Update: 31 Maret 2012 02:00:09

Raheut

Ku Dadi Arya

Haseup roko, ngulibek. Botol-botol bir, pasoléngkrah. “Kenang-kenangan ti kulisi euy!” si Sakim némbongkeun tapak pélor. Dina bitisna. Cakakak. “Tah, bati nyepeng Cicaheum!” si Kadir mairan. Nunjuk tatu bedog dina palipis. Tuh! Tah! Yeuh! Cakakak! Nu séjén pada narémbongkeun tapak tatu, pangaboga séwang-séwangan. Dina sirah. Dina leungeun. Dina awak. Tingcakakak, nyebutkeun kasang tukangna. “Ari Akang?” cekéng. Lalaki sembada nu sila tutug, muka baju. Nyarandé. Nunjukan dadana nu kénca. “Tah, ieu…raheutna can lita.” Saréréa hémeng. Euweuh tapak nanaon. Mulus! “Ku manéhna…” pokna, némbongkeun poto. Mojang manis. Dijilbab.
Jep, saréréa jempling. Euweuh nu nyora.

Koméntar kana ieu Fikmin:
  1. Maman Gantra: Heded! Rupina, tijalikeuh manan langkung nyeri manan pelor nya? Dalah jawara ge matak ngaheluk saumur-umur... Hahaha... Sae, Kang!
  2. Akang Remi: Huahahahaha.....écéng, manahoreng leuwih sakti!
  3. Godi Suwarna: :"Jamparing asih mah langkung seukeut, langkung matak peurih kana hate batan pakarang nanahaon bae...! Hehe..! Siiip dekh...! Jempol, Yi Perbu..."
  4. Meila Handayani: Hahaaayy..eleh ku eceng mah ☺Ήii☺Ήii☺Ήii•••☺
  5. Abah Na Ambu: ckckckck .......hémeng duka naon nu pantes dikmenkeun...siph lah pokonamah
  6. Muhammad Shohiba Nu'man: Gusti.. Diberesan ku nu eta mah.. heuheu.. Jempol sadaya-daya Kang Dadi..
  7. Dadi Arya: Kang Maman Gantra tah muhun jawara gé ngadadak lungguh timpuh..
  8. Dadi Arya: Kang Remi Sadkar, Hidup écéng! hahaha....
  9. Dadi Arya: Kakang Prabu Godi, hatur nuhun....tulang wesi urat waja, ngulahék ku asih mah, heuheu..
  10. Dadi Arya: Ceu Meila Handayani, écéng téa.....matak ngajéngjéhé!
  11. Dadi Arya: Abah Na Ambu, cinta, mémang tidak bisa dilukiskan kata-kata, heuheu..
  12. Dadi Arya: Kang MSNu'man, katampi jempolna, hatur nuhun. Hoyong mikmin kayas nu ngalagena, sapertos nu kagungan, halah meni sesssaah! Na, podonghol téh tina sela-sela tatto...
  13. Nyimas Kanjeng Ratu Yuyu: Manawi éta foto si mojang téh sami teu sareng PP ieu? heuheu
  14. Irman Dimyatie: :"Nyeri Hate.... ditolak cintana hahahahahaha......."
  15. Abah Sarjang: Tetela lalaki nu jago teh, nu bisa meruhkeun rasa nya Kang...
  16. Iwan Hanjuang: dewang nya dada jawara teh ku nu dijilbab mah..
  17. Dadi Arya: Aceuk Nyimas Kanjeng Ratu Yuyu, ké..ké..ké...badé diakurkeun, manis +jilbab mah rada nyurup... namung, pami dikinten-kinten, dina poto ieu mah, 47 kg. Poto juh taun kalarung kitu? heuheu..
  18. Dadi Arya: Kang Irman Dimyatie, ticengklak...cinta ditolak, wirid bertindak. Pami santri mah. Ké, ari jawara, naonnya nu bertindak? hahaha..
  19. Nyimas Kanjeng Ratu Yuyu: berarti sanés jawara nu éta nu kantos gudawang ku pp ieu mah
  20. Dadi Arya: Abah Sarjang, deuh...saé pisan étah kamandang. Sip pisan! Saurna meruhkeun lalaki, ku logika. Meruhkeun istri, ku rasa.
  21. Akoer Lah: Kantos nongton pilem "Jaws", mung hilap deui seri kasabaraha, pas keur rarineh para awak kapal teh masing2 nunjukkeun tatu urut digegel hiu, nu terahir nembongkeun saperti lalaki sembada eta, hatena gudawang ditolak cintrongna ku Sally cenah, hehe...
  22. Meila Handayani: nembe gudir ge tos parah ku eceng mah komo mun kacugak hihihihihi....
  23. Ahmad Fawzy Imron: Nengel pisan kana mamaras ieu mah.. Asa kawakilan ku fikmin salira..tatu nu teu acan lita, estu ngagurat manjang..manjang, teu acan aya tungtungna. Jempol, kang..
  24. Meila Handayani: aw kang ayank Ahmad Fawzy Imron kacugak eceng oge?hadeuhhh
  25. Yanti Sri Budiarti: Raheut palih dinya mah sesah damangna...he he Kajabi dilandongan deui kunu "manis"
  26. Ahmad Fawzy Imron: Teh meila..apan ku teteh ayank..heu
  27. Meila Handayani: Ahmad Fawzy Imron aw..gdubraakssss...#JLEB
  28. Bunda Unie: Cinta memang GANASSS!!!!
  29. Lies Tjandra Kancana Sudarma: Euleuh,kutan?? Hawatos teuing.....
  30. Dadi Arya: Aceuk Nyimas Kanjeng Ratu Yuyu, nu gudawang ku PP éta mah jawarana moal ameng sareng botol bir atuh ah...heuheu
  31. Echa AnggieAni: mung tonggongna bolong tah... hiii
  32. Dadi Arya: Kang Akoer Lah, Tuh geuning, tos aya carita ti kapungkur kénéh. Pemburu hiu gé, gudawang...
  33. Dadi Arya: Ceu Meila Handayani, alah muhun nya, cacak gudir tatéh...haruuh!
  34. Dadi Arya: Kang Haji Ahmad Fawzy, leres manjang...énténg bangga tambana gé. Kedah ku parancah nu sanés samanéa.
  35. Yusef Muldiyana II: Moang manis di jilbab, duh kayungyun
  36. Dadi Arya: Bunda Unie, Ganas! tara pancakaki, sasaha gé, dihanca.
  37. Dadi Arya: Aceuk Lies Tjandra, Kitu pisan, Nun...
  38. Nyimas Kanjeng Ratu Yuyu: muhun leres..amengna sareng kapur waé...heuheu
  39. Dadi Arya: Aceuk Echa, bolong tonggong mah sanés jawara, tapi ririwa, heuheu
  40. Dadi Arya: Kang Yusef Muldiyana II, mahasiswi UIN nu maos cerpen sunda téa, Kang...hehehe
  41. Dadi Arya: Aceuk Nyimas Kanjeng Ratu Yuyu, payus atuh nu sok amengan kapur, ngaréndéng sareng salira mah....wilujeng 'curat-corét', hehehe
  42. Nyimas Kanjeng Ratu Yuyu: Kang Dadi Arya... bubuhan tepangna gé di tempat damel atuda...heuheu cinta lokasi téa upai iistilah budak jaman ayeuna mah
Ngeunaan Ieu Naskah:
Naskah lianna karya Dadi Arya
  1. Nu Cinutrung Di Juru
  2. Bujang Kolot, Ditonjok Congcot
  3. Gratifikasi
  4. Ngimpor Carios
  5. Rapat Dengar Pendapat
  6. Raheut
  7. Sabot PoÉ Juma’ah
  8. Lalangsé ‘na Pecel Lélé
  9. Nu Teu Kacatur, ‘Na 10 Nopember
  10. Sipir Penjara
  11. Zhang Xiaoling
  12. Zhang Xiaoling
  13. Nu Marakayangan
  14. Sanggeus Tujuh Taun
  15. Balabuh
  16. Nu Tinggaleun
  17. Maleman Pangantén
  18. Uyah Kidul
  19. Ubar ‘Ventrical Septal Defect’
  20. Singhoréng
  21. Nyanéh Heula!
  22. Mulang Tarima
  23. Pileuleuyan, Eulis…
  24. Kahalang
  25. Gandrung Kapegung
  26. Tilu Menit Panungtung
  27. Teu Mais Teu Meuleum
  28. Sérpis Tipi
  29. Ajug
  30. Kado
  31. Mardud
  32. Rayagung
  33. Nipas
  34. Harewos Hulu Angen
  35. Insap Ku Google Earth