Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Indigo

Kénging Ya Soebarta
Dipidangkeun dina lapak 24 Januari 2012 08:59:38

Ngagidig leumpang ka jauhna. Awak busekel hideung. Sakapeung ngajanteng sura seuri, héhéotan bangun euweuh karingrang. Teu karasa anjog ka nu dituju. Manéhna ngarandeg, mapatkeun jampé pamaké paméré ti karuhun. "Heup! Saha manéh euy wawanianan luntang lantung ka dieu..?" Tanya patugas jangkung gedé. "Ah ulin wé mang uing mah, karesel di lembur waé..!" témbalna tuluy mencrong. Nu dipencrong ngarénjag. Luk! Tungkul. Si ajo mulubus ka jero rohangan. Panonna ngawaskeun ka sakuriling. Kasampak aya nu hoghag silih sogot, anu nundutan mah, ogé teu tinggaleun anu cacalawakan wungkul. Gajleng! Si Ajo Luncat ka luhureun méja panghareupna. Dut! Hitut. Ngulibek. Jep! Sora sahéng saharita jempling. Ngadak-ngadak gemprah. Sakabéh pangeusi rohangan tingsalegruk ceurik. Si Ajo andekak sila. mesékan jamus layang kalimusada.

Komentar (16)

Godi Suwarna
:"Rohangan nu ngan ukur dipake parasea, diparake nundutan, diparake cacalawakan, nya mending dibekok wae, atanapi dipodolan sakalian...! Hiduuup Ajoooo..."
Entjep Sunardhi
Paseana dina panggung sandiwara, da buktina mah ukur bancakan. Katohyan ku Ajo.
Mahpudin
ceurik nyaanan??? atawa ceuceurikan.. xixixixi.. bakating ku teu percaya tah ka pangeusi rohangan abdi mah.. heuheuheu...
Ya Soebarta
Kang perbu Godi Suwarna, heuheu satutas nongton pilem budak indigo teras dikaitkeun sareng gedong di senayan..!! hayu atuh ayeuna mah urang ngaradu bekok teras weh kintunkeun ka senayan, pami sareng bukurna mah anggap we bonusna..!! hehehehe, haturan kakang.
Ya Soebarta
Kang Entjep Sunardhi@ uhun kakang, ningali anu ngabarudah teh sok hoyong ngabekok abdi mah..!! hehehehe, haturan kakang.
Ya Soebarta
Ang Apoedy Sarah Ihsan, sapertosna mah bobohongan, da cisocana ge bau dahdir..!! kacipta anu nuju nundutan diagepan bekok colok, heuheuheu..!! haturan ang.
Akoer Lah
komo mun si ajo ngawaris bekok ki lurah semar badranaya ti padepokan tumaritis, bakal runtuh tah gedongna.
Ya Soebarta
Kang Akoer Lah, tah kantenan bekok wawaris karuhun mah, sok aya karahaan, sanes sabekok-bekokna..!! heuheuheu, haturan kang.
Budi Muhammad
“ Saha manèh? ” ceuk patugas nanya deui. “ Dèwèk pangeusi ieu nagri! Halik montong ngahalangan !” Ajo malik nyorongot, tuluy korsi-korsi buatan Jèrman diganti kabèh ku korsi hoè buatan Cirebon. Geus kitu Ajo naèk deui ka luhur mèja. Pok manèhna nyarita. “ Tah, hadè ku ieu euy ! Ngagalakeun KUKM !, mana si pupuhu banggar !? Ka dieu kituh ceuk dèwèk ! ”
Heni Sumarni
iiih..edun!
Ya Soebarta
Ang Budi Muhammad@ tah pami dikitukeun mah heded pisan ang cariosna..!! haturan ang.
Ya Soebarta
Aceuk Heni Sumarni, uhun bekok Si Ajo mah pangedunna..!! hehehehe, haturan aceuk.
Irman N Dimyatié
Si Ajo = Lurah Semar Kudapawana.....
Ya Soebarta
Kang Irman Dimyatie@ kutan kitu eta teh, seueur silokana ki semar mah..!!
Ahmad Yani
Cacakan ngan saukur urang lembur, nu teu nyakola luhur. Ningan si Ajo mah, geus bisa nyimpulkeun, yen nu sok dijadikeun bahan adu renyom nepi ka hog-hag, paranteng-ranteng urat beuheung teh, sihoreng nileyna teu jauh ti BEKOK !.. hi hi hi hi hi ! panuju Ang !, sakalian tah sina mulek rohangan teh, sugan ka keueum ku utah maranehna sorangan !
Ya Soebarta
Heuheu, mending upami ngabukur mah kang Ahmad Yani, da ieu mah kabagean dedekna ge teu janten bekok-bekok acan..!! bati kekerot we pun abdi mah, piraku kedah diolesan bekok colok mah tah anu nundutan dina korsi...!!