali ku sabeulah panon ge.. (da ieu mah teu sabeulahsabeulah acan...heu..)
Rudya Kuz
widi ah bd di copas ..hehe
Dewi Budi
Duh........meni hoyong janten Ratna............enjing2 tos kenging sajak......dupi engke siang bd ngintun naon ka Ratna teh ?hehe..........
Jojo Johari
Hadduh! Dibewarakeun ka sakuliah jagat? Nganggo naon ngintunna? ..heuheuheu ..hareueueuh?!
Sarjang
Yusef Muldiyana II : Teu kenging dibandungan wungkul atuh Kang Yus... Kedah didukung sim uing bogoh ka Ratna teh...
Sarjang
Eman Rais : Walah pahibek pisan Kang... Uing maksudna teh, da Ratna mah harehare... heuheu..
Heryaman Art
galih tea kitu kabogoh Ratna mah...
Sarjang
Neni Geo Albanjari : Muhun sawewengi ngimpleng sajak kanggo Ratna, ari tos diposting ukur ditembal ku panaros " maksudnya?"... Harruuuh...!
Sarjang
Godi Suwarna : Kedah ngango sajak bahasa tubuh jigana mah nya Kang Prab... Langsung huthet masang jurus rengkas randa...
Sarjang
Rudya Kuz : Sumangga dihaturanan...
Sarjang
Dewi Budi : Sami Teh, sim uing ge tos lami hoyong ngajanten ka Ratna.. Enjingenjing dipasihan sajak, sonten dipasihan sajak, wengi oge sami. InsyAlloh bobogohan sareng sim uing mah, program diet pasti berhasil.
Yadi Fathur
Ratna.. Ieu sajak dikomentara ku uing... heuheh... siip bah..
Sarjang
Jojo Johari : Nganggo gerentes Kang Jo.. Ngaliwatan renghap ibun jeung halimun.
Eman Rais
Sing shabar bae Bah, ken sugan ayeuna teugeug pami rajin diawuran kin lami2 oge ngabeledug. Piraku teu matak eundeur.
Nyimas Kanjeng Ratu Yuyu
Ratna...sono ka anjeun beuki rongkah 'na dada
Sarjang
Heryaman Art : Ratna nu eta mah kedahna ditaroskeun ka Kang Edi D Iskandar...
Sarjang
Yadi Fathur Berkata : Ratna ieu sajak geuning kalahka meuting di fikmin... Nuhun Kang!
Dewi Budi
cobian ateuh gentos tah nami Abah Sarjang teh janten GALIH...........
Sarjang
Eman Rais : Hehe.. Muhun nya, lamun keyeng tangtu pareng, jurus gerenyem nilem tea panginten nu kitu teh Kang...
Sarjang
Nyimas Kanjeng Ratu Yuyu : Ratna... Sono ka dada anjeun, beuki rongkah... Alaah...!
Nyimas Kanjeng Ratu Yuyu
euleuh...kanu dada nya?
Heryaman Art
di dadaku ada kumismu....hehe
Sarjang
Dewi Budi : Muhun tadina mah hoyong digentos nami teh, janten Galih. Mung kumaha atuh da geuning sesah di enonesa mah. Akteu, KK, KTP, sagalana kedah digentos... Wios pasrah we kana takdir.
Eman Rais
Suhunkeun bari muntang ka Mantenna. Insyallah tinekanan baris ngiring mangdu'akeun manawi aya PangersaNA. Asal ulah cinta ditolak ... weh, matak pamali nun.
Rochaeni Neni Albanjari
euh manawi tos nyampak sajak wengi kg Ratna na Bah...bd ngiring maos...
Sarjang
Nyimas Kanjeng Ratu Yuyu : Muhun Teh... Sono ka dada Ratna nu rongkah, nyimpen ruparupa kanyeri sareng tunggara, panghina sareng panyawad. Tapi teu weleh sabar disarengan ku imut bear marahmay...
Sarjang
Heryaman Art : Kaleresan sim uing mah teu miara kumis... Hehe...
Sarjang
Eman Rais : Puguh ge parantos ditolak Kang... Hiks hiks hiks... kedah kumaha atuh uing teh....
Sarjang
Neni Geo Albanjari : Moal waka dipedar sajak wengina mah Teh. Apan ayeuna mah wengi Jumaah... Bilih bentrok sareng Fikmin Horor....
Eman Rais
Shabar, bari ngareret ka Ratna anu kadua.
Dédén Abdul Aziz
Torojol Ratna deui... Taregep lah boga karakter matuh. Ratna nu Abah, Lilis nu Ang Nu'man, Opan nu Ang Grande... Hehehe
Meila Handayani
saha atuh ratna teh? *ngahuleng hihihii
Teti Mardiana
Ratna, kembang impian Abah Sarjang... sok sanos mung ligar na sawangan...
Sarjang
Eman Rais : Duuh puguh ge mung aya hijihijina di Banjar mah...
Sarjang
Deden Abdul Aziz : Hehe... Ratna nu sim uing mah mun seep setrumna teh sok amukamukan, mantak pugag kana fikmin...
Bunda Unie
Hmmm...cobi ratna na gentos ku Bunda Unie...hehehe...
Sarjang
Meila Handayani : Duka puguh Teh... *ngiring ngahuleng
Sarjang
Teti Mardiana : Manawi Teteh gaduh Ratna, sim uing peryogi pisan, kanggo mikmin... Heuheu...
Sarjang
Bunda Unie, ieu sajak dibewarakeun ka sakuliah jagat, ngaliwatan rénghap ibun jeung halimun. Susuganan pareng nembus lelembutan, seja nepikeun tilam katresna. Wiréh raray anjeun beuki nerekab, minuhan rohang implengan.