Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Sayur Langit Rujak Bulan

Kénging Yusef Muldiyana II
Dipidangkeun dina lapak 02 Fébruari 2012 19:07:20

“Kang, ieu orok moal waka dijurukeun lamun akang can mèrè sayur langit jeung rujak bulan ka kami.” Geus opat puluh bulan umur kandungan pamajikan, tapi orok tacan borojol kènèh. Dumèh geus ti baheula pamajikan nyiram hayang sayur langit jeung rujak bulan. “timana atuh kuring rèk menang sayur jeung rujak eta tèh, ti kahyangan? Ganti waè atuh ku bubuy bulan sangray bèntang. Sarua meureun?” . Ceuk kuring ka pamajikan “Embung, kami mah keukeuh hayang sayur langit rujak bulan” kitu tah tèmbal pamajikan. Mangpuluh tahun kuring nèangan, tatanya kaditu kadieu, tapi can manggih waè. Lamun mentana bubuy bulan mah, gampang, tinggal nèangan mp3 na tuluy dibikeun ka pamajikan. Ari Sayur langit rujak bulan mah kapan euweuh laguna. Tapi kuring yakin bakal manggihan naon anu dipikahayang ku pamajikan; asal urang ikhtiar , Gusti Allah mah pasti mèrè jalan. Genep bulan lilana kuring ibadah ka pangeran, teu kaliwat Sholat lima waktu jeung tahajud, ngan kaliwat tilu kali Sholat subuh jeung tujuh kali teu jumaahan. Unggal sumujud na sajadah, kuring mènta tulung ka Gusti, sangkan bisa nyumponan kahayang pamajikan. Tengah peuting basa kuring Tahajud, pas kuring ruku, naha ieu pikiran bet ras inget ka Fiksimini Basa Sunda? Satutasna Sholat Tahajud, kuring muka internèt, nyieun fiksimini nu judulna “Sayur Langit Rujak Bulan”. Sanggeus bèrès, èta Fiksimini dibikeun ka pamajikan. Naha da teu kungsi lila pamajikan ngajuru, budak kuring lahir, kasèp naker. Awak beresih siga Ėsih , gado siga Godi, huntu siga Nyimas Kanjeng Ratu, panon caang siga Iwan Hanjuang, tuur siga Yadi Fathur, lamun seuri siga Jojo Johari, sirah siga Siti Syaja’ah, lebah pangambung siga Ki Hasan. Nya ku kuring budak tèh dibèrè ngaran Si Fikmin.

Komentar (25)

Yusef Muldiyana
Teu panyang teuing kitu ieu teh anyiiiiink...?
Rudi Riadi
Hahaha...asiiiik pisan Kang. Perkawis panjang pondok mah teu masalah. Memang sih, aya aturanana, saurna maksimal 140 kecap. Nanging da ku cariosna nu aheng kieu mah, kaubaran....nyanggakeun jempol nu tos 40 sasih teu diwasuh...haha.
Yusef Muldiyana
hahahaa... jempol sampean?
Ayém Cépian
Hawhaw..... Absurdisme, asa nyair belut dina cileuncang........!
Ki Hasan
Ceuk uing ieu mah Kang Yusef Muldiyana II, edun ideuna. Ngan jigana bakal leuwih edun mun lilana kakandungan dipertahankeun dina rentang 9-12 bulan. Tah diantara bulan ka-9 nepi ka-12 aya wanoja nu adug lajer hese ngalahirkeun, disagigireun eta aya lalaki nu adug songkol neangan pamenta pamajikanana.
Godi Suwarna
:"Hahahaha...! Asoooy, 'Nyink...! Mantaf, 'Bro...! Ayeuna mah wios panjang ge, etang-etang olah vocal we heula. Tah, upami tos der maen, angge prinsip bisnis-na teater tea, Yayi..."
Mahpudin
hahahahahahaha...!!!!
Nyimas Kanjeng Ratu Yuyu
Huntu orok siga Nyimas Kanjeng Ratu Yuyu nya..? halah
Yusef Muldiyana
Kuring ngahatur mangrewu pangapunteun kanu namina kasebat dina fikmin abdi diluhur sapertos, Esih Sukaesih, Godi Suwarna, Nyimas Kanjeng Ratu Yuyu, Iwan Hanjuang, Yadi Fathur Berkata, Yayat Hendayana, Jojo Johari, Ernawati Siti Syaja'ah , Apoedy Sarah IhsanEtti Rs jeung sajabana margi disesuaikeun sareng kaperyogian carios.
Yusef Muldiyana
Ki Hasan, muhun asa lami-lami teuing nya kirang realistis jadi asa ngacapruk teuing, mun rek surealis mah 40 abad weh sakantennya , hehehe... Abi Cepian Ibn Al-khairi saleresna mah teu aya maksad a-absuran mung da kitu jadina hawhaw....
Yadi Fathur
Heuheuh.... heuheuh.... bwahahah... Sugema yeuh fikmin... Wilujeng marhaba lah.. Ang..
Bhima
hehehe... asik kang. aheng tapi edun.
Ernawati Siti Syaja'ah
Heuheu....kacipta eta nu 40 bulan, pas borojol teh tos kumisan sagala rupina sigana. Sabaraha sasih nelek-nelek sirah abdi? Hehe....haturnuhun ah tos ngiring tenar dina fikmin petingan yeuh....
Yusef Muldiyana
Cucu Rahmat saleresna Si Fikmin teh curuik Cucu. Ernawati Siti Syaja'ah rupina mah barang borojol tos huisan sareng waosna dibekhe. Yadi Fathur aya marhabaan dimana ?
Yusef Muldiyana
waosna dibekhel maksad teh
Nena Cunara
Barang gubrag kadunya, orok langsung nyutradaraan
Yusef Muldiyana
Teh Nena Cunara , lamun eta orok langsung nyutradaraan tangtu jenganna bakal aya papanjangna jadi Fikmin Rachman , tuh murwakanti pan heheeee....
Remi Sadkar
katawis Dariana teh, tu dugi ka di tahajudan kitu mah, enyaan, hebring! heueheueheu, manawi teh moal kadinya leosna.
Uzanx Boam
heuydeuh
Iwan Hanjuang
ha ha ha h ahahaha
Yanti Sri Budiarti
he he he...Rameeee...!
Nena Cunara
mimitina....... tong sok mulangkeun panineungan atuh ayi, heuheuy deuh... jaman keur ngora ku loba lelewa
Yusuf S Martawidenda
Jadi sabenerna eta orok teh budak saha ..
Jojo Johari
Horseeeeeh! Aya nu ngala ka simuing geuning? Ayeuna tos tiasa kumaha orok teh, Ang? manawi tos tiasa ngawih? ..heuheuheu ..hareueueueuh?!
Lies Tjandra Kantjana
Kang Yusuf ! TEu kenging kitu !!!!