Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Bé T é C é

Kénging Yusef Muldiyana II
Dipidangkeun dina lapak 18 Fébruari 2012 22:42:58

Ti kulon, mangratus ajengan ngagaridig, ngabring ka wétankeun, marawa panakol.
Ti wétan mangrebu santri ngabandaleut , ngajugjug ka kulonkeun, mawa pangebug.
Ti béh kidul murudul mangpuluh rebu ulama dag dég dog leumpang ka kalérkeun, marawa obor.
Ti lebah kalér para Majlis Taklim tur ibu-ibu pangajian rurusuhan muru kidul, mawa jarikén jeung pakarang séjén.
Nu ti kulon, ti wétan, kidul jeung kalér ngagimbung di alun-alun laju ngaleut ka Terusan Pastur, ngadatangan Gedong BTC; Bandung Trade Centre; rék demo, sigana.
Geus neupi ka BTC, éta gedong dibalédogan , kaca dipareupeuskeun laju diduruk. Nu aya dijero patingkocéak, lalumpatan. Jalan ngadadak macét. Kandaraan areureun, panumpangna tarurun hayang nempo kajadian. Jelema beuki ngagonyok.
Salah saurang satpam BTC nanya ka Haji Muhammad Romyan Fauzan Spd, anu keur ceuceuleuweunngan make pengeras bari ngacung-ngacung poster, maksudna mah orasi. “Naha ieu téh bet rék ngancurkeun gedong Bé Té Cé, naon kasalahanna?” Satpam Nanya.
Haji Romyan ngajawab bari sosorongot “Ah bongan sia nyieun ngaran gedong téh salah, ujug-ujug Bé Té Cé, waé! Ari Alifna kamana ? Nubener mah Alif, Bé, Té, Cé.”

Komentar (29)

Shohiba Nu'man
Haji Muhammad Romyan Fauzan nuju ameng duka ka mendi. Di teleponan teu diangkat bae. Sihoreng teh keur orasi.. hihi
Tatang Sumarsono
Eta mah nu macul, kuda-kudana weweg, ngulangkeun paculna luhur, bangun enya-enya ngawahan, tapi ari kecruk, jadol téh ngan sabuku curuk.
Yusef Muldiyana
Muhammad Shohiba Nu'man wargi ka Kang @Tatang Sumarsono hehehe... punten ah heuheuy deuh. . Jojo Johari Zakia Zalfa Zirani haturnuhun jempol na.
Jojo Johari
Heuheuheu ..Dugi ka kituna eta nu demo? ..hareueuh?!
Herdi Pamungkas
alifna tos aya, aya nu kirang sakedik...zim. Alif, be, te, ce, Zim...panutupna...
Sarjang
Asiiik...! Uing katipeng....
Maman Gantra
Hahaha... Pasti nu boga eta gedong ngajina jauh... di Shanghai!
Ahmad Fawzy Imron
edun, kang... Edun suredun..heuheu..
Wangsa Susena
ha ha.... rupina alifna kacandak caah kang !...heu heu...
Tiktik Rusyani
Ari manawi teh bade teras kana demo ngabela FPI, geningan mengkolna
Tohari Yos Dollac
Hahahahahahahahahahahahaha.......Caket lembur abdi eta mah Kang Iyus
Iwan R Jayasetiawan
Wilujeng enjing Kang Yusef Muldiyana II.padahalah langsung narabas bae ulah di ejah deui hahhaaaa
Arip Senjaya
Abdi gumujeng.
Yadi Fathur
Hahah... lada..
Cep Simi
Heuheuy, deuh! Boro tos tegang luar dalam jisim uing teh, bilih kedah ngiring demo..
Ki Baba Gibson
HAhaHAhaHAhaHAhaHAhaHAhaHAhaHAha Gelooooooooooo...!!! hahahahaha gehel sekalih.......
Lenny Magdaleni
Seger Kang! Hahahaha...
Bunyamin Fasya
Yusef Muldiyana II: naha alifna disarungan wae atuh hahaha
Teti Taryani
hehehe... abong nagara demo... nanaon ge dijantenkeun alesan pikeun demo... wkwkwk...
Yusef Muldiyana
Jojo Johari, haeueuh pisan jaman demosagala rupa didemo. Herdi Pamungkas engke teras narabas kana Lam Alim Hamzah Iya, atuih. Abah Iseng, sukaaaa deh! Maman Gantra katinggalna mah leres eta teh. Ahmad Fawzy Imron diantos enjing wengi di kebon seni.@Wangsa Urang Subang Pituin walah nhyindiran pajah uing kabanjiran. Tiktik Rusyani pasti diobumina seueur sorban warna hejo.
Yusef Muldiyana
Iwan R Jayasetiawan tos kaimpleng bade kitu, namung paur soki aya anu telmi hhhueuheeheheee. Arip Senjaya mangga gumujeng teras sing raos. Yadi Fathur Berkata sabara hiji cengekna dugi kaseuhah kitu? Hahaha katohian Cep Simi tukang demo. Ahmad Gibson jaman gehel sadaya garehel sagala gehel. Lenny Magdaleni nuhun atuh pami seger mah wilujeng menikmati dinten ahad. Beni F. Syarifudin disrungan ku lutung. Teti Taryani hayu atuh urang demo masak.
Heni Sumarni
kang Yusef banggetttt...ciri mandiri nu sajati... edaasss,,,,imajinasi mangpeng kitu agan!
Yusef Muldiyana
Heni Sumarni hatuirnuhun tos ngaluangkeun waktos pikeun jabung tumalapung nyerat komentar ngenaan fikmin jisim kuring, didua'keun mugia pangeresa jadi muslimat anu solehah tur sugih salawasna.
Tiktik Rusyani
Teu gaduh sorban hejo mah, nu hejo kacida mah hate abdi, he,he
Heni Sumarni
haturnuhun pidu,ana almukarrom!
Herdi Pamungkas
supados rada panjang, janten nyambung kana episode berikunya geuning....
Lies Tjandra Kantjana
Ah si Kang yosef mah,Hanas teh Lies reuwas !!!Jempol.Kang !
Nazarudin Azhar
Hahaha, teu kapalang édan tah nu démo. Mantab!
Yusef Muldiyana
Nazarudin Azhar Hahahah... saha nya nu jadi provokatorna? Tiktik Rusyani dina hatena aye leuweung, Herdi Pamungkas mangga bade diemutan. Lies Tjandra Kancana Sudarma sidik samisim uing oge reuwas. Heni Sumarni sawangsulna mugia enggal meser beas