Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Janggo Jeung Misda

Kénging Yusef Muldiyana II
Dipidangkeun dina lapak 03 Fébruari 2012 02:58:26

MISDA :
Kakara saminggu kuring pepegatan jeung Saidi, tapi geus aya gantinya; Janggo. Janggo téh gabungan ti asal muasal tempat kalahiran kolotna. Bapa ti Cikajang, indung Cibogo, jadi wéh anakna Janggo Untung bapana lain urang Citepus, indung ti Cipeusing, meureun anakna jadi Pusing. Atawa Bapa Cikendang Indung Cikadut; dangdut. Atawa bapak Tanah Abang, indung ti Cisaat, jadi bangsat. . Lamun indung jeung bapa sarua ti cikajang tangtu jadi Jang-Jang.Anu alus mah Indung ti Garut bapa ti Jerman, anakna tangtu indo. Leuwih alus deui bapak jeung ti Gorontalo anakna jadi Biptu Norman. Tapi nu leuwih hade, bapak ti Dago indung Sukajadi. Pasti jadi Godi. Janggo janji rék nepungan kuring , peuting ieu pisan. Ayeuna kuring kudu siap-siap narima kadatangan Janggo. Kuring kudu dandan, sangkan leuwih geulis.

JANGGO :
Nepangkeun wasta kuring Janggo.. Peuting ieu kuring apél ka imah Misda. Misda teh singkatan , lahir poe kemis deket kandang kuda. Untung teu deket kandang itik jadi Mistik. Atawa deket kandang keting jadi misting. Komo lamun deket kandang teri jadi misteri. Tapi anu alus mah lahir poe kemis deket kebon engkol, jadi miskol. Lamun lahir poe kemis di imah pa Sodikin jadi miskin. Tapi anu bahaya mah lahir poe kemis di kandang maung, tangtu dihakan Misdana ku maung. Sabenerna can tepat kétang disebut apél mah, sabab uing jeung Misda mah acan jadian. Kakara peuting ayeuna kuring rék nembak Misda.

Misda, diperankeun ku Wida Waridah . Janggo, ku Toni Lesmana - Tokoh Saidi, Nazarudin Azhar Bapak Janggo Yusef Muldiyana, Indung Janggo Meila Handayani, Uwa Misda: Taufik Faturohman Lebe mangsa Misda jeung Janggo kawim: Kyai Matdon

Komentar (12)

Wida Waridah
wew ahh... tos liren maen titerna ge, kang Yusef...
Yusef Muldiyana
Lebar ah, aktris terbaik FDBS make liren sagala
Wida Waridah
ngantosan kang yusef nyutradaraan di ciamis ahh... nembe kersa...
Yusef Muldiyana
Sok atuh hayu
Godi Suwarna
:"Hahahaha....! Fikmin aliran YusMul (Yusef Muldiyana) mah teu weleh matak ngabarakatak. Padahal uing mah geus langka seuri mun maca carita lulucon teh. Siiip dekh...! Kantun ngapikan kecap sareng ngetikna sapertos dina Sayur Langit Rujak Bulan nu hade pisan. Dina Janggo aya kecap: deket, pasti maksadna mah deukeut. Tapi da lami-lami mah bakal lancar. Tah, upami tos lancar mikmin, kana ngarang drama Sunda ge mung kantun salengkah deui. Der, ah..."
Laskar Panggung II
Tah dangukeun Kang Yusef aos kritikan ti Kang Godi. Sok kang ngadambel naskah drama basa sunda, engkin abdi ngiring maen.
Dédén Abdul Aziz
Aliran anyar: Fikminter, Fikmin Titer. Heded tah, Gus Yus... Cita-cita Ang Dadan Sutisna hoyong nganggit naskah Fikmindram. Kantun kolaboratol
Yadi Fathur
Hded-haded wae Ang....
Meila Handayani
Ke ke ke..naha abdi janten indung si janggo?asa kolot euy peranna,tapi bae lah nyanding jeung kang Yusep mah..adeganna tong loba disensor nya omat HªhªhªHªhªhªHªhªhª
Nazarudin Azhar
Hahaha teu kaur ek indit jumaahan teh aya Gus Yus Mul mah..haha
Yusef Muldiyana
Meila Handayani , matak teu kacarioskeun dina fiikmin oge puguh adegan urang anu di tempat itu teh disensor hahahaaa...
Meila Handayani
Ah teu rame disensor mah..duitna weh kang ☺Ήii☺Ήii☺Ήii•••☺