Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Di Safarwadi Pamijahan

Kénging Ahmad Fawzy Imron
Dipidangkeun dina lapak 03 Fébruari 2012 08:21:45

Kuring asup ka jero, dituturkeun ku puluhan jalma. mabrana lampu patromak teu bisa walatra nyaangan sakabeh titincakan. Aya cai nu ngamalir, aya batu-batu nu lalukutan kapeuyeum ku mangsa. Aya hiur angin tiis dina sela-sela panasna hawa.
sabot keur laleumpang tengahing guha, tina lalangitna kateuteup aya cahya pulas hejo, nu beuki lila beuki ngagedean. Tuluy nyirorot neumbrag awak kuring, ngalimpudan awak kuring. Aya mangpirang sora nu kapireng ''Aa ical! Aa ical!...aya jin hejo nu ngiwat!''. eta sora beuki teu kadenge, teu kadenge.
Bray beunta. leungeun gigisik kana panon. Serab. Hareupeun pisan katingali aya aki-aki. Janggotna panjang. Bodas. Tukangeunnana rajeg wangunan laluhur. ''dimana ieu teh? aki, dimana ieu teh?'' si aki ngahuleng sakedapan ''eisy takallam, ya bunayya? Ma fahimtu ma da yaquluka..''. Kuring malik ngahuleng. Naha si aki ngomong make bahasa arab?. kuring tuluy mairan ''ya syeikh..fi aina hadza. Walloh, ana anifan fil goori pamijahan. Fi aina hadza?!''. Si aki ngajawab bari imut ''ya bunayya..syuff waroaka..ungdur waroaka''. Ret kuring katukang. tuur ujug-ujug leuleus. Ngudupruk dibarung ku nyuuhna kalbu. Atra, atra pisan. Hareupeun kuring aya masjid nabawi. ''duh..ieu abdi, jungjunan''
Cimata teu eureun, ngalembereh niisan sukma.

Komentar (75)

Godi Suwarna
:"Siiip, Yi Haj...! Pas kangge fikmin Juma'ahan dina raraga Muludan..."
Godi Suwarna
:"Siiip, Yi Haj...! Pas kangge fikmin Juma'ahan dina raraga Muludan..."
Yadi Fathur
Subhanalloh.. barokalloh Pidu'ana kang
Yayan Bedog Supriatna
Halaah...nyaanan berarti réhna ti Pamijahan aya jalan langsung nembus ka ditu nyah?. Wilujeng.. Kang H. Ahmad Fawzy Imron
Dédén Abdul Aziz
Duh, teu wasa komen. Leuleus, Ang Haji. Jempol we duanana acung-acungan dina embun-embunan...
Ahmad Fawzy Imron
kang godi...kaleresan nuju teu gaduh ideu nu kayas..nu hejo we digujubarkeun. Nuhun kang..
Ahmad Fawzy Imron
kang yadi...sami2 kang...du'a pidu'ana wae..
Ahmad Fawzy Imron
kang yayan...saur sepuh mah, ngadoa teh aya waktos sareng tempat oge kaayaan nu tangtu...rupina nu disaurkeun ku akang oge tangtos aya buktosna...
Ahmad Fawzy Imron
kang deden...katampi pisan jempolna..nuhun pisan
Godi Suwarna
:"Haha...! Istilahna heded pisan, Yi Haj...! fikmin hejo...! Sip dekh..."
Eva Nurlianah
Duh! Naha nya maos ieu Fikmin abi janten ceurik. Nyerep kana kalbu. Mugi karijkian tiasa dugi ka Masjid Nabawi. Wilujeng Kang Haji...
Ahmad Fawzy Imron
kang godi...mudah2an we teu kapendak ku kang is tuning..ku anjeunna mah, nu hejo-hejo teh sok dilebetkeun kana bab pangambung..hehe
Ahmad Fawzy Imron
neng eva...nuhun neng guru,,nuhun tos kamanah mah. Amiiin..mugia atuh sadayana ge tiasa saenggalna ngadeuheus ka ditu.
Ki Baba Gibson
Langsung mukaan Kamus....... hareuuhhhh......
Dadi Arya
Ngaleketey....sono nataku. Gustiii!
Ahmad Fawzy Imron
kang a gibson...hehe..abdi mah sanes tina kamus..kengeng ti matrial da.. :D
Ahmad Fawzy Imron
kang dadi...leres kang. Sono pisan...
Andana Apih Janitra
antum wasallama ya aina kang Imran
Nazarudin Azhar
Hutbah téh asa langkung anteb ku fikmin sapertos kieu yeuh..
Yayan Bedog Supriatna
uhun..,Kang H. Ahmad Fawzy Imron sakali waktos mah tausyiah teh nganggo fikmin geura
Ahmad Fawzy Imron
kang dadan andana...htr nuhun kang..
Ki Baba Gibson
Langsung milari ragaji.........
Ahmad Fawzy Imron
kang NuNaz...sumuhun kang...sapertosna mah jumatan teh moal nundutan teuing.. :)
Ahmad Fawzy Imron
kang Yayan...tos seueur fikmin nu dibaca ku abdi dina rutinan..seratan kang rudi, kang nana, kang herdi pamungkas...fikmin hejo wungkul.. :)
Ahmad Fawzy Imron
kang a gibson...tah eta kang..
Liman Sanjaya
punten, dupi amanat sim uing tos didugikeun? manawai aya waleran... heuheuheu..
Ahmad Fawzy Imron
kang liman sanjaya..saurna teh kedah dipilari ku nyalira. Kedah dipaluruh ti puhuna..ti kangjeng sunan rohmat, godog..
Liman Sanjaya
oh, nuhun atuh.. ari tos tandes kieumah reugreug.. ti godog ka cibiuk teras ka pamijahan.. rengse ti dinya nembe ka ciparay, heuheuheu
Ashbah AbiAqiel
Ajieb ajieb ajieb kullal 'ajbi
Irman N Dimyatié
:"Subhanallah...!!! Jazakallohu khairon katsiro. Qorotu fi hadzal fikmin ja'alani bukaan. Yaa Syech.... fi hadzal fikmin hunaaka al-kalimat.... yajibu alaihi 'al-qolbu' laisa 'al-kalbu'. Syukron katsiron".
Ernawati Siti Syaja'ah
Hë•⌣•hë•⌣•hë•⌣•he..fikmin hejo...ajiiib. Pami fikmin beureum kanggo fikmin dina wanda naon tah kang? Hë•⌣•hë•⌣•hë•⌣•he.
Remi Purwaka Sadkar
labaik Allahumma La baik......
Shohiba Nu'man
Aheng! Saripati jiarah. Oleh-oleh ti Pamijahan. Katampi pisan. Hatur nuhun Kang Haji..
Ayém Cépian
Alhamdulillah wilujeng ngahaji haratis kang Hajj. hoyong ah....!
Remi Purwaka Sadkar
gan Ki Hasan, Gan Nana Sukmana, upami di tengetan ieu fikmin teh tos langkung ti 150 kecap. dugi ka 183 kecap, manawi ieu teh.
Ki Hasan
Hehehe. Kang Purnama Alam, katawisna mah, waruga fikmin Sunda masih milari bentuk. Kang Godi Suwarna, Kang Nazarudin Azhar, oge Kang Dadan Sutisna, ti waktu ka waktu masih milari lilingeran anu pas. Sabaraha kecap maksimalna.
Remi Purwaka Sadkar
heuheuheu, teu acan janten ugeran nu maneuh maksadna eta papagon teh,nun. nganggo sofware warisan ti salira,tong bujeng nu keur dialajar mikmin. mangga di uningaan. nu naskahna mindeng ka sair pijadieun petingan bae ge, seueur keneh lepatna. utamina, pami di ukur ngganggo sentence case. kitu Gan Ki Hasan. heuheuheu supados walatra, sami, pada-pada apik. pada-pada di kritik. hapuntenna bae.
Ki Hasan
Leres pisan, Kang Purnama Alam, katinggalna teu acan saklek. Upami tos biasa nganggo Notepad++ mah mudah-mudahan wae, migunakeun kapitalisasi oge nu sanesna tambih biasa.
Yanti Sri Budiarti
Subhanaloh..! Ngahuleng lami dina fikmin ieu mah A..! Namperkeun kasono...:)
Ahmad Fawzy Imron
kang liman sanjaya...sumuhun kang...diantos..hehe
Ahmad Fawzy Imron
kang ashbah abieaqil....syukron, pangersa..
Ahmad Fawzy Imron
kang irman...sawa-sawa ya syeikh, syukron jiddan idza kana hadzal fikmin ja'alaka buka'an... Wa syukron kaman, fi tashihi kalimatil kalbu bil qolbu...alfu syukron.. :)
Ahmad Fawzy Imron
ceu ernawati...fikmin beureum mah kanggo nu nuju kareseban...hehe
Ahmad Fawzy Imron
kang MS...sami2 kang..kaleresan oleh2na ge aya tambihan..dorokdok ti garut. Namung ayeuna mah tos seep...wios nya? Hehe
Ahmad Fawzy Imron
kang cepian...hayu atuh, urang kaditu sasarengan.. :)
Ahmad Fawzy Imron
kang purnama alam...hatur nuhun parantos ngemutan...leres pisan, teu kaparios ku abdi...horeng fikmin teh langkung ti 150 kecap...nuhun pisan kang...
Ahmad Fawzy Imron
ki hasan...teu petot-petot, abdi neda kamandangna...diantos, nun
Irman N Dimyatié
:"Simkuring mah moal madungdengkeun jumlah kecap, nu jelas eusi ieu fikmin matak muringkak bulu punduk. Aheng ku kakawasaan Gusti Allah SWT. Nuhun Ang Ahmad Fawzy Imron".
Ahmad Fawzy Imron
teh yanti...pidu'ana wae..abdi ge sono pisan. Mudah2an saenggalna tiasa ngadeuheus deui ka madinah.
Ahmad Fawzy Imron
kang irman...hatur nuhun kang.. Namung mudah2an we, abdi teu hilap deui kana lilinggeran nu parantos aya...
Remi Sadkar
Nembe kaambung seungitna we, kang. duka iraha tah,tiasa jiarah ka palih ditu.
Ahmad Fawzy Imron
akang remi...mugia atuh saenggalna, kang..nineung ku seungitna..
Remi Sadkar
Duh, mugi janten dunga, nun. Dunga keur jisim abdi, hatur nuhun kang Ahmad Fawzy Imron. InsyaAllah.
Ahmad Fawzy Imron
akang remi...sami2 kang..du'akeun abdi ku salira...
Remi Purwaka Sadkar
Gan Ahmad Fawzy Imron, Salam Hormat. salira leres-leres jalu/gentle. Sunda Peryogi Panutan nu miboga ahlak kieu. Gan Irman Dimyatie, sanes kanggo di padungdengkeun jumlah kecapna mah, memang. namung kedah diemutan papagonna. NII di enonesa, motifna luhung. hayang nanjeurkeun Islam, namung carana lepat. naha bade biluk salira, kadinya ? hartosna sakumaha saena eusi upami nganggo cara nu ngarempag aturan mah. teu aya hartosna. sapertos kasauran Gan Godi Suwarna, urang ngadisiplinkeun diri sewang-sewang. picontoeun ka para nonoman/wati. ngarah kalatih jiwa idealismena. keur sunda,yaktos.
Irman N Dimyatié
:"Keur simkuring mah, nu masih keneh diajar. Masalah wates jumlah teu pati dipermasalahkeun. Nu utamana heula mah, eusi fikmin. Tah, ti dinya urang nyarungsum lalaunan. Ari diajar mah perlu proses. Moal sakaligus bisa atawa jadi ahli. Tapi, tetep tiap nu diajar kudu bisa ngadisiplinkeun diri sorangan. Eta mah geus teu kudu dititah deui ku batur. Ayana dina diri urang sorangan. Proses diajar nu bakal hasil nyaeta proses nu alamiah. Teu dipaksa ku aturan-aturan kaku. Da ieu mah lain ngalakukeun sesuatu seperti halna 'shalat' nu geus jelas aturanana. Mun aya keneh fikminer nu masih keneh leuwih ti 150 kecap. Keun we antep. Ari nu dewasa mah pasti diajar tina situasi jeung kondisi. Aya deui nu kudu dibebenah, nu leuwih utama batan jumlah kecap, nyaeta kudu bener heula nuliskeun tanda baca. Iraha jeung kumaha make huruf kapital. Gunana tiitk, koma, tanda seru, tanda tanya, jeung sajabana. Eta we heula.
Remi Purwaka Sadkar
Mangga teu langkung, gan Irman Dimyatie. Heuheuheu, Namung Yaktos Gan Ahmad Fawzy Imron tetela, wening galihna. Mentalitas hiji panutan nu perlu ditiru. Nuhun, wilujeng wengi.
Irman N Dimyatié
:"Saderek Purnama Alam, cobi diaos deui komentar simkuring sing dugi ka leres-leres ngartos. Ulah langsung ngambil kasimpulan. Di dieu urang ge kudu jembar kana perbedaan faham. Urang ulah maksa batur kudu kitu kudu kieu. Naon untungna keur urang? Naon rugina keur urang? Nu jelas, sok atuh saderek ngadamel fikmin nu langkung sae (berisi). Bere conto di dieu. Ulah ngan saukur ngaadu-renyomkeun teori wungkul. Sok diantos karyana".
Remi Purwaka Sadkar
sanes urang Gan Irman Dimyatie, Lapak Fikmin nu ngaturna sapertos kitu. aduh paralun, kulan. rumaos teu saparigel gamparan. sanes teori nu di padungdengkeun, rumaos tuna pangarti. namung Papagon, kulan...heuheueheuheu.
Lugiena De
3. Fikmin nyaéta naskah nu ditulis dina basa Sunda, dipidangkeun teu leuwih ti 200 kecap, tur formatna luyu jeung katangtuan nulis fikmin.
Wida Waridah
Kang Haji, pami tos diditu, doakeun nya, simkuring sakulawargi oge hoyong nyusul. wios jalanna bade ka pamijahan heula ge abdi mah, nu penting dugi ka mekah sareng madinah... :D
Ahmad Fawzy Imron
kang purnama alam.. Aduh alahhh Si akang meni muji ka abdi..abdi mah palaur pami aya nu ngalem teh..sok morosot lancingan..heuheu..
Ahmad Fawzy Imron
kang irman... 'surat balesan' ti nyi asih, parantos diaos ku abdi...janten kasuat-suat...soalna abdi ge kantos nampi serat nu sapertos kitu..hehe
Ahmad Fawzy Imron
kang lugiena de..nuhun kang..abdi janten kaemutan kana papagon nu diserat ku kang dadan..nuhun
Ahmad Fawzy Imron
teh wida...siappp teteh...cuang silih du'akeun wae.. :) Amiiiiin
Yayan Bedog Supriatna
sanajan aya basa jerman nu teu kahartos suetik-seutik acan, nanging ieu pikmin anteb leleb nanjeub kana manah sim uing mah.
Ki Hasan
Jigana nya Kang Ahmad Fawzy Imron, idealna jadi urang Sunda muslim, kedah ngawasa lima basa: Basa Sunda salaku basa indung; Basa Indonesia pikeun campur gaul nasional; Basa Inggris pikeun ngulik elmu pangaweruh; Basa Arab, pikeun ngulik ageman.
Yayan Bedog Supriatna
Kuo I srg Basa Jerman ogé
Ahmad Fawzy Imron
kang yayan...hehe, nuhun kang.. Namung punten, nu di luhur teh sanes basa jerman tapi basa uganda.. :)
Ahmad Fawzy Imron
ki hasan..heuheu..abdi mah baroraah lima bahasa, ki...basa sunda ge pabaliut keneh. Upami tea mah dina fikmin di luhur aya kapendak basa arab, eta mah kengeng mulungan tinu icalan korma di pasar misfalah.. :)
Ki Hasan
Kang Ahmad Fawzy Imron, cing sugan aya palakiahna. Kumaha jurusna diajar Basa Onta? Da geuning bahan mah kiwari sakitu ngaleuyana. Manawi aya kiat khusus. Piraku ari kedah ngiwat mojang Arab mah. Hahaha
Ahmad Fawzy Imron
ki hasan...abdi teu patos terang kana jurusna mah. Nanging abdi rada terang hiji dua kalimah basa arab teh tina ladang sering kakuping...kaleresan di lingkungan pribados seueur murangkalih santri nu sok dialajar basa arab. Atanapi supados enggal mah, ku palakiah nu kasebat ku pangersa di luhur..ngiwat mojang arab tea...heuheu.
Ki Hasan
Lah Kiai Anom mah, kedah dideuheusan wae. Sesah dikobetna. Jigana uing perlu ngawayahnakeun nepangan salira.
Ahmad Fawzy Imron
ki hasan...hehe..kirang sae upami kasepuhan lungsur gunung, maluruh saung pribados mah. Sawios abdi we nu ngadeuheus ka salira...
Nana Sukmana
Ka sakumna fikminer : (sanes mung kanggo Ang Ahmad Fawzy Imron) : Yu, ah, urang diajar meureut kecap. Urang nurutan beus Patas AC (Sanes Beus Kota, da patas ge namina wungkul) Hé hé hé....