Ku Yusef Muldiyana II
“Abdi mah hoyong lancar wéh dina usaha” Paménta kuring ka Ajeungan Abun di kamar praktékna. Si Zenal ménta hayang geura kawin bari nembongkeun foto Ida, Si Junjun mah hayang jadi juara dina lomba lawak. Sanggeus méré kalimah-kalimah anu dicatet dina kertas , ajeungan nanya ka Ayi “dupi encép anu gondrong palay naon?” Ayi ngajawab “Hoyong peralatan syuting sareng éditing” ceunah. Na ari Ayi teu eleum-eleum ka ajeungan ménta nu kitu? Kuring ngaharéwos ka Si Zenal “Nyaho kitu kuring gé ménta saparangkat gamelan tadi téh” Zenal ngaharéwos ka ceuli lebah katuhu “urang ge kuduna menta calana Jean’s tadi téh” Kadéngé Junjun ti belah kénca “kaduhung teu ménta gedong kasenian”. Saminggu ti eéta kuring narima sms nada heureuy ti Rinrin Cadraresmi “Kang bilih tepang sareng ajeungan Abun, uing pangmentakeun Kamus Bahasa Sunda nya ,paragi nyieun fikmin, hihihi 3x :D ”Sigana dongéng pamenta Ayi ka ajeungan geus nyebar kasasaha.