Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Bagong

Kénging Abah Sarjang
Dipidangkeun dina lapak 13 Fébruari 2012 21:34:31

“Bagooong!” Nu keur gapléh ngarajleng nyampeurkeun. “Lumpat ka dinya!” Dodoy tutunjuk bari uladalid kénéh, kiihna teu anggeus kagareuwahkeun mantén. Kohkol ditakol kerep, lantaran can pati peuting, jalma rabul nyalampeurkeun marawa teuteunggeul.

“Yeuuh ka dieu!” Érté Sajin méré komando, breng kabéh ngasrék kebon, sorot batré sing salebrot, hoak euyaheuyahan gandéng patémbalan.

“Beunang cungurna ku aing! Lumpat ka susukan!” Dadang nyorowok. Puluhan léngkah jeung sorot batré ngangseg ka lebah susukan.

Aya kana dua jamna nu ngasrék kukurilingan, kusabab teu manggih laratan, tungtungna bubar sorangan. Sawaréh ngariung di pos ronda, galumbreng nyaritakeun nu bieu kajadian.

Kuring nguniang kaluar ti panyumputan, nyusutan getih nu ngucur na lebah irung.

Komentar (20)

Shohiba Nu'man
Weis, gikmin malem salasa... Kade pareum lilinna, Bah!
Yadi Fathur
Haduh... Naha Kuring Abah ..? "Muantep..."
Godi Suwarna
:"Nyari, Bah...! karasa pisan lemburna...! Waas...! Tong boro moro bagong, dalah moro bajing ge heboh wae di lembur mah..."
Teti Taryani
Teu nyangki, bagong teh ning 'kuring'. Huebbat!
Sarjang
Muhammad Shohiba Nu'man : Hehe.. Muhun Kang, gikmin duka min-gik, puguh teu aya nu ngantosan lilin, janten we pahibut pada moro.
Jajang Ruswalih
nyegik ''
Sarjang
Yadi Fathur Berkata : Hehe... Bingung, bade disebatkeun Kang Yadi, paur "Berkata tidak" heuheu...
Sarjang
Godi Suwarna : Muhun Kang Prab, resep ari mendakan isu munjung teh, sok rame ngasrek. Kalahka we samagreng, ari kenging kalah kirik. Jauh melamelu bagong sareng kirik mah... Hebohna we sajajagat...
Maman Gantra
Tah, tah, tah... Tos nu aheng deui bae, yeuh. Dongeng nu munjung. Sae, Kang! Diantos nu sanesna.
Sarjang
Teti Taryani : Hehe... Elmu galeong tea Teteh. Mugia katampi.
Dadan Sutisna
Éndingna geus mikmin pisan, Bah. Mung simuing mah nu ngimpleng kénéh logika "kuring" sareng nu ribut di lembur.
Sarjang
Jajang Ruswalih : Nyegik bari nyegruk Kang...
Sarjang
Maman Gantra : Hehe wilujeng ngantos Kang Man...
Sarjang
Dadan Sutisna : Tah kumaha logikana Kang Dan? Sok atuh pangguarkeun, kedah kumaha kumahana...
Rinto Variasirias
hebat fikmina abah mah tiasa merankeun tokoh bagong, abdi ge bade nyobian ah' merankeun bangke cacing!
Sarjang
Rinto Variasirias : Taah muhun sok atuh damel, Fikmin Bangke Cacing. Sae pisan Kang! Heuheu....
Irman N Dimyatié
:"Halah... waas ku hesena neuleuman karakter salaku bagong dina mikmin. Di dieu, aya rasana. Terus terang we... uing can bisa nurutan, Ang. Jempol 2 karung tah kangge maraban sakadang bagong".
Sarjang
Irman Dimyatie : Muhun Kang, mung tina logika saur Ang Dadan Sutisna masih keneh mawur...
Godi Suwarna
:"Batur palentinan, abah mah kalah moro bagong...! Haha..."
Sarjang
Godi Suwarna : Iiih puguh ge, ngahaja mopoek nyegik heula, kanggo modal palentinan Kang Prab, ngan kaburu kanyahoan. Janten we buncunur... Heu..