Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Debt Collector

Kénging Taufik Hidayat
Dipidangkeun dina lapak 31 Januari 2012 14:22:30

Buuk dugul. Jeket kulit hideung. Ngahuleng. Neuteup lalambaran kertas eusina daftar nu baroga hutang. Jung nangtung. Gaur! greng! Ngeng...ngeng! Laju motorna meulah angin kota. Reg, eureun di buruan imah rongkah. "Sia nu sok nelponan aing teh?" ujug-ujug aya sora hahaok. "Punten pa, abdi mah darma tugas ti kantor!" ceuk nu dijeket kulit teges.
"Alaah, pilakadar jadi kacung Yahudi, antek Babah! sia geus balaga! Teu nyaho ka aing?".
"Teu langkung bapa bade nyarios kumaha oge, abdi kadieu seja ngemutan hungkul, bapa tos tilu sasih teu acan lebet setoran!" Jawab nu dijeket hideung.
"Najis aing ngabeungharkeun bangsa deungeun jeung kacungna! Naraka siah!"
Gurilap..kecrak!!... Reup poek.
Nu dijeket kulit ambruk. Dina engapan nafas panyesaan ngalangkang anak jeung pamajikanana. Tunggara mun manehna perlaya. Getih beureum semu hideung ngalembereh tina beuheung. "Allah..Allah!" batina ceurik. Hawar-hawar aya sora. "Geura reureuh! Sawarga jeung Naraka hak preogratif Pangeran!"

Komentar (5)

Irman N Dimyatié
Aya dua rupa debt collector; nu sopan jeung nu pikasebeleun. Dina fikmin ieu, nu jadi korban, geuning DC nu bageur. Deudeuh teuing jalu. Demi anak-pamajikan..... rela nandonkeun nyawa.
Taufik Hidayat
Alah.. haturnuhun pangersa bapa Irman Dimyatie. Tos rurumpaheun masihan jempol. Pamugi janten pecut sumanget kanggo abdi.
Taufik Hidayat
Hatur nuhun ka wadya balad jempoler...neda piwurukna tinangtos abdi seueur kakirangan.
Ernawati Siti Syaja'ah
Raraosanana eta surga teh nu manehna. Nu teu saguru teu saelmu mah euweuh hak asup surga, kitu meureun nyA pikirna teu...beu...beu..beu..
Taufik Hidayat
Teh Erna Siti Syaja'ah.. Pan kitu ayeuna mah seueur nu akon-akon.