Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

DongÉng AhÉng

Kénging Yusef Muldiyana II
Dipidangkeun dina lapak 13 Fébruari 2012 19:41:26

Unggal malem jum’at kliwon, Ahéng kuncén kuburan, muka warung bubur kacang di tengah pajaratan. Nu mareulina lain sabangsaning manusa tapi…., Tuh geuning Drakula datang “Mang, meuli roti bakar jeung kopi spésial campur getih parawan” Ahéng ngaladangan. Jol deui Kunti’anak “Héy mésér bubur kacang héjo tong diketanan” Diladangan ku Ahéng. Datang deui Siluman Leuweung , gék diuk dina korsi panjang bari pok ngomong “Weeerrrr!! Kulub endog soang satengah mateng, tujuh” Diladangan. Sabot drakula jeung kunti’anak darahar. Torojol pocong aclog-aclogan nyampeurkeun warung. “Mang, pangdameulkeun Internét” Ahéng teu ngaladangan, jongjon ngagodog endog . “Mang pesen indomi telor kornét” Ahéng ngadon nyeuneut roko, teu ngaladangan, . “Ih meuni teu ngawaro!” Ceuk pocong bari léos, aclog-aclogan deui. “Mang, naha bieu pocong teu diladangan?” Ceuk kunti’anak. “Ah, horéam teuing ngahuapanna, Néng” Témbal Ahéng.

Komentar (19)

Godi Suwarna
:"Taaaah, nu ieu mah uing resep, Jang..! Nu ieu mah kagarap pisan. Teu kagok Aheng, teu kagok rahul. Asoooy dekh..."
Nyai Endit
Edaaaaaaaaaas!!! hahahhaha .. asik pisan lah!
Maman Gantra
Hahaha... (Teu kiat hoyong aclog-aclogan...)
Teti Taryani
Aheng pisaan...
Yusef Muldiyana
Nyai Endit,@Jojo Johari, Godi Suwarna , Arom Hidayatt, Metty Azmira, Yusuf S. Martawidenda Asep Komara, Herdi Pamungkas, Sri Mulyani Iwan R Jayasetiawan, sareng sadaya nu masihan jempol sim kuring ngahaturkeun mangrewu-rewu nuhun wiireh aranjeun tos maparin jempol kana fikmin ieu, didu'akeun ku sim kuring aranjeun bakal menang kabagjaan kalayam ditangtayungan ku nu kawasa, kajeun aranjeun jaga miang ka naraka, pasti jempolna mah ka sawarga. Kecuali kang Godi Suwarna bakal ka sawarga, margi sahaba ngajempolan oge ngomentaran. Reueus lur!
Dery Andriawan
simbrados, can kasebut tah...!!
Yusef Muldiyana
Dery Andriawan : Tadi sim kuring tos ti Al Islam ngalongok tuang rama.
Dadan Sutisna
Jempol heula, Ang. Ké badé ka kios heula mésér koméntar, teras nyerat udud.
Dery Andriawan
Hatur nuhun a, saurna mah tos ngalih nya...abdi teu acan kaditu deui...
Yusef Muldiyana
Dery Andriawan tadi masih di kamar 503 teras pas magrib dialihkeun ka Paviliun
Yusef Muldiyana
Dadan Sutisna, ngabales abdi kangtos kitu sabada komen ka fikminna
Asep Komara
heu..heu..nuhun..nyanggakeun deui ieu jempol raksasa...heu..heu..
Yusef Muldiyana
Asep Komara teu cios jempolna wungkul anu ka sorga
Nazarudin Azhar
Hahaha... Fikmin humor petingan!
Metty Azmira
ari sabangsaning drakula, kuntilanak, siluman, naha dihuapan ku mang ahengna kitu? pedah we cenah alimeun ngahuapan pocong, hehehe....
Yusef Muldiyana
Metty Azmira Drakula , Kunti'anak jeung Siluman mah tangtos teu dihuapan da leungeunna teu dibebed ku lawon bodas model pocong.
Metty Azmira
hihihihi...nembe kaemut...
Yusef Muldiyana
Nazarudin Azhar Fikmin kapeutingan panginten ieu mah hehee
Yadi Fathur
Wkwkwkwkwk Horor sekale...