Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Teu Sangka

Kénging Wangsa Urang Subang Pituin
Dipidangkeun dina lapak 03 Fébruari 2012 20:56:59

"Minggeus Ki Adi mun bisa mah geuwat angguran mah tobat !". Ceuk hiji lanceuk ka nu jadi adina nu haben ngalakonan maksiyat. "Ih kang ! arék ogé akang sok cobaan sakali mah naon nu dilakukeun ku kuring, da sakali mah moal matak, apan akang mah salawasna rajin ibadah, tangtu boga pulasna meureun ?". Sanggeus paguneman kitu, duanana ngaharuleng, pabetem-betem nu satuluyna papisah. "Jelegur !", "dorokdok", "gubrag !" "Aya lini !" "Aya lini !", gorowok jalma-jalma nu paburisat nyalametkeun diri séwang-séwangan, bumi inggeung, wangunan-wangunan tohaga teu manggapulya kabéh runtag, tangkal-tangkal lir dirabutan. Ukur sajorélat éta kajadian tapi nyimpen kareuwas nu hésé dipangpalérkeun, mayit pasoléngkrah. Isukna kacaritakeun adi jeung lanceuk nu matak pikahémengeun, adina nu tukang maksiyat ngagolér teu nyawaan kaurugan ku ruruntuk wangunan masigit bari leungeunna teu leupas tina tasbéh, sedengkeun lanceukna nu ahli ibadah ngagolér ngabanusan kaurugan ku ruruntuk wangunan karoké bari leungeunna teu leupas nyekel botol arak.

Komentar (8)

Jojo Johari
Hoooor?! Atuh naha janten tibalik lalampahan? Beu?! Enyaan geuning gogoda jeung dodoja dunya teh mantak ngabengbat!? ..heuheuheu ..hareueueueuh?!
Wangsa Susena
nya kitu tea kang Jojo Johari ! hirup mah sarwa rusiah, teu tiasa ka baca, nu matak sok seueur kahariwang abdi mah.. ari ras kana kaayaan diri nu sakieu lmokot ku daki ...aeh dosa... he he..
Akoer Lah
benten ajengan teureuh subang mah, fikminna ngandung pesen moral wae, cik sakali-kali mah dongengkeun santri nguseuf lah di salam darma, bade ngajak nguseuf ka salam darma teh bedo wae yeuh...
Wangsa Susena
mangga atuh kang Akoer diantos pisan ! urang murak timbel di salam darma.. tapi ketang ayeuna mah nuju caah bae salam darmana da usum hujan...kang !
Ayah Andika
Hahaha... Mungguh jalma, teu bisa ditilik tina jihat kalakuanana. Biheung hatena mah.
Wangsa Susena
sumuhun 'Ayah ! leres pisan.. estu teu tiasa dibade' pikumahaeun panungtungan hirup... kitu manawi..
Teti Mardiana
Adina husnul khotimah, lanceukna su'ul khotimah... mugia urang sadaya tiasa husnul khotimah... amin
Wangsa Susena
mugia bae teh Teti Mardiana... Amin